Wakkagagerak 29:13 - Ala Wone Peenok Peebi Mbanak

¹³ At Laban nogo amboko Yakup wagaarak wone aruk konembege nagagerik, nggare agan owagam ka wagagerak. Ka wage nagagerik, agandin eyak mbangge logonet, keyage linggik-kambuk yogo nogogwaarik, wonok ame aret nagagerak. Ame nanuk, at Yakup nogo ame nen eerit wagagerak wone abok aret mbininogo yoreegerak.

Wakkagagerak 29:13 ပူးပေါင်းရင်းမြစ်များ

Wakkagagerak 24:29

At kolaga Iribaka nogo oweeluk endage Laban aret wonagagerak. At awuluk kolaga nogo nen Abarakam ayeloman imbirak eereegwaarak wone yorage nogo, at Laban aruk konengge, mbuti emas ogobakkigirik ogobak unggut me pugunik nogo inom, mberaarenggen at awuluk obaak paga yirik nogo inom, abok aret enegen kage, eeke nagagerik, oome nen wundinuk, nggare agan aap Abarakam ayeloman niyo tooko menggam aanggumi inom mi'ndak wonogwe me ka nagagerak.

Oroma 16:16

Kit nen keyage wat-wat eeko logonet, “Ala apuri o,” yinuk, linggik-kambuk yogo logonip o. Ndi, it Keritut wone waganeegwaarak paga kuwak eeko menggaarak yime nogo nen abok aret keyage wappinagaga o.

Nappiigak 20:37

Tamban eeppogo nogogwaarik, at Pawulut eebe panggeppunuk, ale yogwe, keyage wappugwi, eekak mban eereegwaarak.

Lukat 7:45

Kat nen an kambu'nirulik kwe, at perak, an unggwi wagarak kuli nen yogondak kuli puk aga'lek naganak paga pirik-perek mban ari agaarik o.

2 Tamuwen 19:39

Ndi, at Ndawut inom wonogogwaarak nogo, niyo Yoraran wunda wogo mbareegwa, aap endagembogut Mbaritilayi imbirak wunda wage nagagerik, aap Mbaritilayi keyage wappege logonet, agandin eyak mbambunuk, ale'nggen oba pege mbareegi, aap Mbaritilayi nogo iyokan ame aret nagagerak.

Wundeegwaarak 18:7

Owagam wogo mbareegwa, at Muta nogo awooliyana nen wundi nage nagagerik, Yitoro abu'me tebe yinuk, keyage warogo inagandin eyak mbambiinok, it inalitak lombok ineebe nonggop wonogwe nogo kin wogiinok awooliyana nogome wogoren unggwi wagagerak.

Wundeegwaarak 4:27

Ti eeko nogogwaarik, awo nogwe me, Aliku ALA nen Karun yoge logonet, “Muta kimbirak lambuniyak nduk o karume time nak o.” Yoge mbareegi, Ala abuut nogo paga Muta imbirak lambumbunuk, keyage warogo agandin eyak mbangge nagagerik,

Wakkagagerak 45:15

Le yogo nogogwaarik, oweewi nogo abok aret panggeppiinok le ari, keyage warogo inagandin eyak mbaninake, eeke nagagerik, inom wone mbaneegerak.

Kolote 4:5

It aakumi abet mbaka'lek mendek kinom eerit nogo logonet, “Ala abet mbaruwak nduk, wone yoroorak nanonggwan aga o,” yinuk, kiniki mondok kwippunuk, eerit nogo logonip o.

Wakkagagerak 24:31

Ka nage nagagerik, “At Aliku ALA nen abet aret ale'nggen koba pagage logonet, koonogo pagagerak me, kat nonggop nduk endekem ya'i mi'ndak agandik o? Kat inom, kaanggumi inom, nogo yuwam abok aret name punogo pagagarak me, nimbirak nawok o.”

Wakkagagerak 33:4

Nogo eeke kagak, at Etawu nogo nggare agan Yakup ka nage nagagerik, lamooppunuk, agandin eyak mbangge, eenggi enggaanok me komamin wappunuk, leenggu maakwi, eereegwaarak.

Wakkagagerak 24:32

Yoge mbareegi, at Abarakam ayeloman nogo imbirak aret Laban ame nogo nogogwaarik, unta inamborowak paga keele maarak nogo piingge nagagerik, nogo yuurak inawiingga ndoonogo pege, inambi wogorage, eeppege nagagerik, at Abarakam ayeloman inom, awuri inom wogogwaarak nogo inom, iniyok kooruwak nduk inake niyo toologo ira wagagerak.