Wakkagagerak 24:31 - Ala Wone Peenok Peebi Mbanak

³¹ Ka nage nagagerik, “At Aliku ALA nen abet aret ale'nggen koba pagage logonet, koonogo pagagerak me, kat nonggop nduk endekem ya'i mi'ndak agandik o? Kat inom, kaanggumi inom, nogo yuwam abok aret name punogo pagagarak me, nimbirak nawok o.”

Wakkagagerak 24:31 ပူးပေါင်းရင်းမြစ်များ

Wakkagagerak 18:3

Keyage waganake nagagerik, yorage logonet, “Nogobamini o. Kit ya'i ninom logonuk noorak op mbakwi kenok, an neegak, kit nok-nok noorak lek o.

Wakkagagerak 19:2

Keyage wappiige nagagerik, yorage logonet, “Nogobamini o. An kinayeloman name ninom unggunuk, kiniyok koorogo punuk, ninom nogo yogo logomonggoorik, ko'lu kuup kineenik a'nuk, noorak mbako'nom aret nabagip o.” Yorage mbareegi, it nen at yogo logonet, “Lek o. Nit oore'nggam endekem ya'i aret nogo yuwi o.”

Wakkagagerak 19:3

Yoreegwaarak kwe, at Lot nogo, oone nimi-nomoorak mban yorage mbareegi, ame inom unggwi nogo nogogwaarik, wonogo logonet, inabugo oroti piika'lek mendek we worarogo nunggugwaarak.

Wakkagagerak 29:13

At Laban nogo amboko Yakup wagaarak wone aruk konembege nagagerik, nggare agan owagam ka wagagerak. Ka wage nagagerik, agandin eyak mbangge logonet, keyage linggik-kambuk yogo nogogwaarik, wonok ame aret nagagerak. Ame nanuk, at Yakup nogo ame nen eerit wagagerak wone abok aret mbininogo yoreegerak.

Ndawi 115:15

Mbogut-nggween wakkagagerak Aliku ALA nen ale'nggen kinoba pinagage, Eeke logowak o.

Kini Wuppiige 17:8

Mage yugu kagak eeruwok nduk, wu wogorogwe nogo ti, Inili eeka aret mbakwi me, Wogorogwe iinok, eerit nugwi abok aret A'me mban arit nage menggerak.

Kini Wuppiige 18:16

Aap ambi nen aap nggwok ambi yori ungguurak uugwe mbake nogo, amendek wogoremenggerak paga tu mbininogo pege, Wogoremenggerak paga at nen wonok aap nggwok nogo owagam pi unggwage, Eeke menggerak.

Owak Loongga 17:2

At nen at agalo yoge logonet, “Nagalo o. Wu mbuti perak aaninggin 13, Aakumi nen waganggaarak o, yinuk, kugi pulunogo piige keegirak nogo ti, an aret waganggirak porogo wonage agarik o.” Yoge mbareegi, agalo nogo nen, “Naagaluk o. At Aliku ALA nen ale'nggen koba pagage logogin o.”

Urut 3:10

Yoge mbareegi, at yoge logonet, “Nayinggeloo. At Aliku ALA nen ale'nggen koba pagage logogin o. Kat nen aap tawe ineenggi warak inom, ineenggi lek inom, kwaarinabit noolik an aret neya wagandak me, aa'nduk neya wagandak nogo ti, nabuwa mbuuluk negen nombakendak kwe, o yogondak yi paga perak, nabuwa nggwok lombok nomba'nuk, wagandak keegi o.