Wakkagagerak 27:28 - Ala Wone Peenok Peebi Mbanak

²⁸ Kogoba Ala nen miin anggen mbogut paga nen wokkege, O nggween mili lubuk eerogo pagage, Kombato inom, anggur amburu inom, Alik negen kalo logonogo wokkege, Eerigin o.

Wakkagagerak 27:28 ပူးပေါင်းရင်းမြစ်များ

Wakkagagerak 27:37

Yoge mbareegi, at Itak nen, “At mondok kat kowe nagawan aret logowak nduk, mippege, at owe-awot inom, iriwi inom, abu'me piinok ayeloman logowak nduk, koonogo pege, ndi, mbato inom, anggur amburu inom, kalo logonogo wogoge, eekirak me, kat kake nano wone kwaarogo kilikkiri o, naput.”

Wakkagagerak 27:39

Le yege mbareegi, at Itak nen yoge logonet, “O nggween paga kat menggenom yime nggween mili lubunogo pege, Mbogut paga nen miin anggen yumbunogo wuppagi wage, Eerigin lek o.

Wakkagagerak 45:18

inogoba waganggwi, it inakuwi-inapurilogwe inom wogonakwi, eeko logomenggaarik, wogoren neya wogwe iinok, ninom logonet, yi mendek ndi mendek nggween mili paga yarogo nonggo logowak nduk, at Pirawun nen o Metit nggween yime obeelom ambi wokkiraagin, yegerak o, yorage logomenggendik,

Wakkagagerak 49:20

Kat Atet kame ti, Kambi-mbiingga abe amburu warak mban wonage me, Aap inendagembogut noorak nduk, Inake pipuk eeke logomunggun o.

Wakkagagerak 49:25

An kogoba nogoba Ala nen yeenggwa kege, At Omaawi Lombok Menggerak nen ale'nggen koba pege, Eeke logonet, Agi mbogut paga nen wuppagi wage, Ogu nggween abu'na nen obeelom eerogo nippagi wage, Ndi, kakwe ndaganake menggim obeelom eerogo pege, Elak amburu ambik eerogo pege, eeremenggerak paga Kapuri obeelom aret ndarogo wokkege, Eeke logowak o.

2 Tamuwen 1:21

Kit puut-puut Nggilobowa yi wae. Kit paga time aap kalu-kalu inanggeemu paga Aakumi inoorak inamiya lengge aago wonage, It aap wakaa'ngget nogo, Inamok Tawun anggeemu paga lenggek ari me, Yi'mbaani kunukwak amburu waka'lek wonage. Yonatan omaale wonok waga'lek namburogo nappege, Tawun awooluwak paga we wonok waga'lek amiya labunik mban wonok wage, Eeko menggaarak kwe, Kit puut-puut Nggilobowa paga inoorogo piigaarak me, Miinanggen inom, mayu inom, kineebe paga wambi wage, Ndi, kinanggween paga yi mendek ndi mendek yaremenggaarak kwe, Anggen abe yege, Eeke logogin mondok lek o.

1 Endagembogut 17:1

Aap awi o Nggileyat yaga'lelo Titebe mendek Eliya nogo nen aap Akap yoge logonet, “An yaga'lek neegak yi tahun ndi tahun paga mayu wage, miinanggen luurogo pege, eeka'lek aret kaamunggun o, yinuk, at ake eeke minggirak Aliku Iterali inogoba Ala eenik menggerak endage kumbunuk, yokkigi o,” yoreegerak

1 Endagembogut 5:11

Nappiya wagak eeke mbareegi, at Talomo nen Kiram ame menggaarak inake gandum karun kole yonggolak empat puluh empat ribu karun inom, tayitun amburu mburunogo togolowak yele-kole nderom dua ribu lima ratus me toolak inom, tahun ambi eekak paga nappiya wagak eeke nagagerak.

