Wakkagagerak 26:3 - Ala Wone Peenok Peebi Mbanak

³ Nggween yi abok aret wokkirigin o, yinuk, kumbuk mbanogo kogoba Abarakam yoreegirak nogo a'me lik yuwak nduk, kat kapuri ndaganabemenggendak kinom wokkiraagin me, kat aap nggiru negen yime aret logot o. Wonage keegak, an nimbirak aret logonet, nale'nggen koba pagage logogin o.

Wakkagagerak 26:3 ပူးပေါင်းရင်းမြစ်များ

Wakkagagerak 12:7

Wogo mbareegwa, at Aliku ALA nen Abaram owagam wage nagagerik, yoge logonet, “An nen o yi kat paga wiganak nen unde eeppunuk logowak nduk, wogorigin o,” yoge mbareegi, at Abaram nen, “Aliku ALA nowagam pe'neya wagaarak o,” yinuk, Aliku ALA ake warogo kani kunggo logorak yugum logonogo pereegerak.

Wakkagagerak 13:15

Yoge nagagerik, “O yi taganak kat kenegen kagandak ti, abok aret kat inom, kat kapuri ndaganabemenggendak inom, unde eeppunuk, mondok-mondok logobagip nduk wokkiraagin o.”

Wakkagagerak 13:17

Togop me, O kat wokkirigin, yokkigirak kenegen kagandak ti, yogondak tigitogon aret wokkege me, irip agi-ogu, unggut aru-ogwe tigitogon kenegen yomboonit nak o.”

Wakkagagerak 15:18

Ne ti eyom paga at Aliku ALA nen Abaram yoge logonet, “Nggween yi abok aret niyo Metit kuli nen, nok-nok niyo nggwok Eparat kuli ti, kat kapuri ndaganabemenggendak nogo wogoragi o.

Wakkagagerak 17:19

Yoge mbareegi, at Ala nen Abarakam yoge logonet, “Ti yagandak kwe, lek o. Kat kakwe Tara nen kobaane'me wulaga ambi ndarigin me, endage ti, Itak aret toonenu o. Wone abuk nggaruk togon yokkereegirak nogo, at ombowologwe wiganak nen mondok-mondok porogo logonet, eeko logowak nduk, at kunduk wone abuk nggaruk togon yorigin o.

Wakkagagerak 17:8

Kat aap nggiru negen menggenom o Kanan nggwok yi abok aret, kat inom, kombowologwe wigannaremenggaarak nogo inom, mondok-mondok unde logomunggup nduk wokkiraagin o. Ndi, kombowologwe wigannaremenggaarak nogo inogoba Ala an mondok aret logogin o.”

Wakkagagerak 20:1

Ti'nuk, at Abarakam nen o Mamere nogo teppunuk, o Kanan o ame pa'nggwe karume time wage nagagerik, o Kareti Tiyut imbirak anu-ogwe nakkagak oolo time wonagagerik, ti'nuk luulu negen o Nggerat nanuk wonagagerak.

Wakkagagerak 25:11

Ndi, at Abarakam nogo kangge mbareegi, apuluk Itak nogo niyo nggween kabunik me endage, At Itok Menggerak Nen Enegen Liippaneegim, tooneegwam nogome aret wonage me, at Ala nen ale'nggen oba pege nagagerak.

Wakkagagerak 26:12

Ndi, at Itak nogo it inom nogome aret wonage logonet, yi mendek ndi mendek yarit nage logonet, “Ero ambit nen anggen ambiret mbanggolaagin,” mba'nuk, yareegerak kwe, at Aliku ALA ale'nggen oba pege me, ero ambit paga anggen ambik 100 negen aret yege me,

Wakkagagerak 26:14

At aanggumi ndomba inom, lembu inom, ayeloman mini inom, amindik-amendek alik negen unde wonage mbareegi, it aakumi Pilitin mendek nen inigen kenok, “Nit ambi wo'niraga'lek eeke yi, ao,” yinuk, inanini ombako nogogwaarak.

Wakkagagerak 26:24

Nage nagagerik, oonikiya nogo yege me, at Aliku ALA at owagam wage nagagerik, yoge logonet, “Kat kogoba Abarakam ogoba Ala an aret o. An mondok-mondok karum wonage, ndi, nale'nggen koba pagage logonet, nayeloman Abarakam wone abuk nggaruk togon yoreegirak nogo ndak-ndak kat kapuri-kombowologwe ambik aret wiganogo piige, eerigin me, kagabiti mbarugun o.”

