Wakkagagerak 25:30 - Ala Wone Peenok Peebi Mbanak

³⁰ at Yakup yoge logonet, “An mbi abu mondok meek ee'nake me, kela anggen laambu lakendak ti, ambi wo'niru o,” yoreegerak. Ti yoreegerak paga at endage, “Erom,” yogo nogogwaarak.

Wakkagagerak 25:30 ပူးပေါင်းရင်းမြစ်များ

Wakkagagerak 25:29

Ne ambi paga at Yakup nogo awo kela anggen lappunuk wonage me, at Etawu nogo eyonggaame pagi warit nege nagagerik, mbi abu ambik eeke mbareegi, wage nagagerik,

Wakkagagerak 25:31

Yoge mbareegi, at Yakup nen ari logonet, “Manggu ndarak kenok, wone kilirirogo menggaarak kat kilikkiriyak nogo, an kili'niruwak nduk onggo yi wokkiri o.”

Wakkagagerak 32:3

Toonogo pege nagagerik, yonggo oweeluk Etawu o Teyit nggween taganak ambi Erom nogome wonage me yori wogo logowak nduk, wone lengganogo yorage logonet,

Wakkagagerak 32:4

“Nogoba Etawu kinom lambunggo logomonggotik, wone yogop yorumunggup o. Kat kayeloman Yakup nogo nen ari logonet, An aap Laban ka nage nagagirik, nimbirak wonagagirak kuli yogondak yi aret agaarak me,

Wakkagagerak 36:1

At Etawu endage ambi Erom aret me, at nogo paga wiganak inendage yi aret o.

Wakkagagerak 36:19

At Etawu endage ambi Erom nogo alik nen apuri ndaganabeegerak inom, ndi, at paga wiganak inoweewi nagawan inom, inendage ti aret o.

Wakkagagerak 36:8

Nage nagagerik, at Etawu endage ambi Erom aret me, o Teyit nggelok-nggobok time aret ye mbanggolagagerak.

Wakkagagerak 36:9

Aakumi Erom mendek inogoba Etawu o Teyit nggelok-nggobok me logonet, at paga wiganak inendage yi o.

2 Endagembogut 8:20

Aap Yekoram nogo Yekura inowe endagembogut logonet, wone lengganogo yorage kagak, aakumi Erom mendek nogo nen, “It Yekura mendek nen wone lengganogo yo'nirogo logorak nineebi o,” yinuk, mi'nogo nogogwaarik, inowe endagembogut alik mippako mbareegwa,

Wundeegwaarak 15:15

Aap yo'nggok Mowap mendek inaganak nugirage, It Kanan mendek nogo iniki abu lek age, Eerugun o.

Yeremiya 49:7

O Erom eeppuurak wone nogo yi aret. At Omaawi Lombok Menggerak Aliku ALA nen ari logonet, “O Erom time iniki warak wonogogwaarak nogo yogondak ambi wonogwe ilik lek a? It aap iniki warak nen wone abe koonogo yorogo menggaarak nogo, ineebe abu lek aret ya? Ndi, iniki warak nen wone koonogo yorogwe nogo iniki apit agaarak ya?

Obaya 1:1

Aap Obaya nen abinggaanggo kagagerak nogo yi aret. Aliku Itok Menggerak ALA nen o Erom eeppuurak yereegerak nogo yi aret. Aliku ALA nen wone yegerak ninaruk konenggoorak nogo ti, Aap ambi nen, “Nit mi'nogo logomonggoorik, o Erom mendek ninom wim eeri nawok o,” yinuk, Yi aakumi ndi aakumi yoranet nawak nduk, nappegerak ti aret.

Pelaareegerak 23:7

Ndi, aakumi Erom mendek ti, kit kinoreewi aret me, Inogole o, yinuk, kineebi inombakwi, ndi, aakumi Metit mendek ti, it inanggween paga kit aap nggiru negen wonogogutak me, it kunduk, Inogole o, yinuk, kineebi inombakwi, eeriyak ti mage o.