Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Wakkagagerak 24:7 - Ala Wone Peenok Peebi Mbanak

7 At an nawi alom paga nowe-nawot inenggela'me nen wo'niren o yime pani wage nagagerik, yo'nege logonet, Kat ndaganabemenggendak nogo nggween yi wogoraagin o, yinuk, abuk nggaruk togon yo'nereegerak me at Aliku Mbogut Unde Menggerak Ala nen an napuluk akwe time kwaarenok nduk, nage keegak, Ala yonggo malayikat ambi aa'nduk koonogo pege a nawak nduk, nappigin o.

အခန်းကိုကြည့်ပါ။ ကော်ပီ




Wakkagagerak 24:7
39 ပူးပေါင်းရင်းမြစ်များ  

Yoge nagagerik, “O yi taganak kat kenegen kagandak ti, abok aret kat inom, kat kapuri ndaganabemenggendak inom, unde eeppunuk, mondok-mondok logobagip nduk wokkiraagin o.”


Ne ti eyom paga at Aliku ALA nen Abaram yoge logonet, “Nggween yi abok aret niyo Metit kuli nen, nok-nok niyo nggwok Eparat kuli ti, kat kapuri ndaganabemenggendak nogo wogoragi o.


Kole mbaganit niyo eneeri wungge menggim o Tut nogo menggam tu paga karume time ari wagagerak wonage me, at Aliku ALA ayonggo malayikat ka wage nagagerik,


Kat aap nggiru negen menggenom o Kanan nggwok yi abok aret, kat inom, kombowologwe wigannaremenggaarak nogo inom, mondok-mondok unde logomunggup nduk wokkiraagin o. Ndi, kombowologwe wigannaremenggaarak nogo inogoba Ala an mondok aret logogin o.”


At wulaga Itamayen oone ari nogo Ala nen aruk konengge nagagerik, yonggo nappiya wage menggerak malayikat ambi agi mbogut paga nen kwe Agat nogo yoge logonet, “Kwe Agat yi wae. Kat nano paga kiniki piirik agandik o? Kat kaagaluk punuk waganom oone ari nogo, muk Ala aruk konenggerak me, kagabiti mbarugun o.


at Aliku ALA yonggo malayikat mbogut paga nen oone ari logonet, “Abarakam wae. Abarakam wae,” Yoge mbareegi, at Abarakam nen, “Yu o, nogoba,”


Yoge mbaki, An naput akwe wogoriyak nogoba owe-awot mendek inapurilogwe kenok ambi kwaari nanok nduk, at oone ari liippunuk eeke minggirak Aliku ALA nogo nen ayonggo nappiige menggerak malayikat ambi nappiya woramenggerak karum kagak, namenggendak me, wone yogoorak yi ndak-ndak aret eeke kaamunggun o.


Nage nagagerik, oonikiya nogo yege me, at Aliku ALA at owagam wage nagagerik, yoge logonet, “Kat kogoba Abarakam ogoba Ala an aret o. An mondok-mondok karum wonage, ndi, nale'nggen koba pagage logonet, nayeloman Abarakam wone abuk nggaruk togon yoreegirak nogo ndak-ndak kat kapuri-kombowologwe ambik aret wiganogo piige, eerigin me, kagabiti mbarugun o.”


“Kit Peritiya mendek an kinowe nendagembogut nen wone ambi yokkira o. At mbogut paga menggerak Aliku ALA nogo nen yi aakumi ndi aakumi inabu'me piigo menggam o nggween paga yime abok aret unde eeppanege, ndi, o Yekura kota Yerutalem time at ake awi wurikit nduk, mippanege, eereegerak me,


Kit wakaa'ngget Ala wone ari kinaruk konok eeka malayikat yi wae. At Aliku ALA tiyappugwi,


At mbogut paga lombok menggerak Ala nogo “Wa,” yogo logonip o. & Ninabuwa mbake ti, itok kunik wonage o.


