Wakkagagerak 27:41 - Ala Wone Peenok Peebi Mbanak

⁴¹ Yoge mbareegi, at ogoba awone awuluk mban kiligereegerak paga, Etawu anini alik negen eeke nagagerik, inikime nen koongge logonet, “An nogoba yi, abu kambuurak aret eekerak me, kangge kenok, abuwa eerogo ale yippunuk nen nawuluk Yakup warikit,” mbareegerak.

Wakkagagerak 27:41 ပူးပေါင်းရင်းမြစ်များ

Wakkagagerak 27:42

At Etawu nen Yakup wariyak abok mbangge nogo Iribaka konengge nagagerik, at aagaluk peebi ndarak Yakup nogo wiireegerak wage mbareegi, yoge logonet, “Kat koweeluk Etawu ambo'me laganggendak nogo paga, anini nen, Kooriyak, ari konenggirak me,

Wakkagagerak 32:11

Kat nen an yo'nege logonet, An obeelom eeppagage, kat mendek wigannarugun nogo ti, mbini-kale'ngga niyo aa'nggi paga aakumi ineenggi lingginiyak meek nogo ndak-ndak wokkege, eerigin o, yo'nereegindak nogo kwe, an noweeluk Etawu awuri inom aago wage logomenggerik, an inom, nakuwi inaagalogwe inom, ninoori wage kero, nagabiti ee'nake me, at eenggime nen nagap ndarenok nduk, yokkigi o, nogoba,” yinuk, tamban eereegerak.

Wakkagagerak 32:3

Toonogo pege nagagerik, yonggo oweeluk Etawu o Teyit nggween taganak ambi Erom nogome wonage me yori wogo logowak nduk, wone lengganogo yorage logonet,

Wakkagagerak 32:6

Nappiya wagagerak nogo yori woraanuk, iniyok paga nogo nogogwaarik, at Yakup yogo logonet, “Kat kowe Etawu nogo muk yori nogo mbako, kimbirak tu paga lambuniyak nduk, awuri ineebe empat ratus aago inom tu paga wogogak wogo o.”

Wakkagagerak 35:29

at eebe abu anggok li a'nuk, kangge nagagerik, ombomini aa'nduk kambunuk nogogwaarak nggwogoba wonogwe me iya nage kagak, agabolo nogo at apurilogwe Etawu Yakup imbirak nen nggween taambereegwaarak.

Wakkagagerak 37:18

inowagam panggo yi naga'lek tayorogon taati nage oweewi ina nakka wogo nogogwaarik, it mban-mban yogo logonet, “Abi kaga nogo wage ti, kinigen wondekkanip o. Alik nanonggwan wagaarak me mondok waruwok o,” yinuk, iniki ambit eeppunuk wariyak wone mbanggo logonet,

Wakkagagerak 37:4

Inogoba nogo nen oweewi nogo ambo'me piinok, at Yutup mban iniki kunik eeke nogo oweewi inigen kogo nogogwaarik, Yutup ineebi ombako logonet, inoone panggok togon mban at yogo nogogwaarak.

Wakkagagerak 37:8

“Kat ninowe kendagembogut arikit nduk yagan a? Kabu'me pinanege logomenggendik, wone lengganninake logorak mbaken ya?” yinuk, yogo nogogwaarik, at Yutup abi kagagerak mbininogo yoragagerak paga mondok inanini oba pereegwaarak.

Wakkagagerak 50:15

It inogoba Yakup nogo aret kangge mbareegi, at Yutup oweewi nogo nen yogo logonet, “Nit aa'nduk at Yutup maluk eeppereegurak nogo onggo yogondak nit maluk eeppinaniyak koongge kero,”

Wakkagagerak 50:2

Eeke nagagerik, Yutup nen, “Nogoba Iterali eebe obari age kero, amburu obari abe mendek nogo oba mbenak-mbenak agago pinip o,” yinuk, aakumi kanggwi inobari age kero amburu obari abe mendek inoba mbenak-mbenak eeppiigwi iigak, nogo 40 yogo menggaarak me, at Iterali eebe togop eeppuwak nduk ayeloman mini ti mendek eekwi nogo yorage mbareegi, eeppugwi iigak, nogo 40 yugwi, ndi, it aakumi o Metit mendek tigitogon nen erabun ndoombunuk, wonogwe iigak, nogo 70 yugwi, eereegwaarak.

