Wakkagagerak 28:17 - Ala Wone Peenok Peebi Mbanak

¹⁷ agabiti nen, “O yi ti, Ala menggim mbogut paga unggwi nogo menggam tu yi aret kenok, aakumi inagabiti nen, Ia! yinuk, ayuk wuko menggam aret kagi o,” yereegerak.

Wakkagagerak 28:17 ပူးပေါင်းရင်းမြစ်များ

Wakkagagerak 28:18

Ko'lu kuubondendok at Yakup nogo nen abi kagagerak nogo kobak age kero, yugum anep mbanak nogo waganogo mippege nagagerik, eyo tayitun amburu yugum nogo paga kilirogo pege logonet,

Wakkagagerak 28:22

Ndi, kobak age kero, yugum yi mippigirak nogo ti, Kat kawi aret, mba'nuk, Yi mendek ndi mendek abok aret wo'nege nogo, neenggi lingginogo punuk, 10 age kenok, ambi yendenogo kake pege logogin o,” yinuk, Ala endage kunogo kumbuk mbaneegerak.

2 Mbinineegwaarak 5:14

Ndugwi ti, Aliku ALA abinak aret me, at awi wurik me yagabit aago mbareegi, it aap Ala unde nogo nen Ala awi wurik me yabu eeriyak meek aret agagerak.

Ndawi 68:35

Ala wae. O abu alik leenak menggenom nogome nen kayuk warak lombok wundi wage, Iterali inogoba kat Ala nen kapuri omaawi eeppiige, Inayuk warak logowak nduk eerogo piige, Eeke menggendak me, Ninagabiti nen, “Iya!” kombako ogoorik o. Kendage mondok-mondok tiyappogo logowok o.

Wundeegwaarak 3:5

Yoge mbareegi, Ala nen at Muta yoge, “An nowagam ya'i panggo yi woroorak ti, mage o. Ndi, kat mi'ndak wonage me taati kunduk, nggween mage lombok aret me, kiyok ogut nggerenak ti, piinogo pu o.”

Wundeegwaarak 3:6

Yoge nagagerik, ambinom yoge logonet, “Kombomini Abarakam inom, Itak inom, Yakup inom, inogoba Ala nogo ti, an aret o,” yinuk, yoreegerak nogo at Muta aruk konengge nagagerik, Ala enegen pekkoorak agabiti nen enete nobakkolagagerak.

Wone Alom Kibingga 5:1

Kat nen Ala awi wurik me unggwi nage keenok, liippunuk eerit nage logot o. It aap, “Yi maluk, yi obeelom,” liippega'lek wi negen logonet Ala ake warogo wogori unggwogo mengga kwak eeriyak lek o. Ata, “Wone konengge logokit o,” yinuk, unggwi nage logorak perak op o.

Matiyut 17:6

Yorage nogo it Yetut oone waganggwi inaruk konenggo nogogwaarik, inagabiti ambik ogo logonet, inete wanduk nggween paga wambeegwaarak.

Lukat 2:9

it Ala yonggo nappiya wage menggerak malayikat ambi nu'lek me inowagam mi'nari wage kagak, ninogoba Ala eya pindambiige mbareegi, inagabiti ambik aganabeegerak.

Lukat 8:35

Eerit nugu mbareegwa, eereegerak nogo it aakumi pekka nawok nduk, iname nen wundinuk Yetut owagam nogo nogogwaarik, aap kugi inikime nen wundi nagagerak nogo aap iniki a'nuk, yum yirik Yetut abu'me kwi'ndak wonage me ka nogogwaarak. Ka nogo nogogwaarik, inagabiti mbareegwaarak.

1 Timotiyut 3:15

ambi yiluk ari kagak eerukwak, Ala apuri inenggela'me logonet, nonggop eerit nege logorak keenu a'nok nduk, liiru yi mbanggege agarik o. Wone Ala ari menggerak wone o eyak nu'lek wuraberak ti, Ala mondok eenik menggerak apuri kuwak eeko menggaarak nogo aret.

Iberani 10:21

Nit Ala apuri ninake eekak yuwak nduk, Ala unde ninowe nggwok Ala awi wurik negen mbogut paga wonage me,

1 Peterut 4:17

At Ala nen ari logonet, “It aakumi iniki abe koonak nogo aaninggin eeppiinet unggwogwe iigak inagap ndarigin me, It an noone konengga'lek maluk mban eerit nogwe nogo perak, nonggop togon eeppiyaagin mbakop?” yinuk, yereegerak ndak-ndak, at Ala nen nit yi aap ndi aap abok aret ninawone mbanogo ninowak loonninaburak eyom abu panggo yi wagaarak me, nit Ala apuri aa'nduk ninawone mbambunuk, at oone yugu ndak-ndak eeka'lek logomonggoorak kenok, onggo eeppinanigin me, it Ala wone obeelom wone nogo mondok wagangga'lek iinok ti, inawone mbangga'lek teppiyaagin mbakop? Lek o. Inawone abu mbanogo punuk, mondok alik negen eeppiyaagin o.

Wayu 1:17

At eebe togop aago wonage nenegen kage nagarik, aakumi inambuluk yuppuk ngginnari nogo mengga kwak, an togop aret at abu'me ngginnari nage mbaki, at eenggi abe'nggan paga pi'nake logonet, “Aa'nduk togon wonagagirak inom, peebi irip paga lombok mondok logorak inom, ti an aret me, kagabiti mbarugun o.

Owak Loongga 13:22

Eenu age nagagerik, at Manowa nen akwe yoge logonet, “Nit Ala muk ninigen kogoorak me, kambugun aret kogo o.”