Aliku ALA nen ari logonet, “An wone mamunggake, tu noorak titikkege, Wone karuk wake, nenegen wokkake, Eeke logogin o,” Yinuk, yegerak me,


It Aliku ALA inagabiti mbako menggaarak ti, Aliku ALA ayonggo malayikat nen Awooliya yendok-wandok wuppiinok, inarum wonage, It inagap ndake, Eeke menggerak o.


Tu abe paga naakit nduk, naruk wake, Eeke logomenggendik, Kat tiyanak menggenom nimbirak logokit nduk, wo'nabumunggun.


Wundi nogwe me, at Aliku ALA nen wokkiren it aakumi Kanan mendek inom, Ket mendek inom, Amori mendek inom, Kewi mendek inom, Yebut mendek inom, wonogo menggam yilak amburu inom, nggiin amburu inom, niyo eneeri negen kila-kila wungge menggim kinombomini wogoraagin o, yinuk, kumbuk mbanogo yoragagim nogome pinagi namenggerak wonogo logonet, tut yi peneni wage kenok, laago yi, lariyak abeko logonet,


It kayeloman mini Abarakam inom, Itak inom, Yakup inom, kat kendage kumbatinuk, yorage logonet, Kinombowologwe laaluguragan mbogut paga ambik wonage ti kwak wokkirage, ndi, nggween ti nogo kinombowologwe mondok-mondok unde eeppunuk, logowak nduk, wogorage, eerigin o, yinuk, wone abuk nggaruk togon yoragagindak nogo aberu o.”


Nogwe kiigak, malayikat nen aa'nduk a'nuk, it aakumi o Kanan mendek inom, Amori mendek inom, Ket mendek inom, Perit mendek inom, Kewi mendek inom, Yebut mendek inom, mugogo nappiinet nawak nduk, nayonggo ambi nappi woraagin o.


Aaninggin-paaninggin it inoba agagerak nogo at kunduk ndak-ndak kage, It ambi nen lek at alik nen aret inagap ndake, Iniki kunik aganake logonet, inabuwa nen wondet eerogo piige, Kwe aagaluk woppunuk ogome wonok nage menggi kwak at nen maan aa'nduk ndegeniret wagagi kwak ndegeniret nage, Eereegerak kwe,


It aap inendagembogut a'nuk wone lengganogo yorogwe ti eyom paga at mbogut unde menggerak Ala nen aap ambi aakumi abu'me piinok logowak nduk mondok-mondok omaawi lombok eerogo pigin me, aakumi nen lek eerogo pugwi, aakumi inambik nen unde eekkologwe, eerugun lek o. At abu'me piinok logowam mippemenggerak nogo nen it aakumi eegu inabu'me piinok menggam abok aret tebenogo piige, lek eerogo piige, eerigin kwe, at abu'me piinok logowam mippemenggerak ti perak, mondok aret logogin o.


Yogo mbareegwa, it yorage logonet, “An aap Iberani mendek aret me, niyo nggwok yenggenak laut inom, nggween inom, wakkagagerak mbogut unde menggerak Aliku Ala ayuk wuke minggirak an aret o,” yinuk, yoragagerak.


It aakumi yi, an ninikime nen logongge, an nen aret ndaganake, eekirak mbaken? It aakumi yi, kat nen nombomini inanggween, Wokkiraagin o, yinuk, wone abuk nggaruk togon yoragagim nogome, elege ngget ndarak inaani yaruguren nugu mengga kwak, Wogoren nak o, yinuk, nonggop nduk yo'negendak?


At Aliku ALA nen, It Iterali yi, o Kanan wokkiraagin o, yinuk, kumbuk mbanogo yoragagim nogome piya naakit nduk wogoren wundi nage mbakoorak kwe, o karume yime aret inoorogo piigerak yi, Ala omaawi lek obambok aret kogo o, yinuk, yugun o.


