Wakkagagerak 26:7 - Ala Wone Peenok Peebi Mbanak

⁷ Time wonage me, it aap o Nggerat mendek nen at Itak yogo logonet, “Kwe kimbirak wagandak ti ta o?” Yogo mbareegwa, akwe Iribaka nogo abu obeelom kigirikwe lombok me, “Eebe ndinggo logonet, an nookwi iyo,” mba'nuk, agabiti nen, “An nakwe o,” yuulik, ata, “Yi nawuluk o,” yoragagerak o.

Wakkagagerak 26:7 ပူးပေါင်းရင်းမြစ်များ

Wakkagagerak 12:11

Nogo nogogwaarik, o Metit unggwi nawok nduk eeko logonet, Abaram nen akwe Tarayi yoge, “Kat kwe abu kigirikwe lombok me, it aap Metit mendek inigen keego logomenggaarik, Yi at akwe aret o, yinuk, kat ndinggako logonet, an noorukwak me, kat nen, Yi an noweeluk aret, yoraamunggun o. Togop yorage keenok, an nooka'lek teppanemenggaarak paga nimbirak op aret logogun o,” yinuk, yoreegerak.

Wakkagagerak 12:15

Ndi, at aap endagembogut Metit mendek inom yabu eeko menggaarak nogo nen kwe Tarayi nogo amuni mbanak kigirikwe inigen kogo nogogwaarik, “Kwe kigirikwe yogop kogoorak o,” yinuk, aap inowe endagembogut nogo yori nogo mbareegwa, “Wa nanip o,” yorage mbareegi, kwe nogo wonok at awi o nggwok abe wurik me pi nogogwaarak.

Wakkagagerak 20:11

Yoge mbareegi, at Abarakam nen, “An niniki mbake logonet, It aakumi yime Ala inagabiti mbaka'lek me, an nooko logonet, nakwe ndinogo wagun ilik? mba'nuk, yagarak o.”

Wakkagagerak 20:2

O Nggerat nogome wonage logonet, at Abarakam nen akwe Tara abok mbangge logonet, “Kwe yi an nawuluk o,” yereegerak me, at aap o Nggerat endagembogut Abimelek nogo nen konembunuk, “Kwe Tara ti, wo'niri wa'nip o,” yorage mbareegi, kwe nogo wogori wogogwaarak.

Wakkagagerak 20:5

At Abarakam alik nen mban, An nawuluk o, yo'negerak nogo lek a? Ndi, at kwe Tara nen togon, Yi noweeluk o, ari mbaki, Yi abet aret yaga, yinuk, neenggi paga nen maluk ambi eeppuulik niniki abe paga waganggirak kwe, yo'negen o, nogoba.”

Wakkagagerak 26:6

Yoge mbareegi, at Itak nogo o Nggerat time aret puk agagerak.

Wakkagagerak 26:8

Nogo yorage nagagerik, logonuk negen ne ambi paga at aap endagembogut Abimelek nogo yendela mbanak me nen at Itak Iribaka imbirak wonogwe paga at akwe aret yelok iige nagagerik,

Wakkagagerak 29:17

At oweeluk Leya nogo etenggen mbeenak lek kumi kokwak aret wonagagerak, ndi, at awuluk Araken nogo perak, eebe mondok amuni mbanak etenggen kigirikwe lombok tawe aret wonagagerak.

Kini Wuppiige 29:25

Aakumi paga inagabiti mbarit nugwi ti, keele pugu kwak inenggaanok nggerenggologo menggaarak kwe, Iniki Aliku ALA oba panggombugwi nogo perak, tu kuuri'me aret nugu menggaarak.

Matiyut 10:28

It aakumi nen kinagabolo kinooko logonet, kiniki inom kinoorugun lek me, kinagabolo mban kinooko menggaarak nogo paga kinagabiti inombarugup o. Ata, kinagabolo inom, kiniki inom, lek eerogo kani omoonuk wunuk mban ari menggim time pinagarak unde nogo perak, mondok kinagabiti mbako logonip o.

Epetut 5:25

Ndi, kit aap yi wae. Kit kinakuwi warak kenok, Keritut nen nit Ala apuri yi awi ndi awi monggoorak nogo, ninabuwa mbake logonet, “Inake kambikit o,” yinuk, ninake kambeegerak nogo kwak, kit kinakuwi togop aret inabuwa inombako logonet, obeelom eeppiigo logonip o.

Kolote 3:9

Nit niniki ngget ogobakkigika Ala nogo nen, at eeke menggerak kineenu arubagip nduk, at iniki pogom kit kiniki ngget ogobakkigirogo pinagage kagak, kit kinobaabut maan mendek paga maluk eeko nogogutak nogo, nggonenogo mbo punuk, kinobaabut ngget mendek eekkologogutak me, kit-kit aret pilit pugunggwi ti mage o.