Wakkagagerak 24:63 - Ala Wone Peenok Peebi Mbanak

⁶³ kiyoma-kiyoma at awooliyana nen wungge nagagerik, eyabume time wone iniki koonit nege logonet, enegen tiya ari nagagerik, unta wogwe nagiyareegerak.

Wakkagagerak 24:63 ပူးပေါင်းရင်းမြစ်များ

Wakkagagerak 18:2

Nikka wage mbareegi, Abarakam uut pilarogon enegen pe'nage nagagerik, aap ineebe kenagan at owagam taati mi'ndak wonogwe iyareegerak. Iige nagagerik, awooliya tungga'nggi paga nen nggare agan inowagam iya nage nagagerik, inabu'me nggween paga enete wanduk wangge logonet keyage waganabeegerak.

Wakkagagerak 24:64

Ndi, at Iribaka nogo togon unta amborowak paga kwi'ndak wage logonet, Itak enegen kage nagagerik, agi unta amborowak paga nen nggween paga wangge nagagerik,

Ndawi 1:2

At aap ti nen Aliku ALA wone yugu nogo inikilom mbake, Ala wone ko'lu-kii'me inikime koonit nage, Eeke menggerak o.

Ndawi 104:34

Kaliku ALA nen eeppanege paga nale'nggen mbake logonet, niniki koonit nage nogo, Kat kinikilom nombariyak, “Ao,” mbake kwe,

Ndawi 119:15

Eeko logorak koone yugu nogo an aberit nage, Eerit nogo logorak mbake menggendak an liippit nage,

Ndawi 119:27

Eeko logorak wone mamunnake menggendak nogo Alom liippikit nduk, eeppanege keenok, Kat iya tit eeke menggendak nogo Ninikime mbininit nage logogin o.

Ndawi 119:48

Koone, “Yogop ee'nu ndogop ee'nu,” yugu nogo Niniki kunik minggirak me, Ayuk wuke logonet, neenggi nippege, Koone lengganak nogo ninikime mbininit nage, Eeke minggirak o.

Ndawi 145:5

Kat tiyanak kobaanggi-kobaangge li'luk eerak keenok, Aakumi nen, “Wi,” yogwe nogo yorogwe, Eekwi iigak, Eerubok mendek eeke menggendak nogo ninikime koonit nage,

Yotuwa 1:8

Eeko logorak wone yugu mbuku paga liiru mbanak yi, kat nen aakumi yoroorak ti, Neebi o, yinuk, mbo pugun o. Ata, mbuku yi paga yi wone ndi wone liiru mbanak wonage abok aret kat mondok ndak-ndak liirogon aret eerit nage logonok nduk, liingge-kiyoma mondok aberit nage logot o. Ti eeke keenok, yi mendek ndi mendek eerit namenggendak nogo a'me nggelok arit nage kagak, ambi kolage logomunggun o.