Wakkagagerak 29:34 - Ala Wone Peenok Peebi Mbanak

³⁴ Ti'nuk, at kwe Leya nogo ambinom abila a'nuk, aagaluk wulaga ambi aret ndake nagagerik, ari logonet, “Yogondak perak, nogonggelo obaane'me naagalogwe kenagan aret ndaganakirak me, iniki kundugu nggwok lombok ee'nabigin kagi,” ari nagagerik, endage Lewi tooneegerak.

Wakkagagerak 29:34 ပူးပေါင်းရင်းမြစ်များ

Wakkagagerak 30:20

Ndake nagagerik, at Leya nen ari logonet, “Ala nen onggo lek naagaluk wo'nege yi, mondok iya lombok eerogo panege mbaki, an naagalogwe wologwe 6 aret Yakup obaane'me ndakirak yi paga nen perak, yogondak nogonggelo nen waganogo enaame panigin kagi o,” ari nagagerik, “Wulaga yi endage ti, Tebulon aret o,” yinuk, tooneegerak.

Wakkagagerak 34:25

Inagabolo mbaninako mbareegwa, nogo mbere yippunuk, ko'lu andi nen iname lombok wonogwe me, at Yakup apuri mbere kolaga Ndina owewologwe Timeyon Lewi imbirak nen inobaloowi waganggo nogogwaarik, abera'lek me o yaga'lelo time unggwi nanuk, aap nogo tigitogon inoorogo piyareegwaarak.

Wakkagagerak 35:23

Kwe Leya aagalogwe inendage ti, Yakup aput manggu, Uruben. Ndi, ambo'me Timeyon, Lewi, Yekura, Itakat, Tebulon, aret ndaganabeegerak.

Wakkagagerak 4:1

At aap Aram akwe Kawa imbirak nogo yege logonet, kwe nogo abila age nagagerik, aagaluk manggu wulaga ndareegerak. Ndake nagagerik, “At Aliku ALA nen yeenggwa nege kagak wulaga yi ndaki o,” yinuk, endage Kayin tooneegerak.

Wakkagagerak 46:11

Lewi, at apuri Nggeroton, Kekat, Merari inom,

Wundeegwaarak 2:1

Ne ti eyom paga aap anebunu Lewi mendek ambi nen kwe Lewi mendek mban aret waganeegerak me,

Wayu 7:7

anebunu Timeyon mendek dua belas ribu leenogo piige, anebunu Lewi mendek dua belas ribu leenogo piige, anebunu Itakat mendek dua belas ribu leenogo piige,