Wakkagagerak 27:13 - Ala Wone Peenok Peebi Mbanak

¹³ Yoge mbareegi, at agalo nen yoge logonet, “Naagaluk o. Kat pulunogo pagage kenok ti, an kagalo nobaalombok nen kaagin me, kambin yokkigirak nogo aret wa nak o.”

Wakkagagerak 27:13 ပူးပေါင်းရင်းမြစ်များ

Wakkagagerak 25:23

Nggino yoge mbareegi, at Aliku ALA nen wone onggo yoge logonet, “Aakumi inanebunu mbere aret kinikime wonage o. Inanebunu mbere nda'nogo logomenggaarik, Imbirak ogoorak logonet, anebunu ambi omaawi ambik. Ndi, ambi omaawi lek logonet, awuluk nogo nen oweeluk nogo ayeloman eeppunuk, logogin o,” yoreegerak.

Wakkagagerak 25:33

Yoge mbareegi, at Yakup nen, “Abet aret yagi o, yinuk, kumbuk mbanogo aa'nduk yo'niru o.” Yoge mbareegi, at Etawu nen, “Abet aret yagi o,” yinuk, kumbuk mbambege nagagerik, manggu ndarak kenok, wone kilirirogo menggaarak nogo aret Yakup kiliriruwak nduk, “E o,” yereegerak.

Wakkagagerak 27:14

Yoge mbareegi, Yakup nogo nage nagagerik, kambin nogo aret wonok agalo wogori wage mbareegi, at Iribaka nen ogoba noorak inikilom mbake nogo ndak-ndak eenggi amburu agago lareegerak.

Wakkagagerak 27:43

an yokkege yi aret konembunuk eeru o, naagaluk.” Ari nagagerik, “Kat yogondak aret an noweeluk Laban o Karan wonage me time aret mbet-mbet nak o.

Wakkagagerak 27:8

naagaluk o. An kagalo mbakirak ambi yokkege neenok ti aret eeru o.”

Wakkagagerak 43:9

An nen aret wonok nimbirak naminggirak me, liirogon aret wonok kiri waga'lek neenok, at eebe kokwak awi yarak ti, an neebe aret me, kat maluk eeppagagirak onggo nobaalombok nen koonogo eeppagage neegak, neebe kambi noorak kuli aret aruwak o.

2 Tamuwen 14:9

Yoge mbareegi, kwe o Tekowa mendek nogo nen ambinom yoge logonet, “Nogoba o. Kat kendagembogut aret me, wone koonemenggendak irip me ninggin age kenok, kendagembogut keebe inom, kendage tiyanak menggerak inom, ti paga maluk arigin lek o. Ata, an inom, niriwi inom, ninoba aret arigin o.”

2 Mbinineegwaarak 22:3

At agalo ti nen maluk eeriyak wone mban mamunige nagagerak me, at Akap akuwi-apuri inom, owe-awot inom, eerit nugu nogogwa kwak, at kunduk obaabut maluk logonet, eerit nage nagagerak.

Matiyut 27:25

Yorage mbareegi, it aakumi abok aret inoone wonggok togon yogo logonet, “At amiya ti, nit ninapuri-ninombowologwe ninom ninoba logorak op aret o.”

1 Tamuwen 25:24

Ndawut yoge logonet, “Ai, nogoba. An kayeloman wone yokkege yi, liirogon konenu o. Wone agaarak nogo ti, an noba aret aruwak o.