Wakkagagerak 25:26 - Ala Wone Peenok Peebi Mbanak

²⁶ Ndi, at peebi nda'nagagerak nogo, nda'nanok wangge logonet, at Etawu iyok unggut eenggi omaawi pugu aret nda'nagagerak paga endage Yakup aret tooneegwaarak. At Itak nogo ndarak kagak, tahun 60 eereegerak paga at apuri ti nda'nogogwaarak.

Wakkagagerak 25:26 ပူးပေါင်းရင်းမြစ်များ

Wakkagagerak 21:5

At Abarakam nogo ndarak kagak tahun 100 eeppunuk aret aput Itak nogo ndareegerak.

Wakkagagerak 25:20

At Itak nogo ndarak kagak tahun 40 age nagagerik, aap Aram awi Paran-Aram mendek endage Mbetuwen apuluk Laban awuluk kwe Iribaka nogo aret waganeegerak.

Wakkagagerak 27:36

Yoge mbareegi, at Etawu nen, “At endage Yakup ti, mondok obam paga aret toonak kagi o. Ne mbere paga nambokan lagangge nagagerik, manggu ndarak wogorogo menggaarak nogo an wo'niriyak kwe, wonok wungge, ndi, yogondak kunduk, kawone kili'niriyak nogo at aret ko'nok nage, eekerak me, wone aligilogwe ambi wonage kero, kili'niru o, nogoba.”

Wakkagagerak 35:28

Ka wagagerak wonage kagak, at Itak nogo ndarak kagak, tahun seratus delapan puluh eeppunuk,

1 Mbinineegwaarak 1:34

At Abarakam nen aput Itak ndareegerak. At Itak nen apuri aap Etawu Iterali imbirak ndaganabeegerak.

Oteya 12:3

At Yakup nogo agalo inikime nen nda'nage logonet, oreeluk iyok unggut eenggi pugu aret nda'nage, At eebe nggwok age nagagerik, Ala imbirak wuk eekkolage, Eereegerak nogo o.

Oteya 12:4

At malayikat imbirak wuk eekkolage logonet, at Yakup aret omaawi tiyak ari, Le ari logonet, “Nabuwa mba'nuk, obeelom eeppanu o,” yinuk, yoge, O Mbeten paga abuk a'nuk, time nen imbirak wone mbangge, Eereegerak o.

Maleyaki 1:2

Aliku ALA nen ari logonet, “An nen it Iterali niniki kunik eeginake neegak kwe, it nen yogo logonet, Nonggoti agago iniki kunik ee'ninake me yo'nirage agaarik o? yinuk, kin wo'neegwi iigi,” yegerak o. “At Etawu ti, Yakup oweeluk nogo lek a? Oweeluk aret kwe, an nen at Yakup niniki kunik eeke,

Linggineegwaarak 20:14

Ti'nuk, at Muta nogo o Kareti logonet, aap Erom inowe endagembogut wone yori nawak nduk nappiige mbareegi, nogo nogogwaarik, at yogo logonet, “Kat koreewi Iterali mendek nen wone eerogo nappinani wagaarak nogo yokkiruwi o. Nit aaninggin-paaninggin ninoba arit wage nogo kat ninogoba muk keenu aret o.

Nappiigak 7:8

Yoge nagagerik, Abarakam Ala imbirak wone abuk nggaruk togon mbaneegwaarak nogo aberak logowak nduk, inagabolo mbanggo logorak wone nogo yoreegerak. Yoreegerak paga Itak aret nda'nage mbareegi, nogo 7 yippunuk, ko'lu agabolo mbaneegerak. Ti'nuk, peebi Itak nen Yakup ndake, ndi, at Yakup nen nit ninombomini 12 nogo ndaganake, eereegwaarak.

Pelaareegerak 23:8

Inapuri ndarak inom, inombowologwe inom, kit Aliku ALA apuri kuwak eekwi me time kinom kuwak eeko logorak lek kwe, it inombowologwe inapuri kenok perak, kinom kuwak eeko logorak op aret o,” yoragagerak.

Yotuwa 24:4

Ndi, Itak nogo paga nen apurilogwe Yakup Etawu imbirak wogoreegirak. Wogoge nagagirik, Etawu nogo anggween puut nggelok-nggobok Teyit time wogoge mbareegi, wonage kagak, Yakup apurilogwe inom o Metit nogogwaarak.