Wakkagagerak 29:32 - Ala Wone Peenok Peebi Mbanak

³² Ndi, Leya nogo abila age nagagerik, aagaluk manggu wulaga aret ndareegerak. Ndake nagagerik, ari logonet, “At Aliku ALA nen an niniki aaninggin wonage nogo neege nagaarik, naagaluk wulaga yi aret wo'negerak me, yogondak nen perak, at nogonggelo nogo iniki kunik ee'nake logonet, nabuwa mbarigin kagi o.” Ari nagagerik, at endage ti, Uruben tooneegerak.

Wakkagagerak 29:32 ပူးပေါင်းရင်းမြစ်များ

Wakkagagerak 16:11

Yoge nagagerik, Aliku ALA ayonggo malayikat nogo nen yoge logonet, “Kabila agandak nogo ti, Wulaga ambi aret ndarumunggun o. Ndake logomenggendik, Koba aaninggin kenok le yagandak nogo ti, Aliku ALA muk aruk konenggerak me, Kaagaluk endage ti, Itamayen aret toonumunggun o.

Wakkagagerak 29:31

Yakup nen kwe Leya iniki kunik lek wonage nogo at Aliku ALA nen kage nagagerik, aagaluk ndaruwak nduk, eeppereegerak kwe, Araken nogo perak, wubili aret wonagagerak.

Wakkagagerak 31:42

An nogoba Itak ogoba Ala inom, Abarakam ogoba Ala inom, ndi, at Itak nen Ayuk Wuke Menggerak inom, nogo nen an narum logonetak lek nen, kat nen an neenggime ambi panega'lek we aret mugogo nappani woranetak kwe, an andi-pandi ee'nake kagak, kat keyabu nggwiirit-nggwaarit eerit nege nogo at Ala nen neyareegerak me, kat kii'me nogo yege me wone yokkegerak ti aret o,” yoreegerak.

Wakkagagerak 35:22

Wuppunuk wonogwe me, at Uruben nogo nen ogoba ayeloman mendek waganeegerak kwe Mbilaka nogo, imbirak nogo yereegwaarak. Imbirak nogo yereegerak nogo at Iterali aruk koneneegerak. At Yakup apuri ineebe lambuk togon ti, 12 aret ndaganabeegerak.

Wakkagagerak 35:23

Kwe Leya aagalogwe inendage ti, Yakup aput manggu, Uruben. Ndi, ambo'me Timeyon, Lewi, Yekura, Itakat, Tebulon, aret ndaganabeegerak.

Wakkagagerak 37:29

Wonok nogogwaarak nogo, at Uruben eenggo'lek me, Yutup mbuun me wonage nduk wondekka nage nagagerik, eebe lek mbareegi, ambogoyum nibinik-ndelenak agago punuk,

Wakkagagerak 42:22

Yogo mbareegwa, at Uruben nogo nen ari logonet, “Ninawuluk maluk eeppuurak mage o, yokkiragagirak nogo lek a? Yokkiragagirak kwe, noone taganeegutak nogo. Ndi, ninawuluk amiya wundeegerak nogo onggo yogondak nit ninoba age yi kaanip o,” yereegerak.

Wakkagagerak 42:27

Nogo nogogwaarik, nogo yuwam oolo time ari nanuk, nogo yuwok nduk eeko logonet, at ambi nen mbato keledai wogoraakit nduk karun ambe piinogo pekkage nagagerik, awu mbato onggo pereegerak nogo mbato inom yonggolak anewam time wonage kagagerak.

2 Tamuwen 16:12

An o yogondak yi wone ndi wone ninikime yagabit tibik-tobok eekwi paga yagan warit nege nogo, at Aliku ALA nen liippanege logomenggerik, aap pulunogo panege nogo ti, obeelom eeppanuwak nduk, eeppege kagak, eerukwak, teppinip o,” yinuk, yoragagerak.

1 Mbinineegwaarak 5:1

At Uruben nogo ti, Iterali aput aap manggu lombok ndareegerak at aret. Manggu ndarak aret kwe, ogoba nogo yege menggim ena ni'nagagerak paga awoneninu at kiliririyak aret kwe, nomonogo ombowologwe Yutup apuri kiliriragagerak me, manggu ndarak kenok, inawoneninu kiliriroorak inendage mbanogo pogo menggam nogo paga at endage mbanogo puulik.

Ndawi 106:44

Togop eekwi iigak kwe, Le yogo logonet, inoone nggwok paga Aliku ALA yogwi iinok, aruk konengge, Aaninggin-paaninggin inoba age nogo liippiige, Eeke nagagerik,

Ndawi 25:18

An ee'nakwi paga yagan wake, Tebenak logonet niniki andi negen wonage, Eeke yi, Pe'neege logomenggendik, nomaluk lek eerogo panu o.

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Wundeegwaarak 4:31

it aakumi Iterali yo'nggok nogo nen, “Aaninggin-paaninggin ninoba pinanege nogo, Aliku ALA nen enegen niige nagaarik, koonggerak kogo o,” yinuk, iniki abet mbako logonet, inendobanggun yindumbunuk, alut eereegwaarak.

Yetikiyen 48:6

it Eparayim mendek inanggween mbanemenggam panggombunuk, oonegen lagi wage menggim pa'nggwe nen nok, kilu yi nage menggim pa'nggwe kuli ti, it Uruben mendek mbanogo wogorogwe,

Linggineegwaarak 1:5

Yeenggwa kirogo logorak leenogo mippiyoorak nogo inendage yi o. Anebunu Uruben mendek ti, aap Tiyereyut aput Elitut mippugwi,

Pelaareegerak 26:7

ninoone nggwok paga at Aliku ninogobamini inogoba Ala yogo mbareegu, Aliku ALA nogo aruk konengge, meek lagik-loguk eerogo pinanugwi nogo enegen niige, aaninggin inoba pinanugwi nogo niige, tebembinanogo wonogwe nogo liippinanege, eeke nagagerik,

Pelaareegerak 27:13

ndi, inanebunu Uruben, Nggat, Atet, Tebulom, Ndan, Natali, it nen aakumi pulunogo piyaawak nduk, puut Eban paga mi'ndak wonogwe, eekwi iigak,

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.

1 Tamuwen 1:20

Abeke mbareegi, logonuk negen kwe Kana nogo abila a'nuk, aagaluk aap aret ndake nagagerik, ari logonet, “An Aliku ALA nggino yogirak paga naagaluk wo'negerak me,” yinuk, endage Tamuwen aret tooneegerak.