Wakkagagerak 28:18 - Ala Wone Peenok Peebi Mbanak

¹⁸ Ko'lu kuubondendok at Yakup nogo nen abi kagagerak nogo kobak age kero, yugum anep mbanak nogo waganogo mippege nagagerik, eyo tayitun amburu yugum nogo paga kilirogo pege logonet,

Wakkagagerak 28:18 ပူးပေါင်းရင်းမြစ်များ

Wakkagagerak 21:14

Yoge mbareegi, ko'lu kuubondendok at Abarakam nen mbi inom, niyo ndomba agabolo paga toolak inom, nenet nege logowak nduk, at Agat omba pege nagagerik, wulaga nogo imbirak, “Nanip o,” yinuk, wumbiyareegerak o Mberetiyeba karume time yelok-nggolok nugu nogogwaarak.

Wakkagagerak 22:3

Yoge mbareegi, ko'lu kuubondendok at Abarakam nogo eenik age nagagerik, Ala ake warogo kani kuniyak nduk, kani nggaganogo nggerembunuk, keledai paga pege nagagerik, aput Itak wagangge, aap ayeloman mbere'ndak, “Woraanip o,” yorage, eeke nagagerik, inom o Ala nen yoreegim nogome aret nogogwaarak.

Wakkagagerak 28:11

Nage logonet, o oolo taati oonegen kilu ari mbareegi, taati aret nogo yikit nduk, yugum ambi waganogo anep mbambunuk, winnagagerak.

Wakkagagerak 31:13

Kat nen o Mbeten paga kabi kagagindak kobak age kero, yugum kanep mbanak nogo waganogo mippunuk, eyo tayitun amburu yugum nogo paga kilirogo pege logonet, nendage kunogo kumbuk mbangge eyom paga nimbirak lambuneegurak nogo, kogoba Ala an aret o.”

Wakkagagerak 31:45

Yoge mbareegi, at Yakup nogo nen yugum ambi waganogo ineenu agak mippunuk,

Wakkagagerak 35:14

at Ala nen wone yoge nagagim taa'nogo ami age kero, Yakup nen yugum logonogo mippege nagagerik, Ala alut eeke logonet, yugum nogo paga anggur amburu inom, tayitun amburu inom, kilirogo pege nagagerik,

Wakkagagerak 35:20

Abu aret nggween taambogo mbareegwa, at Yakup nen nggween taanak nogo paga yugum piiriwak eerogo mippereegerak me, kwe Araken taambereegwaarak paga piiriwak eerogo mippereegerak nogo yogondak wonage aret o.

2 Tamuwen 18:18

At Abatalom nen, “Nendage ki eeke logorak napuluk lek aret me,” mbake nagagerik, at kangga'lek awo eenik wonage logonet, aap endagembogut menggim kobappaga time abiriwak yugum paga ogobakkigirogo mippake nagagerik, “Yi an Abatalom nabiriwak o,” yinuk, toonogo pateegerak me, it aakumi nen, “Abatalom Abiriwak Pugu o,” yinuk, yogondak kuli yogwe wonogwe aret o.

Ndawi 119:60

Koone, “Yogop ee'nu ndogop ee'nu,” yugu nogo An elaambirik lek mbet-mbet aret eerit nage logokit, mbake agarik o.

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yetaya 19:19

Ne ti eyom paga mban Aliku ALA ake warogo wogogak o Metit oolo muundak ogobakkigirik wonage, ndi, o Metit nggween kuli mbanak paga, “Aliku ALA ninom wonage,” ineenu agak yugum ogobakkigirogo mippugu wonage, eerak logogin o.

Linggineegwaarak 7:1

At Muta nogo Ala awooliya abu aret wuke nagagirik, ooliya wurik inom, yi mendek ndi mendek inikime akem time inom, Ala ake warogo kani kunggo logowam inom, yi mendek ndi mendek eekak yuurak ti paga inom, abok aret alik leenak logowak nduk, amburu werenogo pit nagagerak.

1 Tamuwen 7:12

Inoorogo piinet nogo nogogwaarik, at Tamuwen nen yugum ambi waganogo o Mitapa o Yetana oolo taa'nogo mippunuk, “Aliku ALA nen yeenggwa niranet o yi kuli aret pinani wagaarak me,” yinuk, yugum mippereegim nogome endage, Eben-Kayetet aret o, yinuk, toonogo pereegerak.