Wakkagagerak 24:50 - Ala Wone Peenok Peebi Mbanak

⁵⁰ Yorage mbareegi, it Laban Mbetuwen imbirak nen yogo logonet, “Wone arit wagaarak yi abok aret ti, at Aliku ALA nen mban koonit wagaarak me, nit nen wone maluk-obeelom ambi kat yokkirugun mondok lek o.

Wakkagagerak 24:50 ပူးပေါင်းရင်းမြစ်များ

Wakkagagerak 24:15

Tamban awo eeke me, kolaga tawe abu iya kigirikwe aap awo kigin waka'lek Abarakam awot Nakot akwe Milaka aagaluk aap Mbetuwen apuluk kolaga endage Iribaka nogo, niyoowak uum paga piyaninuk niyo tooko menggam wambi nage nagagerik, niyo too'nuk ame naakit nduk lagi wage me,

Wakkagagerak 24:28

Eeke mbareegi, at kolaga nogo nggare agan imbirak eereegwaarak wone nogo agalo iriwi inom oome wonogwe me mbininogo yora nagagerak.

Wakkagagerak 24:51

At Aliku ALA nen yegerak ndak-ndak kolaga Iribaka yi, kogoba aput nen waawak nduk, kimbirak aret namunggun o,” yinuk, yoreegwaarak.

Wakkagagerak 24:53

Alut eeke nagagerik, at ayeloman nen mbogoyum abe mendek inom, obaanggi-obaangge eekkolagak mbuti perak-emas paga ogobakkigirik nogo inom, abok aret kilirogo kolaga nogo wogoreegerak. Wogoge nagagerik, yi mendek ndi mendek onggo nggwok mendek kolaga oweeluk inom, agalo inom, wogoragagerak.

Wakkagagerak 24:55

Yoragagerak kwe, kolaga Iribaka oweeluk agalo imbirak nen yogo logonet, “Lek o. Kolaga yi ti, ninom logomonggoorik, tamban ambi eeppunuk nen perak noorak op aret o.”

Wakkagagerak 24:60

at kolaga iriwi nogo nen inale'nggen oba pogo logonet, “Niriluk o. Kat keebe ambit nen aret kwe, Yi aakumi ndi aakumi apit aret kat paga nen wigannarit wundi nogo logogun o. Kat kaagalogwe ndaganabemenggendak wiganak nen, Yi aakumi ndi aakumi inom ogoorak menggaarak inabu'me tebenogo piinok inawi time aret logogun o.”

Wakkagagerak 31:24

Panggo yi woraanuk, oonikiya nogo yugwi me, Ala nen aap Aram mendek Laban nogo abi paga yoge logonet, “Kat Yakup kimbirak lambumbunuk, agabiti mbaruwak nduk koone maluk ambiriluk ambi yoge keyo liippu o.”

Wakkagagerak 31:29

An nomaawi ambik aret me, mondok maluk eerogo pagakit nduk aret wagarak kwe, kii'me oonikiya nogo yege me, kogoba Itak ogoba Ala nen nabi paga yo'nege logonet, Kat Yakup kimbirak lambumbunuk, agabiti mbariyak nduk koone maluk ambiriluk ambi yoge keyo liippu o, yo'negerak paga we teppagagi o.

2 Tamuwen 13:22

Ndi, at Abatalom perak, awuluk Tamat at Amonon nen maluk eeppereegerak paga, “Maluk eekendak, obeelom eekendak,” wone ambi Amonon yoga'lek we anini mban mbake nagagerak.

1 Endagembogut 12:15

It aakumi nen aap endagembogut wone yogwi liippega'lek wonagagerak nogo ti, Aliku ALA nen eerit nogwe nogo, ena koonogo pege logonet, aap Tilo mendek Akiya yoge mbareegi, aap Nebat aput Yerobeyam yoreegerak nogo, a'me nggelok yuwak nduk, wone ti, liippega'lek aret wonagagerak.

1 Endagembogut 12:24

At Aliku ALA nen ari logonet, Aakumi Iterali ando ti, it mendek aret me, inom wim namburi noorak abu mage o. Wone yi agaarak nogo ti, an nen aret eerogo piigirak me, inalitak lombok iname nawak, yegerak, yora nak o,” yinuk, yoreegerak nogo yora nage mbareegi, konembunuk, Aliku ALA nen wone lengganogo yoragagerak ndak-ndak aret iname nogogwaarak.

Ndawi 118:23

Ti agagerak nogo ti, At Aliku ALA nen aret eereegerak me, Mondok iya lombok eereegerak kogo nogoorik, pi wako ogoorik o.

Matiyut 21:42

Yogo mbareegwa, Yetut nen, “It yugum paga o wuka nen O wuko logonet, yugum ambi mbo pereegwaarak nogo, Yugum ogowa ndoonnaga o. At ninogoba nen aret eereegerak me, Mondok iya lombok eereegerak kogo nogoorik, Pi wako ogoorik o, yinuk, yereegerak liiru mbanak nogo kit pekkaga'lek ogotik ya?

Marakut 12:11

At ninogoba nen eereegerak me, Mondok iya lombok eereegerak, kogo nogoorik, Pi wako ogoorik o, yinuk, Ala yereegerak liiru mbanak nogo kit pekkaga'lek ogotik ya?” yinuk, yoragagerak.

Nappiigak 11:17

Togop me, niniki ninogoba Yetut Keritut oba panggombunuk abet mbako mbareegu, Aberiniki we aret wo'niragagi kwak, it nogo wogoragaarak me, Ala nen eeriyak koonggerak nogo, an nonggop togon non mbanogo puurak mbakop? Meek me, puk agarak o,” yinuk, Peterut nen inagabolo mbanak mendek yoragagerak.