Wakkagagerak 24:42 - Ala Wone Peenok Peebi Mbanak

⁴² Wage nagarik, yogondak an niyo tooko menggam taati ari wa'nuk, tamban eeke logonet, Kaliku nogoba Abarakam ogoba Ala wa. An eerikit nduk, wagarak nogo, ndak-ndak eeppaniyak mbakendak kenok, ti aret eeppanu o, nogoba.

Wakkagagerak 24:42 ပူးပေါင်းရင်းမြစ်များ

Wakkagagerak 24:11

Nage nagagerik, o kiip age kagak, o tini endekem nggwe niyo tooko menggaarak nggween kabunik me, taati unta nogo iniyok yunggumbunuk, pogonik logowak nduk, piyareegerak. Ti eereegerak nogo ti, o kiyoma it komologwe niyo tooli wogo menggam eyom nogo paga aret eereegerak.

Wakkagagerak 24:27

Alut eeke logonet, “An nogoba Abarakam ogoba Ala wa! Kat nogoba Abarakam abuwa mbake logonet, iniki mbakerak nogo ndak-ndak aret lik togon eeke keegi o,” ari nagagerik, “An kunduk, Kaliku ALA nen aret nogoba owe-awot wonogwe me a'me lik togon wo'neren wagandak o,” yinuk, tamban eereegerak.

Wakkagagerak 24:31

Ka nage nagagerik, “At Aliku ALA nen abet aret ale'nggen koba pagage logonet, koonogo pagagerak me, kat nonggop nduk endekem ya'i mi'ndak agandik o? Kat inom, kaanggumi inom, nogo yuwam abok aret name punogo pagagarak me, nimbirak nawok o.”

Wakkagagerak 39:3

At Yutup nogo Aliku ALA imbirak wonage, ndi, Aliku ALA imbirak logonet, yi yabu ndi yabu eeke ti, op mban eerit nage, eeke nogo Potipat nen enegen kage nagagerik,

Etara 8:21

Wogo mbareegwa, niyo Akawa mbininik aa'nggi paga time logonet, ninogoba Ala enggaanom paga niniki tebeppatinuk, nit inom, ninapuri inom, ninamindik-ninamendek inom, abok aret at Ala nen, Tu obeelom ndegenniren woraawak nduk, mbi nengga'lek ninambe mage negen logonet, Ala nggino yoruwok o, yinuk, yoragagirak.

Nekemiya 1:11

nogoba wae. An kayeloman tamban eeke yi inom, it kayeloman mini iniki nen kayuk wuko logonet, tamban eekwi ti inom, karuk liirogon konenu o. Ndi, konengge logomenggendik, o yogondak aret an aap ti, yori unggwage neegak, E o, yuwak nduk, an kayeloman yi, nabuwa mbaru o,” yinuk, tamban eereegirak. An ti, aap endagembogut ake agi toolak wonok nega aret wonagagirak.

Ndawi 37:5

Kit eeriyak koonggwi nogo Abok aret waganogo Aliku ALA wogogwi, Kiniki at paga panggombunuk wonogwe, Eekwi kiinok, At nen eeppinagage kaamunggup o.

Ndawi 90:17

Ninogoba Ala o. Kale'nggen ninoba pinanege, Nineenggi paga eerit nugwi nogo omaawi eerogo pege, Nineenggi paga eerit nugwi nogo lek age kero, nu'lek eerogo pege, Eeke logot o.

Nappiigak 10:22

Yorage mbareegi, it nogo nen, “Lek o. Aap yigin unde inowe Koreneliyut nogo nen nappinani waga o. At nogo iniki abe koonak Ala agabiti mbaka kenok, it Yakuri mendek abok aret wogoppugwi me, Ala ake leenak malayikat ambi wage nagaarik, at Koreneliyut yoge logonet, Peterut nen wone yokkiri woraawak nduk, yonggo nappiyet o, yoge mbaki, yonggo nappinani wagaarak mukkeren wogo o,” yinuk,

Oroma 1:10

An pekkiya woroorak mbake minggirak me, Ala nen, “Yogondak aret pegiya nawak,” nomba'nuk, tu koonogo panuwak nduk, tamban mban eeke agarik o.

1 Tamuwen 9:6

Yoreegerak kwe, at ayeloman nen ari logonet, “Puk o, nogoba. Aap Ala wone liirogon eeka ambi o kota yime wonage me, at wone yegetak nogo abet mban age kenok, aakumi nen ayuk wuko menggaarak me, at nen, Time kwaarinabi nanip o, yinuk, yo'niraawak nduk, at aa'nduk pekka nawok o.”