Wakkagagerak 25:13 - Ala Wone Peenok Peebi Mbanak

¹³ At Itamayen apuri ndarak ndak-ndak aret inendage yi o. Itamayen apuluk manggu ndareegerak endage Nebayot. Ti'nuk ambo'me Kerat, Areben, Mibatam,

Wakkagagerak 25:13 ပူးပေါင်းရင်းမြစ်များ

Wakkagagerak 17:20

Ndi, at Itamayen nogo perak, kat eeriyak yagandak nogo ti, muk naruk konenggirak me, at togon an mbo pigin lek o. Nale'nggen at oba pege logonet, ombowologwe nggwok aret wiganogo piige, aap inendagembogut ineebe 12 aret ndaganake, at anebunu nggwok aret wiganogo pege, eerigin kwe,

Wakkagagerak 25:14

Mitiyama, Nduma, Mata,

Wakkagagerak 28:9

Itamayen wonage me nage nagagerik, Abarakam aput Itamayen apuluk endage Nebayot awuluk kolaga endage Makalat aret waganeegerak. At akuwi aa'nduk wogo iigak, peebi waganeegerak ti aret.

Wakkagagerak 36:3

ndi, aap Itamayen apuluk, Nebayot awuluk kwe endage Mbatamat wagangge, eereegerak.

Ndawi 120:5

An aap o Metek wonogo menggam nugwi kwak nege, It aap o Kerat inawooliyana inom mengga kwak wonage, Eeke me, nabuwa o!

Ndawi Iya 1:5

O Yerutalem aagalogwe komologwe yi wae. An ti, neebe mili aret kwe, kigirikwe aret agarik o. Aap Kerat mendek inawooliya wurik mili kwak, Aap Talomo awi yum pugagi ambe mbanak me tugunik menggi kwak, An togop aret wonage agarik o.

Yetaya 42:11

O karu inom, karume kota-kota wonogwe inom, inoone nggwok yogwe, Aakumi Kerat wonogo menggam o yaga'lili-yaga'lelo wonogwe nogo inale'nggen mbakwi, O kota Tela wonogwe nogo inale'nggen nen ndawi wakwi, Puut-puut kirin paga lagi nanuk, kuum-keek yogwe, Eeko logowak o.

Yetaya 60:7

Kambin-ndomba Kerat mendek abok aret wonok at wonage me kuwak eerogo pi wogwe, Naliku ALA nalut eeke logonet, nake wariyak mbakerak nogo ndomba ngguunok Nebayot mendek iri wogwe, Eeko logogun o. Eekwi iinok, warogo nake kani kunggo menggam nogo paga pege kenok, Naliku ALA nale'nggen mbake, Ndi, nawi wurik ayuk warak menggim nogo ambinom ayuk warak eerogo pege, Eerigin o.

Yeremiya 2:10

“Kugi alut eekwi ti, abe lek kagak eekwi kwe, Ndi, it aakumi inanebunu ambi nen inagugi alut eeko menggaarak mbo punuk, obaane'me aakumi alik ambi inagugi woppunuk alut eekwi lek kwe, Eekwi ambi wonogwe iyo, It nen niyo aa'nggi enebaga o Kitim wunda nanuk, aakumi time mendek yorogwe, It o Kerat mendek eekwi liippiyaawak nduk, inawuri nappiigwi, Eeruwak o. Togop eekwi iyaagun lek aret kwe, it an napuri perak, inogoba abu tiyanak minggirak an nogo mbo paninuk, Abe mendek lek kagak nobaane'me mippunuk, ayuk wuko agaarik o.

Yeremiya 49:28

O Kerat inom, it Katot mendek inoweewi inendagembogut inabu'me piigo menggam inom, aap Mbaben mendek inowe endagembogut Nebukanetat nen tebenogo piyareegerak wone nogo yi aret. At Aliku ALA nen nen ari logonet, “At nen pilak ari logonet, o Kerat oonda mbani unggwage, It o oonegen lagi wage menggim pa'nggwe wonogwe nogo, lek eerogo piige, Eeruwak o.

Yetikiyen 27:21

It Arap mendek inom, aap inoweewi nagawan-nagawan o Kerat mendek abok aret inom, nen amendek kunggolagak a'nuk, inom onggo-onggo eeko logonet, ndomba aagalogwe inom, ndomba ngguunok inom, kambin ngguunok inom, ti paga amendek kunggola wogwe,

Owak Loongga 8:24

ambinom yorage logonet, “Togop aret kwe, an ambi nggino yokkira o. Kit nen wim eeko logonet, inaruk ayo inagugun mbuti emas waganggotak nogo kinalitak ambitak mban wo'ninip o,” yoragagerak. It Miriyan mendek nogo ti, aakumi Itamayen mendek me, inaruk ayo mbuti emas paga ogobakkigirik yiriko nogogwaarak me, yoragagerak.