2 Mbinineegwaarak 2:10

It kayeloman mini nen eyo muurogo mbanogo nigakwi iigak, inambi nunggo logorak inake gandum ti, karun empat puluh ribu kuli yonggolak inom, waabuk negen jelai ti togon karun empat puluh ribu kuli yonggolak inom, anggur amburu ti, dua ribu nderom toolak inom, ndi, tayitun amburu ti, dua ribu nderom toolak inom, nappi woraagin o,” yinuk, wone eerogo nappiyareegerak.

Ndawi 104:15

Aakumi inale'nggen mbaruwak nduk, anggur amburu magarage, Inete teretak eeke logowak nduk tayitun amburu wogorage, Aakumi inomaawi logowak nduk, mbi magarage, Eeke menggerak o.

Ndawi 133:3

O time mondok-mondok ki eeke logowak nduk, Aliku ALA ale'nggen oba pege menggerak me, Puut Keromon nen konaananggen puut-puut Tiyon paga Wambit wage menggi kwak, It aap ti togop aret wonogo menggaarak o.

Ndawi 36:8

Kat kame yi mendek ndi mendek abe mban wonage me, It ndonggorogon nawak nduk wogorage, Kaniyo mili eneeri wungge menggenom kinikilom mbake nogo it nawak nduk toologo wogorage, Eeke menggendak o.

Kini Wuppiige 19:12

Aap endagembogut anini wungge ti, singa anini nen oone kole ari menggi kwak aret kwe, Ale'nggen mbake nogo perak, konaananggen iri'ngga oba luurogo pege menggi kwak aret menggerak.

Kini Wuppiige 3:20

Yi wone ndi wone eenu paga nen niyo agi-ogu mogonogo pege, Ndugwi nen konaananggen luurogo pit wambi woraawak nduk koonogo pege, Eereegerak o.

Yetaya 45:8

“Kat mbogut yi wae. O mayu wuppi wage menggendak kwak a'me nggelok eerogo piya wage logot o. Ndugwi nen mayu wuppi wage menggi kwak, a'me nggelok eerogo piya wage, Nggween nen mayu wagangge menggi kwak it nggween paga mendek noone yugu waganggwi, Awi mbilanit nage menggi kwak, inagap ndariyak kologwe, Kologo logomenggaarik, obeelom mban eerit nogwe, Eeko logowak o, yinuk, Wone ti, ndak-ndak aruwak nduk koonogo pereegirak Naliku ALA an nen aret o,” yinuk, yegerak o.

Yeremiya 14:22

It yi aakumi ndi aakumi aanom warogo ayuk wuko menggaarak inagugi nogo nen o mayu wuppi wage, Ndi, mbogut alik nen o mayu lubu-lubu wurabit wage, Eeko menggaarak mbakop? Lek aret o! Kat ninogoba Kaliku Ala kalik nen mban aret eeke menggendak o. Ti abok aret eerit nage nogo ti, kat nen aret eeke menggendak me, nit niniki kat paga lunik aret ogoorik o.

Yowen 2:19

Mbake logomenggerik, at Aliku ALA nen wone onggo yorage logonet, Yogondak an nen gandum inom, anggur amburu ngget toolak inom, eyo tayitun amburu inom, Wokkiraminggirak nunggwi paga ndonggoppinagage kaamunggup o. Kit nen yi aakumi ndi aakumi inenggela'me nugwi kiinok, It aap maluk mendek nugwi yi o, yinuk, ambinom yokkirogo logowak nduk eerogo pinagagin lek o.

Mika 5:7

Singa ndiimbu-nggwiya eyonggaame mendek inenggela'me wonage menggi kwak, Singa awooluk kambin-ndomba inenggela'me unggwi nanuk, Yimbik togon eerogo nappiige, nibinik-ndelenak eerogo nenet nage, Eeke me, Ambeme nen ndiniyak meek menggi kwak, At Yakup mendek ando yumbunik nogo, togop aret aakumi inanebunu lombok inenggela'me wonogwe, Yi aakumi ndi aakumi ambik inenggela'me arit namenggaarak wonogwe, Eeko logogun o.

