Wakkagagerak 25:21 - Ala Wone Peenok Peebi Mbanak

²¹ Wagangge nagagerik, akwe Iribaka nogo aagaluk ndaka'lek mbareegi, at Itak nen akweeluk ake tamban eeke mbareegi, at Aliku ALA aruk konengge kagak, kwe Iribaka nogo aret abila agagerak.

Wakkagagerak 25:21 ပူးပေါင်းရင်းမြစ်များ

Wakkagagerak 11:30

Ndi, at kwe Tarayi nogo perak, aagaluk ndaka'lek wubili aret wonagagerak.

Wakkagagerak 30:22

Ndi, Ala nen Araken oba abeppege nagagerik, at Araken tamban eereegerak nogo Ala aruk konembunuk, “Araken yogondak elege ambi wogorikit,” mbareegerak.

1 Mbinineegwaarak 5:20

Eeko logonet, “Yeenggwa niret o,” yinuk, inoone nggwok paga Ala yogo mbareegwa, iniki Ala oba panggombunuk, tamban eereegwaarak nogo, at Ala nen aruk konembunuk, yeenggwaarage logonet, it Kagari mendek inom ogogwaarak nogo abok aret ineenggime piige mbareegi,

2 Mbinineegwaarak 33:13

tamban eeke logonet, Aliku ALA yoge mbareegi, Aliku Ala nen at abuwa warak nggo-nggo logonet yoge, nggino yoge, eeke nogo aruk konembunuk, “Abet aret yo'nege, kagi,” yinuk, iyokan o Yerutalem pi woraanuk, abu'me piinok wonagagim obaane'me unde logowak nduk, eeppereegerak. Ti eereegerak paga aap Manate nogo nen, “Aliku ti, Ala aret kagi o,” yinuk, yereegerak.

Etara 8:23

nit mbi nengga'lek ninambe mage negen logonet, ninogoba Ala mban nggino yoreegurak nogo aruk koneneegerak.

Ndawi 127:3

Nit ninapuri nogo ti, At Aliku ALA nen yate kwak wo'nirage, Ninagalomini inikime logombunuk ndaganakwi ti, Onggo lek we aret wo'nirage, Eeke menggerak o.

Ndawi 145:19

It aap at ayuk wuko menggaarak iniki mbakwi nogo Ndak-ndak aret eeppiige, Inoone nggwok paga, “Yeenggwa niret o,” yogwi iinok, At aruk konembunuk inagap ndake,

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 65:2

Nit tamban eekwi karuk konengge menggendak me, Yi aap ndi aap abok aret kowagam kuwak ari woraagun o.

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Kini Wuppiige 10:24

It aap maluk mendek nen, “Ninamineeri ne agan nage,” mbakwi nogo aret inoba age menggerak kwe, It aap iniki abe koonak nogo nen perak, uugwe mbakwi nogo aret kologo menggaarak o.

Yetaya 45:11

It inanebunu Iterali mendek eerogo piyareegerak at Kikak Nakeelik Alik Leenak inogoba Aliku ALA nen yegerak nogo yi aret. “An napuri peebi ngge eeppiige logorak nogo neegwa'me waganggwi, Peebi ti eeke logowak o, yinuk, wone lengganogo yo'nugwi, Eeriyak nduk Eeko agaarik ya?

Yetaya 58:9

Ti eeko logonet, Naliku ALA yo'nugwi iinok, an nen wone onggo yorage, Yeenggwa niret o, yo'nugwi iinok, an nen, An yime agarik o, yinuk, yorage, Eeke logogin o. Tapi eyo aaninggin inuut paga pogo mengga kwak it inoreewi aaninggin inoba piigwi, Inoreewi inenggali wappiigwi, Meek eerogo piigo logonet, inoone lok togon yorogwe, Eekwi ti, mbo punuk,

Yetaya 65:24

It awo nggino yo'nega'lek iigak, yo'niriyak mbakwi nogo onggo muk yorage, Ndi, awo tamban eekwi iigak, an muk aret naruk konengge, Eeke logogin o.

Lukat 1:13

at malayikat nogo nen, “Takariya wae. Kagabiti mbarugun o. Kat tamban eeke nagagindak nogo Ala muk aruk koneneegerak me, kakwe Elitabet nogo kapuluk ndakkirigin o. Ndakkege kenok, at endage Yaya aret toonenu o.

Lukat 1:7

Iniki abe koonak aret wonogogwaarak kwe, kwe Elitabet nogo, wubili aret wonagagerak me, elege abu ndaka'lek kagak imbirak kweegelo-aakelo aret ogogwaarak.

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.

1 Tamuwen 1:17

Yoge mbareegi, at Eli nen, “Ti kenok op aret o. Kat nen Iterali inogoba Ala nen wo'niruwak, mba'nuk, yogendak nogo, wokkirigin aret me, kiniki teeluk obeelom paga aret kame nak o.”

1 Tamuwen 1:2

Wonage logonet, at akuwi mbere wogonabeegerak me, kwe ambi endage Kana, ndi, ambi endage Penina aret wonogogwaarak. Wonogo logonet, at Penina nogo aagalogwe ndaganake nagagerak kwe, at Kana nogo perak, aagalogwe ndaganaka'lek aret wonagagerak.

1 Tamuwen 1:27

Aliku ALA nen an naagaluk wo'niriyak nduk nggino yoreegirak a'me lik togon wo'negerak nogo wulaga yi aret o.