Wakkagagerak 28:13

Nogo eekwi iigak, at Aliku ALA eebe ya'na wurik irip paga mi'ndak wonage logonet, “Naliku kogoba Abarakam ogoba Ala inom, Itak ogoba Ala inom, ti an mban aret o. An aret me, nggween kat keebe nogo yege me yi, kat inom, kat kapuri wigannaremenggaarak inom, unde eeppunuk logobagip nduk, wokkiraagin o.

Wakkagagerak 28:15

Kat o ambime, Na, yinuk, nage kenok, an nen enaani aret ndegenggeren nage, karum liirogon aret wonage, eeke logominggirik, ti'nuk, wokkeren o yime aret pagi woraagin o. Ndi, an nen, Yogop eerigin o, yinuk, wone abuk nggaruk togon yokkiragarak nogo abok aret a'me lik yaga'lek kagak, an teppagagin lek mondok yeenggwa kege logogin aret o,” yinuk, yoreegerak.

Wakkagagerak 31:3

eeke mbareegi, at Aliku ALA nen Yakup yoge logonet, “Kat yogondak aret o yime teppunuk, kame kagalo-kogoba, kowe-kawot wonogwe me iya nak o. Nage keegak, an nen eraanggi teppagagin lek karum aret logogin o.”

Wakkagagerak 35:12

Ndi, o yi, it Abarakam Itak imbirak wogoragagirak nogo aret kat kombowologwe kinom unde logomunggup nduk, wokkigi o,” yinuk,

Wakkagagerak 39:2

Eebe kunggolage nagagerik, at ogoba nogo imbirak wonage me, at Aliku ALA nen Yutup nogo yeenggwaage kagak, yi yabu ndi yabu eeke nogo op mban eerit nage nagagerak.

Wakkagagerak 39:21

Mambereegerak wonage kwe, at Aliku ALA nogo Yutup imbirak aret wonagagerak. Imbirak logonet, abuwa mbake, ndi, aakumi keele maarogo mambiigaatak inarum menggaarak inowe nogo nen iniki ale'nggen Yutup oba puwak nduk, eeppege, eereegerak me,

Wakkagagerak 48:21

Ale'nggen inoba piige nagagerik, at Iterali nen Yutup yoge logonet, “An logonuk lek mbet-mbet aret kambigin kwe, Ala perak, kinarum aret logonet, wokkiren o kombomini inanggween paga nogome pinagi nagin o.

Wakkagagerak 50:24

Eeke nagagerik, at Yutup nen owe-awot nogo yorage logonet, “An abu kambuurak ee'nake me, kambiminggirak neegak kit perak, Ala nen, Nggween wokkiraagin o, yinuk, Abarakam, Itak, Yakup wone abuk nggaruk togon yoragagim nogome o yime nen liirogon aret unde logomunggup nduk wokkiren pinagi nagin o.”

Ndawi 105:8

At eeriyak wone inom koonogo pege, Wone, “Yogop ee'nu ndogop ee'nu,” yereegerak nogo Aberak kagak, nda'narit wundi wogwe iigak, Seribu kuli aret ari nage, Wone koonogo at Abarakam abuk nggaruk togon yoge, “Ndogop eerigin o,” yinuk, kumbuk mbanogo Itak yoge, Eereegerak wone nogo ti, Mondok-mondok aberak wonage menggerak o.

Ndawi 32:8

Aliku ALA nen ari logonet, “An wone mamunggake, tu noorak titikkege, Wone karuk wake, nenegen wokkake, Eeke logogin o,” Yinuk, yegerak me,

Ndawi 39:12

Kaliku ALA wae. An nogo Aap nggiru kwak kat nimbirak luulu wonage, Aap nggiru kwak nombomini nugu nogogwaarak nogo pogom nege, Eeke me, An nale ari nogo Karuk konengga'lek mbo panege ti mage o. Ata, an tamban eeke nogo karuk konengge, Yeenggwa niru o, yinuk, Noone nggwok paga yokkege nogo liippanege, Eeru o.

Wundeegwaarak 2:24

Ndi, inoone inabuwa nggo-nggo yogwi nogo Ala aruk konengge nagagerik, aap Abarakam inom, Itak inom, Yakup inom, wone abuk nggaruk togon inom mbaneegwaarak nogo abereegerak.

Wundeegwaarak 3:12

Yoge mbareegi, at Ala nen Muta yoge, “An yeenggwa kirigin lek mbaken? It aakumi Iterali mendek o Metit wonogwe nogo wogoren wundi woraanuk, puut yi paga an nalut eeri wogo logomonggotik kenok, Ala nen abet aret nappaneegerak kagi, yinuk, keenu arumunggun o.”