Kit logowam o Kanan wokkiraagin o, yinuk, neenggi nippege logonet, kumbuk mbaneegim nogome inigen ka nagun mondok lek o. Ata, Yepune aput Kalep inom, Nun aput Yotuwa inom, it mban unde eekkolaagun o.


Nappi wagagerak wonage me, at Ala nen Abarakam unde logowak nduk nggween ambi mbanege, we mbuuriluk mbanak ambi kolaawak nduk wogoge, eerulik aret kwe, at apurilogwe abu lek iigak, yoge logonet, Nggween yi, kat inom, kat paga wiganak inom, unde logomunggup o, yinuk, wone abuk nggaruk togon yoreegerak.


Nggween kamonggotak nogo abok aret Naliku an ALA nen kinombomini Abarakam inom, Itak inom, Yakup inom, inapuri-inombowologwe ndaganabit namenggaarak inom, Wokkiraagin o, yinuk, wone kumbuk mbanogo yoragagirak nogo, kit muk wokkiragagirak me, time aret unggwi nogo logomonggotik, unde arumunggup, yo'niragagerak nogo o,” yinuk, Iterali yoragagerak.


Eeke nagagerik, at Aliku ALA nen Muta yoge logonet, “O kenegen nakkagandak ti, an nen Abarakam, Itak, Yakup, yorage logonet, Kinapuri-kinombowologwe o ambi wogorage logogin o, yinuk, abuk nggaruk togon kumbuk mbanogo yoragagirak nogo ti aret me, kat kenegen kaanok nduk, nikkeegirak kwe, kat perak, o time unggwi namunggun lek o,” yoreegerak.


Ndi, it malayikat ti nonggop negen menggaarak mbakop? Lek o. It nogo aakumi inogoma ninigen iiga'lek nogo pogom logonet, Ala ake eeko menggaarak me, Ala nen aakumi inagap ndaruwak nduk, leenogo piyareegerak nogo, yeenggwaaraawak nduk, yonggo nappiige menggerak it aret o.


“O wokkirigin o,” yoreegim nogome aret nagagerak logonet kwe, “O yi ti lek o. Ala nen o kota alik ambi mondok logorak mendek ogobakkigirikit koombunuk, ogobakkigiremenggerak nogome, an aret unde eeppanigin o,” yinuk, abet mba'nuk, tokkage logonet, Itak Yakup imbirak inom ineyate kwak kolaawak nduk, yoragagerak me, it inom aap nggiru kwak ooliya wuppunuk, ya nogo yegak nda nogo yegak eerit nugu nogogwaarak.


Kinombomini nggween wogoroorak wone abuk nggaruk togon kumbuk mbanogo yoragagirak nogome aret ineyate kwak unde a'nuk logowak nduk, kat nen aakumi Iterali yi, wogoren wunda namunggun me, kat kogogumbuk kiniki mondok nu'lek eeppatinuk, logot o.


Eerit nogwe iigak, an nen kinogoba Abarakam nogo niyo Eparat enebagan time nen wagangge nagagirik, o Kanan yime wonok nege logonet, ombowologwe ambik wigak yuwak nduk, Itak aret wogoreegirak.


Awo pi wogonakwi iigak, mi nggwok nuk-nuk eeke kagak, o kota time aakumi inawi ambik wurik nogo ando teppege, ando sepersepuluh langgu-langgu nage, eeke logonet, aakumi apit ineebe tujuh ribu aret aambeleninake mbaki, it ando teppiigerak nogo inagabiti nen at mbogut paga menggerak Ala nogo mondok tiyappugwi iigirak.


At Aliku ALA ayonggo malayikat nogo o Nggilagan nen o Mbokim wage nagagerik, Iterali mendek nogo yorage logonet, “An o Metit nen wokkiren kinombomini wone kumbuk mbanogo yoragagim yime pinagi wage nagagirik, yokkirage logonet, Kit an ninom wone abuk nggaruk togon koonogo pereegurak nogo an nen lek eerogo pigin lek o. Ata, mondok-mondok aberak aret logogin o, yinuk, yokkirage nagagirik,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