Wakkagagerak 28:20 - Ala Wone Peenok Peebi Mbanak

²⁰ Nogo toombege nagagerik, at Yakup nen ari logonet, “An tu paga yime nage neegak, kat Ala nen liirogon ndegenneren nage, narum wonage, eeke logonet, nambi noorak inom, nambogoyum yikkoloorak inom,

Wakkagagerak 28:20 ပူးပေါင်းရင်းမြစ်များ

Wakkagagerak 28:15

Kat o ambime, Na, yinuk, nage kenok, an nen enaani aret ndegenggeren nage, karum liirogon aret wonage, eeke logominggirik, ti'nuk, wokkeren o yime aret pagi woraagin o. Ndi, an nen, Yogop eerigin o, yinuk, wone abuk nggaruk togon yokkiragarak nogo abok aret a'me lik yaga'lek kagak, an teppagagin lek mondok yeenggwa kege logogin aret o,” yinuk, yoreegerak.

Wakkagagerak 31:13

Kat nen o Mbeten paga kabi kagagindak kobak age kero, yugum kanep mbanak nogo waganogo mippunuk, eyo tayitun amburu yugum nogo paga kilirogo pege logonet, nendage kunogo kumbuk mbangge eyom paga nimbirak lambuneegurak nogo, kogoba Ala an aret o.”

1 Mbinineegwaarak 4:10

At Yabet nogo nen Iterali inogoba Ala yoge, “Kale'nggen noba panege logonet, nanggween ambe wigarogon wo'nege, aaninggin noba kwi'nage logonet, andi-pandi ee'nake kero, keenggi nggorek paga noba'nake, narum wonage, eeke logot o,” yinuk, tamban eeke mbareegi, nggino yoreegerak nogo at Ala nen ndak-ndak aret eeppereegerak.

Ndawi 116:14

“Kaliku ALA wokkirigin o,” yinuk, Kumbuk mbaneegirak nogo Aakumi at apuri inigen iigak wogoge, Eerigin o.

Ndawi 116:18

“Kaliku ALA wokkirigin o,” yinuk, Kumbuk mbaneegirak nogo, Aakumi kat kapuri abok inigen iigak wokkege,

Ndawi 119:106

“A'me nggelok eeko logorak koone yugu nogo An porogo logonet eerit nage logokit o,” yinuk, Kumbuk mbaneegirak me, ndak-ndak eerit nage agarik o.

Ndawi 132:2

At nen kumbuk mbanogo Kaliku ALA yokkege, Yakup ogoba Komaawi Lombok Menggendak nogo kendage kunogo kumbuk mbangge, Eeke logonet,

Ndawi 22:25

Kat Ala eeke paga kapuri nggwok kuwak eerak inenggela'me nen kendage alut eeke, “An yogop eeke logogin o,” yinuk, Wone kumbuk mbaneegirak nogo, Inagabiti kombakwi inenggaanom paga ndak-ndak eeke, Eerigin o.

Ndawi 56:12

Ala wae. Kenegen keegak aakumi ineenik wonogo menggam an eerit nage logokit nduk, Noorukwak nagap ndarogo panege, Niyogobit mbannege kero pi'nake, Eeke keenok, “Ndogop wokkirigin o,” yinuk, Kumbuk mbaneegirak nogo muk eekendak me, Kumbuk mbaneegirak nogo ndak-ndak aruwak nduk, “Wa,” yokkege logonet, kake warogo wokkirigin o.

Ndawi 61:8

Ti eeke keenok, Kendage tiyappagage logonet, ndawi wake, Eeke logorak wone kumbuk mbaneegirak nogo Ko'lu-kii'me a'me nggelok aret eerit nage, Mondok-mondok eeke logogin o.

Ndawi 66:13

Togop aret eereegindak me, Warogo kani kuniyak mendek an nen wonok Kat kawi wurik me unggwi wage, “Yogop eeke logogin o,” yinuk, Wone kumbuk mbangge logonet, yokkereegirak nogo A'me lik togon eeke, Eerigin o.

Ndawi 76:11

“An yogop eeke logokit o,” yinuk, Aliku kinogoba Ala endage kumbunuk, Kumbuk mbanumonggotak nogo ndak-ndak aret eekwi, It aakumi kinaagan-ambokan koorok wonogwe nogo, Abok aret at ayuk wukwi ake pugu nogo wogori wogwe, Eeko logowak o.

Yetaya 19:21

Aliku ALA nen aakumi Metit mendek at eeke menggerak ineenu aruwak nduk, nigiya wage kenok, ne ti eyom paga it nen, “Aliku ALA ti, nit ninogoba aret o,” yinuk, alut eeko logonet, ake warogo wogogwi, yi mendek ndi mendek wogogwi, “Yogop eeko logowok o,” yinuk, Aliku ALA endage paga kumbuk mbanggwi, ndi, kumbuk mbanemenggaarak nogo ndak-ndak aret eekwi, eeko logogun o.

Yaya 1:16

At oona ngginik kagak iniki kunik nen eeppinanegak mban, eeppinanegak mban, eeke kenok, nit abok aret waganeegurak.

Nappiigak 18:18

At Pawulut o Korindut time logonet, nogo ambik yege nagagerik, ti'nuk, ninoreewi Ala apuri time iigak, at Akwila akweeluk Piritikila imbirak inom yiiro paga o Tiriya woraawok nduk, eeko logonet, at Pawulut nen ambi eeriyak Ala enggaanom yoreegerak nogo ndak-ndak o Kenggereya taati at eeruwak mbaneegerak.

1 Timotiyut 6:8

Ninambi-ninayum ambiriluk ambi wonage kenok, “Yi abu aret o,” yinuk, niniki tayenak logowok o.

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.

1 Tamuwen 1:28

Togop me, wulaga yi, kangga'lek eenik wonage logonet, mondok-mondok Aliku ALA ake leenak logowak nduk, wogoriyak mbakirak me, an yogondak Aliku ALA aret wogogi o,” yinuk, yoge mbareegi, inendobanggun yindumbunuk, Ala endage alut eereegwaarak.

1 Tamuwen 14:24

Wim namburuwok nduk, awo eekwi iigak, at Tawun nen awuri yorage logonet, “It ninawim nen eeppinanggwi nogo, onggo nini tayongga'lek niigak, nit ambi nen oonegen awo kilu yi naga'lek kagak mbi nunggwi niinok, pulunik aret logogun o, yinuk, wone abuk nggaruk togon kumbuk mbanuwok o.” Yorage mbareegi, kumbuk mbaneegwaarak me, at awuri nogo ne ti eyom paga mbi nengga'lek muguren mban nogwe iigak, inowak abu lobak yereegwaarak.