Wundeegwaarak 6:4

it aakumi Metit mendek nen Iterali mendek inayeloman eeppiirogo wonogwe iinok, Yi eeppinanugwi ao, yinuk, ineebi-ineeba yogwe nogo, konengge nagarik, an noone mondok nggaruk togon yoragagirak nogo abekirak o.

Wundeegwaarak 6:7

An nen Abarakam inom, Itak inom, Yakup inom, nggween wogoroorak abet mbaruwak nduk, nendage kunogo yoragagim nogome napuri piya nage logominggirik, unde logowak nduk wogoraagin o, yinuk, Naliku an ALA nen aret yagi, yegerak, yoret o,” yinuk, yoreegerak.

Wundeegwaarak 6:8

Ti'nuk, at Muta nen aakumi Iterali wone ti yoragagerak kwe, inayeloman eeppiinok, inoone omaawi paga yorogo logonet, yawi inom inookwi paga iniki ale'nggen abu lek agagerak me, wone yoragagerak ti, abet mbarulik.

Yetaya 43:2

An Kikak Nakeelik Nalik Leenak Inagap Ndaka Iterali inogoba Naliku Ala aret me, Niyo nggaruppegak wundogwe iigak, ninom wunda nagin o. Ndi, niyo mbaninuk wunda nogwe iigak, niyo nen wogoren nage, Kani kunik me iniyok pit nogwe iigak, iniyok kani nengge, Kani wunuk ari me wonogwe iigak, kani nen ineebe nengge, Eerigin lek o. It wondet aago logowak nduk, inonggo pugu ti, it Metit mendek aret. It eeginabukwak inobaane'me nggelok ari ti, it Kuti mendek inom, Tiyeba mendek inom, aret o.

Yetaya 43:5

An ninom wonage me, inagabiti mbarugwaarik o. Oonegen lagi wage menggim pa'nggwe nen it inombowologwe wogoren piya wage, Oonegen kilu yi nage menggim pa'nggwe nen it kuwak eerogo piya wage, Eerigin o.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

Pelaareegerak 1:8

Nggween kamonggotak nogo abok aret Naliku an ALA nen kinombomini Abarakam inom, Itak inom, Yakup inom, inapuri-inombowologwe ndaganabit namenggaarak inom, Wokkiraagin o, yinuk, wone kumbuk mbanogo yoragagirak nogo, kit muk wokkiragagirak me, time aret unggwi nogo logomonggotik, unde arumunggup, yo'niragagerak nogo o,” yinuk, Iterali yoragagerak.

Pelaareegerak 34:4

Eeke nagagerik, at Aliku ALA nen Muta yoge logonet, “O kenegen nakkagandak ti, an nen Abarakam, Itak, Yakup, yorage logonet, Kinapuri-kinombowologwe o ambi wogorage logogin o, yinuk, abuk nggaruk togon kumbuk mbanogo yoragagirak nogo ti aret me, kat kenegen kaanok nduk, nikkeegirak kwe, kat perak, o time unggwi namunggun lek o,” yoreegerak.

Pilipi 4:9

An wone mamunggirage neegak, waganggo nogogutak inom, ari neegak kinaruk konenggo nogogutak inom, eeke neegak kinigen neego nogogutak inom, nogo abok aret eerit nogo logonip o. Ndi, niniki ugun tayenak ale'nggen logowok nduk, eeppinanege menggerak Ala nogo nen kinarum aret logogin o.

Iberani 11:9

“O wokkirigin o,” yoreegim nogome aret nagagerak logonet kwe, “O yi ti lek o. Ala nen o kota alik ambi mondok logorak mendek ogobakkigirikit koombunuk, ogobakkigiremenggerak nogome, an aret unde eeppanigin o,” yinuk, abet mba'nuk, tokkage logonet, Itak Yakup imbirak inom ineyate kwak kolaawak nduk, yoragagerak me, it inom aap nggiru kwak ooliya wuppunuk, ya nogo yegak nda nogo yegak eerit nugu nogogwaarak.

Iberani 6:17

Nogo ndak-ndak at Ala nen, “Togop eekkabigin o,” yinuk, iniki koombunuk, abok yoreegerak nogo, “Peebi Abarakam ombowologwe nen Ala alik eeriyak iniki koombunuk, yo'niraagin lek, yo'nirage nogo abu ndak-ndak eerigin,” nombaruwak nduk, wone eeppiyoorak Abarakam abok yoreegerak nogo yoge logonet, at endage inom kumbatinuk yoreegerak o.