2 Mbinineegwaarak 35:24

Yorage mbareegi, anggweendo wim eeka nen piyanogo nggweendo alik ambi paga nippunuk, wonok o Yerutalem pi wogo mbareegwa, kambeegerak. Kangge mbareegi, at ombomini kambeegwaarak piya unggwogogwam nogome inom tabonogo pi unggwogo nogogwaarik, it o Yekura wonogwe inom, kota Yerutalem wonogwe inom, tabun ndoombunuk ale yogo nogogwaarak.

Ndawi 142:3

An tu nage minggim aap nen an nooriyak nduk, Keele pit nagaarak kwe, An tu nawam kat mban keenu me, nage logonet, Nagabiti nen niniki lek-lek ee'nake kenok, Pi'neren nage menggendak o.

Ndawi 35:14

Noreeluk kwak, nawuluk kwak, “Andi eekerak o,” Yinuk, niniki puru agan nage minggi kwak agan nege, Aap ambi agalo kangge kenok, Iniki puru aago menggi kwak Niniki puru aago logonet nanep kumbunuk le ari, Eekirak kwe,

Ndawi 37:16

It maluk mendek inomaawi lek aremenggerak kwe, It aap iniki abe koonak nogo Aliku ALA nen panggombiige menggerak me, Aap maluk mendek inageerok ambik aret wonage kwe, Ti iya lek o. It aap iniki abe koonak nogo inamendek mbuuluk aret kwe, Abu iya aret wonage o.

Kini Wuppiige 1:16

It aap ti, “A puk-puk,” yaga'lek perak togon maluk eerit nogwe, Aap inamiya mbet-mbet wunabit nogwe, Eeko menggaarak o.

Kini Wuppiige 18:19

O kota ambi omaawi ambik tebenogo puurak ti op negen kwe, Aap ambi ore nen iniki warogo pegetak nogo iniki yanggonogo puurak ti perak, meek lombok aret o. Wone wakwi nogo ti, aap nggwok owa'nagat tu unggwogo menggam nowa'mbit-kowa'mbit eerak menggi kwak aret o.

Kini Wuppiige 6:14

Pilit wone mban inikime yagabit eerak wonage me, maluk eeriyak mban koonit nugwi, Wone waruwak nduk, inikime mambiinet nugwi, Eeko menggaarak o.

Wone Alom Kibingga 7:9

Anini wundiyak nogo ti, aap iniki lek wi negen inikime menggerak me, kinanini mbet-mbet wunggak yuurak ti mage o.

Yetikiyen 35:5

O aa'nduk nen nok, yogondak kuli at nen it Iterali anini inombarit wage logonet, it Iterali eeko nogogwaarak onggo eeppiyoorak abu aret panggoni wage kenok, aaninggin inoba kwi'nagagerak ti eyom paga wooluwak paga inooruwak nduk inawim ineenggime piyareegerak me,

Pelaareegerak 34:8

Kangge mbareegi, it aakumi Iterali nogo nen Muta abuwa wakwi o Mowap kobappaga time tabun ndoombunuk le yogwe ne 30 paga aret wonogogwaarak.

Titut 3:3

Nit kunduk, maan togop aret nineenggo'lek wi negen wonogwe, wone yo'niragaatak konengga'lek wonogwe, tu alik me nomo agan nogwe, aap ambi ayeloman yoge kenok, “E o,” yinuk, eeke menggi kwak, nit niniki nengge kenok eeriyak ninikilom mbakwi nogo mban eekwi, eeko nogogurak. Yi mendek ndi mendek eerit nogo logonet, maluk mban eekwi, neebi-keebi yogwe, nanini-kanini yogwe, ti mendek mban eeko nogogurak kwe,