Wakkagagerak 25:8 - Ala Wone Peenok Peebi Mbanak

⁸ abu anggok a'nuk kenen mbanogo li a'nuk aret kambeegerak. Kangge nagagerik, ombomini kambunuk nogogwam nggwogoba wonogwe me nogome aret iya nagagerak.

Wakkagagerak 25:8 ပူးပေါင်းရင်းမြစ်များ

Wakkagagerak 15:15

Ndi, kat keebe perak, kiniki ugun obeelom aret li a'nuk kangge keenok, kombomini kambunuk kuwak ari nogogwam nggwogoba wonogome nogome iya nage keegak, kagabolo nggween taambagagun o.

Wakkagagerak 25:17

At Itamayen nda'nagagerak kagak tahun seratus tiga puluh tujuh eeke nagagerik, anggok aret a'nuk kangge nagagerik,

Wakkagagerak 25:7

At Abarakam nogo nda'nagagerak kagak tahun seratus tujuh puluh lima eeke nagagerik,

Wakkagagerak 35:18

at Araken mondok kambuurak iniki worok yikit nduk eeke logonet, aagaluk endage, Mben-Oni tooneegerak kwe, at ogoba nen wulaga nogo endage, “Mbeniyamin o,” yinuk, tooneegerak.

Wakkagagerak 37:35

Le ari wonage me, at apuri wologwe nen, komologwe nen, abok aret wogo nogogwaarik, Yakup iniki yanggonuwok nduk eereegwaarak kwe, iniki yanggo yuurak eebi nen it yorage logonet, “Le ari tit neegak, napuluk kambunuk nogo menggam nagaarak wonage me time aret ka nagin o,” yinuk, aput abuwa nen le mban ari nagagerak.

Wakkagagerak 49:29

Awoneninu abu aret kilirirage nagagerik, wone ambi lengganogo at apuri yorage logonet, “Napuri o. An nombomini kambunuk, kuwak ari nogogwam nggwogoba wonogome iya nagin me, nage neenok, neebe waganogo at Abarakam nen, An mendek kanggwi iinok, yime aret mambiigo logowok o, yinuk, o Kanan nggween taganak Mamere time aap Ket mendek ambi endage Eporon eyabu yarak me ndo endage Makepela inom onggo mbangge mbareegi, Abarakam akwe Tara imbirak mambiigwi, ti'nuk, Itak akwe Iribaka imbirak mambiigwi, ti'nuk, an nen nakwe Leya nogo mambege, eeko monggom nogome aret mambani namunggup o,” yinuk, yoragagerak.

Wakkagagerak 49:33

Yakup nen wone nogo apuri abu yorage nagagerik, nogo yege menggim taa'nogo winna'nuk kangge nagagerik, ombomini kambunuk kuwak ari nogogwam nggwogoba wonogome nogome iya nagagerak.

Wakkagagerak 50:13

Yakup eebe wonok o Kanan wogo nogogwaarik, at Abarakam nen at mendek kanggwi iinok, ndoome mambiigo logorak nduk, o Mamere koorok time aap Ket mendek endage Eporon anggween eyabu yarak ndo endage Makepela inom onggo mbaneegim nogome mambereegwaarak.

1 Mbinineegwaarak 23:1

At Ndawut nogo ndarak kagak tahun ambik eeppunuk, abu anggok age nagagerik, at obaane'me aakumi Iterali mendek inowe endagembogut logowak nduk, aput Talomo aret mippereegerak.

1 Mbinineegwaarak 29:28

At Ndawut nogo ti, eenggi warak lombok endage mondok tiyanak logonet, eenik nggorek wonagagerik, anggok a'nuk, iniki tayenak logonet, kangge mbareegi, obaane'me aput Talomo aret endagembogut agagerak.

2 Mbinineegwaarak 24:15

Aap Yoyara nogo anggok age nagagerik, ndarak kagak tahun seratus tiga puluh eeppunuk, li a'nuk, kangge mbareegi,

Ayup 41:32

Iniyok pegaanom eyak-nggweyak eerit nogwe paga, Yilaa'nggun iyagalo ineeruwak kenen lu aago wonogwe o, Yinuk, mbako menggaarak o.

