Wakkagagerak 28:1 - Ala Wone Peenok Peebi Mbanak

¹ Togop ari mbareegi, at Itak nen Yakup, “Omok o,” yoreegerak wage mbareegi, at Itak nen Yakup keyage wappunuk yoge logonet, “Naput. Kwe Kanan mendek ambi woorak mondok mage o,” yinuk, aruk wappege nagagerik,

Wakkagagerak 28:1 ပူးပေါင်းရင်းမြစ်များ

Wakkagagerak 24:37

Togop me, an nogoba nen an yo'nege logonet, An naput akwe wogoriyak nogo, it aakumi o Kanan mendek an ninom wonogwe yi, inapuri komologwe ambi kwaarogo wogoriyak ti mondok mage o.

Wakkagagerak 27:46

Yoge nagagerik, ti'nuk peebi at Iribaka nen Itak yoge logonet, “It kumi Ket mendek ti, inenggaawak paga pegiyoorak abu neebi ee'nake me, at Yakup togon togop mban kumi Ket mendek wogonabigin kenok, an neenik logorak neebi me, ineraaket nen kambigin aret o,” yoreegerak.

Wakkagagerak 28:6

“At Itak nen Yakup ale'nggen oba pege nagaarik, Kwe Kanan mendek ambi woorak mondok mage o. Ata, kwe o Paran-Aram mendek ambi kolanu o,” yinuk, aruk warogo nappege mbareegi, at Yakup nen agalo-ogoba inoone liirogon konembunuk o Paran-Aram nagagerak nogo at Etawu nen aruk konengge nagagerik,

Wakkagagerak 34:16

Kit togop eekwi kiinok, ninapurilogwe kit nen wogonakwi, ndi, kit kinapurilogwe nit nen wogonakwi, eeko logonet, ninom ninanebunu ambit aret logogun kwe,

Wakkagagerak 34:9

Kit nen nit ninapurilogwe wogonakwi, ndi, nit nen kit kinapurilogwe wogonakwi, eeko logowok o.

Wakkagagerak 38:2

Imbirak nogome wonage logonet, aap Kanan mendek endage Tuwa apuluk kolaga tawe ambi enegen kenok, kolage nagagerik, imbirak nogo yege logonet,

Wakkagagerak 48:15

Nogo eeppege nagagerik, ari logonet, “Nogoba Ala wa! An nombo Abarakam inom, nogoba Itak inom, imbirak kat kiniki kunik me, kenegen wogoren nege, An nda'nagagirak kuli nen nok yogondak kuli aap ndomba ndegeninako mengga kwak, an ndegenneren nege, Ndi, an maluk noba age kero, malayikat negen a'nuk, pi'neren nage, eeke menggendak kat Ala aret me, It wologwe yi, kale'nggen inoba piige logomunggun o. An nendage inom, nombo Abarakam endage inom, nogoba Itak endage inom, it wologwe yi nen ki eerit nogo logowak o. Ndi, inombowologwe o nggween paga yime ambik aret wigannarit nogo logowak o,” yinuk, Yutup ale'nggen oba pereegerak.

Wakkagagerak 49:28

It Iterali mendek inanebunu 12 paga wigannogogwaarak ti nogo, inogoba nen ale'nggen inoba piige logonet, inalitik-inalitak eeko logorak ndak-ndak kenok mban eeko logowak nduk, awoneninu kiligiragagerak nogo ti aret.

Wakkagagerak 6:2

Ndi, it Ala apuri nen it endekem mendek inapurilogwe komologwe amuni mbanak kigirikwe iinok, iniki nen uugwe mbako nagaatik, we ugun aret wogonako nogogwaarak.

Yeremiya 29:6

inakuwi woppiinok, inapurilogwe kumi inom, aap inom, ndaganakwi, ndi, inombowologwe-komologwe ndaganako logowak nen inapuri inakuwi kolaawak nduk, komologwe inagalo-inogoba inom wone mbanggwi, inapurilogwe komologwe nogo inogonggelomini inom lambumbiigwi, eeko logowak o. Inapuri wigannaga'lek iyo, ambik aruwak nduk, ndaganakak mban eeko logowak o.

Pelaareegerak 33:1

Ala oone liippunuk eeka at Muta nogo awo kangga'lek logonet, it aakumi Iterali mendek ale'nggen inoba piyareegerak wone nogo yi o.