Wakkagagerak 28:12 - Ala Wone Peenok Peebi Mbanak

¹² Winna'nuk nogo yege me, oonikiya abi kage logonet, ya'na ambi nggorek abo ogu nggween paga nen nok, irip agi mbogut imbirak kunik wurik wonage me, Ala ayonggo malayikat mendek ya'na wurik ti paga laganggwi-wanggwi eekwi enegen iyareegerak.

Wakkagagerak 28:12 ပူးပေါင်းရင်းမြစ်များ

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Wakkagagerak 15:12

Ndi, oonegen kilu yikit nduk eeke kagak, Abaram nogo, nogo nggaruk yege me, o apit inagabiti warak mendek yumaak eerit at obaga kwi'nari wambi wage kagak,

Wakkagagerak 20:3

Wogori wogogwaarak wonage me, ne ambi paga at Abimelek nogo yege me, abi paga Ala nen yoge logonet, “Kwe ti, aap akwe kagak aret waganggendak me, kambumunggun o,” yoreegerak.

Wakkagagerak 41:1

Tahun mbere abu eeppunuk, at Pirawun abi kage logonet, at eebe niyo Nin aa'nggi paga mi'ndak wonage me,

1 Endagembogut 19:5

Yoge nagagerik, eyo alome nogome winna'nuk, nogo yereegerak. Nogo yege me, malayikat ambi abera'lek me Eliya owagam wage nagagerik, eebe mbaanggage logonet yoge, “Keenik a'nuk, mbi yi namen o.”

2 Mbinineegwaarak 16:9

Yi aap ndi aap iniki abet aret Ala oba panggonak wonogwe iyo, omaawi paga yeenggwaaraakit nduk, o nggween paga yime Aliku ALA enegen yomboninabit nage menggerak o. Kat wi negen eekendak me, o yogondak yi kuli nen aakumi kinom wim eeke logomunggun o,” yinuk, yoreegerak.

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Ndaniyen 7:1

At Mbelitiyatat nogo tahun aa'nduk paga aakumi o Mbaben mendek inowe endagembogut a'nuk, wone lengganogo yorage kagak, at Ndaniyen nogo, nogo yege menggim nogo yege me abi kage, abinggaanggo paga yoge nogo kage, eeke nagagerik, abi kagagerak nogo liiru mbaneegerak yi aret.

Linggineegwaarak 12:6

at Aliku ALA nen it yorage logonet, “An wone yokkirage yi, kinaruk logonip o. Aap ambi Naliku ALA noone yoge neegak yorage menggerak kinenggela'me wonage nogo, An nen abinggaanggo paga neebe nikkage, abi paga yoge, Eeke minggirak o.

Matiyut 1:20

“Mbo pi ilik, lek a?” yinuk, iniki awo koongge nogo yege me, abi paga Ala yonggo nappiya wage menggerak malayikat mendek ambi at owagam wage nagagerik, yoge logonet, “Kat Yutup Ndawut ombooluk yi wae. Kwe Mariya abila agaarak nogo ti, Aberiniki paga aret abila agaarak me, keebi mbarugun o. Kat kakwe ti aret kolet o.

Matiyut 2:19

Ti'nuk, at Yutup nogo awo o Metit time wonage me, aap Keroret nogo kangge mbareegi, ne ambi paga Yutup abi kage logonet, Ala yonggo nappiya wage menggerak malayikat ambi nen at owagam wage nagagerik, yoge logonet,

Yaya 1:51

Yoge nagagerik, ambi yoge logonet, “Peebi mbogut keyaappunuk, it Ala yonggo nappiya wage menggerak malayikat nogo nen an aap aret nda'nagagirak pe'neya wambi wogwe, mbogut paga lagi nogwe, eekwi iige logomunggun o, yinuk, abet aret yokkigi o,” yoreegerak.

Iberani 1:1

Maan aa'nduk Ala mbake menggerak nogo ninombomini ineenu aruwak nduk, Ala nen yorage kagak yoraga nogo, kulinik-kalinik inabi paga yorage, eerubok mendek inenggela'me eeriyak yorage, anebunu alitak lombok abok aret eeriyak yorage, eeke kenok, it nogo nen ninombomini yorogo nogogwaarak kwe,

Iberani 1:14

Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.