Ayup 42:17

Ndi, Ayup nogo abu anggok lombok age nagagerik, li a'nuk kambeegerak.

Ayup 5:26

Ndi, kat perak, gandum anggen mbanak nogo Mbelaniyak eyom ari wage kenok, Mbelanggo menggam mambogo mengga kwak Kagabolo ki keegak kanggok a'nuk kangge keenok, Piya unggwogo menggam pagi unggugun o.

Kini Wuppiige 20:29

Aap tawe inobaanggi-inobaangge eerak kwak ti, inomaawi aret. Ndi, aap inanggok inayuk warak iigwi nogo ti, ineeruwak kenen ti aret.

Yeremiya 6:11

Kat kanini it inoba piyoorak nogo an ninikime kani pogom kerek togon eerogo pani wage paga puk ariyak meek tit ee'nake agaarik o.” Yoge mbaki, at Aliku ALA nen, “Nanini kinikime wonage ti, Elege tu paga wonogwe nogo inoba piinet nage, It aap tawe kuwak aago nogo inoba piige, Eeke logot o. Eeppiinet nage keegak, kumi-aap inogonggelomini-inakuwi inom wogoren nogwe, Aap inanggok inom, it aakelo inom, abok piginakwi, Eerugun o.

Linggineegwaarak 20:24

“Kit niyo Meriba eneerime logonet, an nen, Ndogop eeriyak, yokkiragarak nogo taganggotak me, at Karun yi, o aakumi Iterali wogoraawam nogome unggwi nagin lek o. Ata, ombomini nggwogoba nogogwaarak kuwak aago wonogwe me time iya nagin o.

Nappiigak 12:23

Keekok piyanggogo mbareegwa, at nen Ala wogoppuulik, “An iya neenok, yaga,” yinuk, wogoppake mbareegi, Ala yonggo nappiya wage menggerak malayikat ambi abera'lek me wage nagagerik, warogo nggimbereegerak. Warogo nggimbege mbareegi, puuron nen inikime nggebenogo nunggwi iigak, kambeegerak.

Nappiigak 13:36

Ala nen at Ndawut eeke logowak nduk punereegerak nogo, at wone lengganogo yorage nagagerak eyom paga ndak-ndak aret eeppege nagagerik, kambeegerak. Kangge mbareegi, ombomini kambeegwaarak inom tabonogo pi nogogwaarak pili agagerak kwe,

Nappiigak 5:10

Awo yoge kagak, kwe nogo Peterut owagam taa'nogo aret kweyak togon ngginnage nagagerik, kambeegerak. Kangge mbareegi, it aap tawe nogo nen unggwi woraanuk, kambeegerak kogo nogogwaarik, eebe wonok, ogonggelo imbirak tabonogo nggween taambi nogogwaarak.

Nappiigak 5:5

Yoge nogo Ananiyat aruk konengge nagagerik, kweyak togon nggween paga ngginna'nuk, taati aret kambeegerak. “Kanggerak o,” yogwe inaruk koneneegwaarak nogo abok aret nen, “Ia!” yinuk, inagabiti ambik ogogwaarak.

Pelaareegerak 32:50

Kena mban nakkage logomenggendik, kat koweeluk Karun nogo puut Kot paga kambunuk, kinombomini nogogwam nggwogoba wonogwe me iya nagagerak kwak, kat kunduk kambunuk time aret iya namunggun o.

Owak Loongga 2:10

Nggween taanogo pogo nogogwaarik, it aap Yotuwa inom ndak-ndak ambugwi tawe ogogwaarak ndarak kero, abok aret inombomini nogogwam nggwogoba wonogwe me nogwe iigak, inobaane'me nda'nogogwaarak nogo, Aliku ALA inom, ndi, Aliku ALA nen Iterali eeppiige nagagerak nogo inom, ineenggo'lek aret wonogogwaarak.

Owak Loongga 8:32

Ndi, at Yowat aput Nggireyon nogo abu li a'nuk kangge mbareegi, it aakumi inanebunu Abiyetet menggam, o Opara at ogoba Yowat nggween taambereegwam nogome aret taambereegwaarak.