Wakkagagerak 27:1 - Ala Wone Peenok Peebi Mbanak

¹ At Itak nogo abu aret anggok age nagagerik, enegen ogut agagerak logonet, at aput manggu Etawu nogo wiireegerak wage mbareegi, yoge logonet, “Naput Etawu wae.” Yoge mbareegi, “Yu o, nogoba.”

Wakkagagerak 27:1 ပူးပေါင်းရင်းမြစ်များ

Wakkagagerak 25:33

Yoge mbareegi, at Yakup nen, “Abet aret yagi o, yinuk, kumbuk mbanogo aa'nduk yo'niru o.” Yoge mbareegi, at Etawu nen, “Abet aret yagi o,” yinuk, kumbuk mbambege nagagerik, manggu ndarak kenok, wone kilirirogo menggaarak nogo aret Yakup kiliriruwak nduk, “E o,” yereegerak.

Wakkagagerak 48:10

At Iterali nogo aakelo age logonet, enegen ogut agagerak me, yi mendek ndi mendek enegen kaga'lek aret wonage kwe, at Yutup nen at apuri wogoren Iterali owagam piya wage mbareegi, panggeppiinok, inagandin eyak mbaninabeegerak.

1 Endagembogut 14:4

Yoge mbareegi, at Yerobeyam akwe wone yoreegerak nogo ndak-ndak eeke nagagerik, at Akiya nogo, abu anggok a'nuk, enegen ogut agagerak yi mendek ndi mendek enegen koorak meek, ame o Tilo wonage me nagagerak.

Wone Alom Kibingga 12:3

It o arum menggaarak nogo inaganak lele yaga'lek kagak, Aap inomaawi ambik kwe, inamborowak yomongga'lek kagak, Kumi anggen yigika nogo ineebe mbereeret me, yigika'lek puk ariyak eyom aga'lek kagak, Pugagi ambe mbanak me, inigen pekkoorak yumaak aga'lek kagak,

Yaya 9:3

Yogo mbareegwa, at Yetut nen, “Lek o. At maluk eereegerak paga inom, ndi, agalo-ogoba maluk eereegwaarak paga inom, enegen mbuk nda'nagagerak ti lek o. Ata, at Ala eeke menggerak at paga pagak yuwak nduk, enegen mbuk aret nda'nagagerak o.

Pelaareegerak 34:7

At Muta nogo ndarak kagak tahun seratus dua puluh aret eereegerak kwe, omaawi lek age, enegen ogut age, eeka'lek aret kagak kambeegerak.

1 Tamuwen 3:2

Aap Eli nogo abu anggok enegen ogut agagerak me, ne ambi oonikiya paga nogo yege menggim nogome nogo yege,