Takariya 8:12

“Anggen yaremenggaarak nogo abe lagangge, eyo anggur nogo anggen abe yege, inanggween amburu eerogo pemenggerak paga anggen abe mbanggologwe, mbogut paga nen mayu wuppi wage, eeruwak nduk, eeppiyaagin o. Yi mendek ndi mendek abok aret ti, an napuri eegu yumbunik yi, ineyate kwak unde logowak nduk, eeppiyaagin o.

Takariya 9:17

Ti aago logogun nogo ti, abu abe kigirikwe lombok me, iya! Gandum nunggwi paga inapuri wologwe mbet-mbet tawe ogwe, Anggur amburu ngget toolak nunggwi paga inapuri komologwe inagabolo piyok togon tawe ogwe, Eerugun o.

Linggineegwaarak 13:20

Ndi, nggween ti perak, nonggop wonage o? Amburu warak kaamunggup ilik, amburu lek kaamunggup a? Yabu pena obeelom kaamunggup ilik, lek a? kinigen yomboonit nugu logomonggotik, kiniki kwippunuk, anggen time mendek ambi kero, mbaninuk wa'nu o,” yinuk, yoragagerak. Anggur anggen mbaninuk wa'nu o, yoragagerak nogo ti, anggur anggen iyaalok mbanggwi eyom paga aret me, yoragagerak.

Linggineegwaarak 18:12

Iyaalok mbanogo Naliku ALA nake leenogo pi wogo mengga kwak, anggen iyaalok aambiranak tayitun amburu inom, anggur amburu inom, ndi, gandum anggen inom, abu obeelom mendek kero, abok aret kit kinake leenogo pinagagi o.

Oroma 11:17

Eyo tayitun abe aakumi nen yarak nogo mendek eno'mbak ando pendenogo mbo nappunuk, obaane'me eyo tayitun endekem penaame mendek mbanogo ero paga kumbi woramenggerak amburu omanggen me nen lagi nage logonet, mondok kwit agan lagangge menggi kwak, kit endekem konenggulik mendek kwe, togop aret kumbinagi wage kenok,

Pelaareegerak 32:2

An wone mamunirage yi, o mayu wangge menggi kwak age, Noone ari yi, miinanggen iri'ngga paga luurik pogom age, Iri'ngga anggup awo larak paga o mayu wangge kwak, age, Yi mendek ndi mendek yarak paga o mayu lubu-lubu wangge kwak, age, Eeruwak o.

Pelaareegerak 33:13

It inanebunu Yutup mendek nen eeko logorak wone yoge logonet, “Kaliku ALA nen it inanggween obeelom eeppiige logonet, Abe mendek mayu mbogut paga wonage nogo wuppi wage, Niyo nggween abu'na yenggenak wonage nogo nen amburu nigabit wage,

Pelaareegerak 33:28

Togop eerigin me, Kit Iterali mendek kiniki tayenak obeelom mban wonogwe, Mbogut paga nen yi amburu ndik-ndik agago wuppit wage me, Gandum inom, anggur amburu ngget toolak inom, Ambik wonage menggim time ari nanuk wonogwe me, Niyo eneeri wungge menggi kwak, Yakup ombowologwe time nu'lek obeelom aret wonogo logonet, Wiganggo logogun o.

Pelaareegerak 7:13

O kit logowam Ala nen, Wokkiraagin o, yinuk, kumbuk mbanogo kinombomini yoragagim ari namonggotak wonogwe me, Aliku ALA kinabuwa mbake, ale'nggen kinoba pinagage, kinanebunu nggwok eerogo pinagage, eeke logonet, kumi elege ndaganako menggam obeelom eerogo piige, gandum inom, eyo anggur inom, eyo tayitun inom, yi mendek ndi mendek yarumonggotak abok aret anggen ka'let-pa'let eerogo pinagage, ndi, kinaanggumi lembu-tapi inom, kambin-ndomba inom, inaagalogwe ambik agago pege, eeke logogin o.

Iberani 11:20

Aap Itak nen, “O peebi Ala nen togop eeppinagage kaamunggup o,” yinuk, Ala yoreegerak nogo abet mbake logonet, ale'nggen Yakup Etawu imbirak inoba piyareegerak.