Wakkagagerak 29:30 - Ala Wone Peenok Peebi Mbanak

³⁰ Wogoge mbareegi, at Yakup nogo nen Araken oweeluk Leya imbirak nogo yege nagagerak kwe, Araken nogo mban iniki kunik eeke logonet, Leya ambokan punuk, wonagagerak. Ndi, kolaga Araken waganeegerak nogo aap Laban eyabu eeppege kagak, tahun 7 ambinom aret eereegerak.

Wakkagagerak 29:30 ပူးပေါင်းရင်းမြစ်များ

Wakkagagerak 29:17

At oweeluk Leya nogo etenggen mbeenak lek kumi kokwak aret wonagagerak, ndi, at awuluk Araken nogo perak, eebe mondok amuni mbanak etenggen kigirikwe lombok tawe aret wonagagerak.

Wakkagagerak 29:18

At Yakup nogo nen awuluk Araken nogo abuwa lombok mbareegerak me, Laban yoge logonet, “Kat kapuluk kolaga awo tawe Araken ti aret kolaakit nduk, keyabu eeppagage neegak, tahun 7 eerikit o,” yoreegerak.

Wakkagagerak 29:20

Yoge mbareegi, Yakup nogo kolaga Araken woorak nduk, yabu eeke kagak, tahun 7 eereegerak kwe, kolaga ti lombok koloorak iniki pereneegerak me, tahun 7 eereegerak kwe, “We ne mande wonage agarik,” mbareegerak.

Wakkagagerak 29:29

Ndi, wogoge nagagerik, apuluk Araken ndegengge logowak nduk, ayeloman kolaga Mbilaka inom aret wogoreegerak.

Wakkagagerak 29:31

Yakup nen kwe Leya iniki kunik lek wonage nogo at Aliku ALA nen kage nagagerik, aagaluk ndaruwak nduk, eeppereegerak kwe, Araken nogo perak, wubili aret wonagagerak.

Wakkagagerak 31:15

Nit aakumi endekem mendek inapuri kwak eerogo pinaninuk, nineebe ninonggo nggerengge, ando nit wo'niroorak mendek at mban aret nengge, eekerak nogo lek a?

Wakkagagerak 31:41

Togop aret eeke nimbirak logonet tahun 20 eereegirak. Ndi, kat kapurilogwe mbere'ndak yi, wo'nenok nduk, yabu eekkege neegak, tahun 14 aret eeke, ndi, kambin-ndomba wo'nenok nduk togon tahun 6 aret eeke, eeke nagagirak nogo o. Yabu eeke nagagirak onggo, Ndogop wokkirigin o, yagandak nogo, ne 10 paga aret ndak-ndak wo'nirulik wi-wi ee'nake nagandak nogo o.

Wakkagagerak 44:20

nit nen yokkogo logonet, Nit ninogoba ti abu anggok agaarak kwe wonage o. Ndi, ninagalo ambi nen aagalogwe mbere ndaganabeegerak me, oweeluk ti kambeegerak kwe, ninawuluk perak, ogoba abu aakelo logonet, ndakkolagagerak me, iniki kunik lombok wonage, yokkereegurak nogo o.

Wakkagagerak 44:27

Yogo mbareegu, at kayeloman ninogoba nen yo'nirage logonet, An nakwe Araken nen wologwe ineebe mbere mban aret nobaane'me ndaganabeegerak nogo kineenu aret o.

Oteya 12:12

At Yakup nogo mbaganit o Aram nage nagagerik, time logonet, At Iterali nen akwe kolaakit nduk aakumi inayeloman age, Akwe koloorak onggo ndomba ndegeninake, Eeke nagagerak o.

Matiyut 10:37

An kineebi negen nombako logonet, kinagalo a, kinogoba a, kiniki kunik eekwi kiinok ti, an ninom logorak meek aret o. Ndi, an kineebi negen nombako logonet, kinapuluk wulaga a, kolaga a, kiniki kunik eekwi kiinok kunduk, an ninom logorak meek mban aret o.

Matiyut 6:24

Yorage nagagerik, ambinom yorage logonet, “Aap ambi nen ogobamini mbere inayeloman a'nuk, inake eeke logorak meek o. Imbirak inake eerit nage kenok, ambi eebi ombake logonet, ambi iniki kunik ombake, ndi, ambi nen eeriyak yoge nogo, yanggorogon eeke logonet, ambi nen eeriyak yoge nogo eebi ombake, eerigin o. Kit nen Ala inom, nggween paga mendek kineenggi warak eekkologwe nogo inom, imbirak lambumbunuk, mugurok noorak ti meek o.

Lukat 14:26

“Kit kinogobamini-kinagalomini inom, kinakuwi-kinapurilogwe inom, kinowelogwe-kinawurilogwe kumi-aap inom, ndi, kit kineebe lombok inom, Yi neebi o, mbaka'lek kagak an nowagam wogwe kiinok, an noone waganggwi mendek arumunggup lek o.

Yaya 12:25

Aap ambit ambi nen at eebe eenik logorak inikilom mbake kenok, at eebe kobak aret arigin o. Ndi, o nggween paga yime logonet, at eebe eenik logorak eebi mbake kenok, eenik mondok-mondok aret logogin o.

Pelaareegerak 21:15

Yorage nagagerik, ambi yorage logonet, “Aap ambi akuwi mbere wogonabemenggerak me, ambi iniki kunik eeke, ambi eebi ombake, eeke wonage kagak, kumi nogo imbirak inaagalogwe aap mban inogoba nogo obaane'me piyamenggerak kwe, apuluk manggu lombok ti, kwe eebi mbake nogo aagaluk aret ndarigin me,