Wakkagagerak 27:43 - Ala Wone Peenok Peebi Mbanak

⁴³ an yokkege yi aret konembunuk eeru o, naagaluk.” Ari nagagerik, “Kat yogondak aret an noweeluk Laban o Karan wonage me time aret mbet-mbet nak o.

Wakkagagerak 27:43 ပူးပေါင်းရင်းမြစ်များ

Wakkagagerak 11:31

Ne ambi paga at aap Tera nogo nen o Kanan naakit nduk, at aput Abaram wagangge, at ombooluk Karan apuluk Lot nogo wagangge, ayinggelo Abaram akwe Tarayi nogo wagangge, eeke nagagerik, aakumi Katirim iname yaga'lelo Ut nogome mbo punuk, o Karan time aret ari nanuk, nogome mondok puk aret ogogwaarak.

Wakkagagerak 24:29

At kolaga Iribaka nogo oweeluk endage Laban aret wonagagerak. At awuluk kolaga nogo nen Abarakam ayeloman imbirak eereegwaarak wone yorage nogo, at Laban aruk konengge, mbuti emas ogobakkigirik ogobak unggut me pugunik nogo inom, mberaarenggen at awuluk obaak paga yirik nogo inom, abok aret enegen kage, eeke nagagerik, oome nen wundinuk, nggare agan aap Abarakam ayeloman niyo tooko menggam aanggumi inom mi'ndak wonogwe me ka nagagerak.

Wakkagagerak 25:20

At Itak nogo ndarak kagak tahun 40 age nagagerik, aap Aram awi Paran-Aram mendek endage Mbetuwen apuluk Laban awuluk kwe Iribaka nogo aret waganeegerak.

Wakkagagerak 27:13

Yoge mbareegi, at agalo nen yoge logonet, “Naagaluk o. Kat pulunogo pagage kenok ti, an kagalo nobaalombok nen kaagin me, kambin yokkigirak nogo aret wa nak o.”

Wakkagagerak 27:42

At Etawu nen Yakup wariyak abok mbangge nogo Iribaka konengge nagagerik, at aagaluk peebi ndarak Yakup nogo wiireegerak wage mbareegi, yoge logonet, “Kat koweeluk Etawu ambo'me laganggendak nogo paga, anini nen, Kooriyak, ari konenggirak me,

Wakkagagerak 27:8

naagaluk o. An kagalo mbakirak ambi yokkege neenok ti aret eeru o.”

Wakkagagerak 28:10

At Yakup nogo o Mberetiyeba teppege nagagerik, o Karan naakit nduk aret nagagerak.

Wakkagagerak 28:5

aruk wappege nagagerik, at Yakup nogo o Paran-Aram oweeluk Etawu imbirak inagalo Iribaka oweeluk Laban ogoba Mbetuwen aap Aram mendek ame nogome aret nappereegerak.

Wakkagagerak 28:7

“At Yakup perak, agalo-ogoba inoone liirogon aret konembege nagaarik, o Paran-Aram nagaarak kagi o.”

Wakkagagerak 35:1

Ne ambi paga Ala nen Yakup yoge logonet, “Kat koweeluk Etawu ambo'me laganogo punuk kole nage me, tu paga oolo nimbirak lambunggo nogogum nogome nage logomenggendik time logonet, kogoba Ala an nake warogo kani kunggak yuurak yugum logonogo pege logonok nduk, o Mbeten time nak o.”

Kini Wuppiige 30:17

Wulaga ambi nen ogoba eeke paga enggali nen enegen laambok andiigwi wake, Ndi, agalo yoge nogo, “Eeriyak neebi,” mba'nuk, meek eerogo pege, Eeke nogo ti, Towe ya'ngge-ya'ngge o kobappaga nugwi nogo nen at enegen ti, kilirogo nunggwi, Ndi, towe pen ware nen at eebe warak nibik togon nenggak eekwi, Eeko logogun o.

Yeremiya 35:14

At Erekap aput Yonarap nen, Anggur amburu noorak mage o, yinuk, apuri wone lengganogo yoragagerak nogo, liirogon porogo logonet, inombo nen wone lengganogo yoragagerak mugurok, o yogondak kuli anggur amburu nengga'lek aret menggaarak kwe, it perak, an nen kulinik-kalinik yoragak mban eeke minggirak kwe, noone konembunuk eeka'lek aret agaarik o.

Nappiigak 5:29

Yorage mbareegi, at Peterut inom, it nappiigak ando nogo inom, nen wone onggo yorogo logonet, “Ninogobamini o. Aakumi nen yo'nirogwe ti, nit koneniyak lek o. Ala nen yo'nirage kenok mban koneniyak o.