Wakkagagerak 24:27 - Ala Wone Peenok Peebi Mbanak

²⁷ Alut eeke logonet, “An nogoba Abarakam ogoba Ala wa! Kat nogoba Abarakam abuwa mbake logonet, iniki mbakerak nogo ndak-ndak aret lik togon eeke keegi o,” ari nagagerik, “An kunduk, Kaliku ALA nen aret nogoba owe-awot wonogwe me a'me lik togon wo'neren wagandak o,” yinuk, tamban eereegerak.

Wakkagagerak 24:27 ပူးပေါင်းရင်းမြစ်များ

Wakkagagerak 13:8

Togop aret wone wako mbareegwa, at Abaram nen wone koonogo Lot yoge logonet, “Nit nimbirak ambit aret me, kat an nimbirak inom, kat kawuri an nawuri inom, ndugwi puurak ti, mondok meek aret me,

Wakkagagerak 14:20

Ndi, “Agi Tiyanak Lombok Menggerak Ala nen it aap kinom wim mbanak nogo inoorenok nduk yeenggwa kegerak me, at Ala, Wa, yoruwok o,” yinuk, yoge mbareegi, at Abaram nen yi mendek ndi mendek kugun wonok nogogwaarak waganeegerak nogo eenggi linggimbunuk, 10 age mbareegi, ambitak yendenogo at Melikiterek aret wogoreegerak.

Wakkagagerak 24:12

Ti eeke nagagerik, at Abarakam ayeloman nogo nen tamban eeke logonet, “Kaliku nogoba Abarakam ogoba Ala wae. An eerikit nduk, wagarak nogo nogoba Abarakam abuwa mbake logonet, yogondak aret a'me nggelok yuwak nduk, koonogo panu o.

Wakkagagerak 24:21

Nunggwi iigak, at Abarakam ayeloman nogo nen, “An eerikit nduk wagarak nogo at Aliku ALA nen abet aret koonogo panigi ilik, lek a?” yinuk, oone yaga'lek kolaga eerit nage nogo mban maloppege nagagerak.

Wakkagagerak 24:42

Wage nagarik, yogondak an niyo tooko menggam taati ari wa'nuk, tamban eeke logonet, Kaliku nogoba Abarakam ogoba Ala wa. An eerikit nduk, wagarak nogo, ndak-ndak eeppaniyak mbakendak kenok, ti aret eeppanu o, nogoba.

Wakkagagerak 24:48

nendobanggun yindumbunuk, at Aliku ALA alut eeke logonet, Kaliku ALA nen nogoba awuluk apuluk kolaga yi, an nogoba aput akwe wogoriyak nduk, owe-awot wonogwe me mondok lik togon pani wagandak me, Kaliku nogoba Abarakam ogoba Ala wa, yinuk, keyage wakirak o.”

Wakkagagerak 32:10

Ari nagagerik, “An aa'nduk tu yi paga niyo Yoraran ene paga wundage logonet ti, we waanggun ambit mban neenggime aret wundagagirak kwe, yogondak perak, nineebe mbere aago wogwe me, nogoba kat kayeloman an nogo nobaabut maluk tit neegak kwe, kat nabuwa nen yo'nege nogo liippaninuk obeelom eeppanege menggendak o.

Wakkagagerak 32:11

Kat nen an yo'nege logonet, An obeelom eeppagage, kat mendek wigannarugun nogo ti, mbini-kale'ngga niyo aa'nggi paga aakumi ineenggi lingginiyak meek nogo ndak-ndak wokkege, eerigin o, yo'nereegindak nogo kwe, an noweeluk Etawu awuri inom aago wage logomenggerik, an inom, nakuwi inaagalogwe inom, ninoori wage kero, nagabiti ee'nake me, at eenggime nen nagap ndarenok nduk, yokkigi o, nogoba,” yinuk, tamban eereegerak.

Wakkagagerak 9:26

Ari nagagerik, ambi ari logonet, “At Tem ogoba ti, Ala aret me, Aliku ALA endage alut eeke agarik kwe, At Kanan perak, ogobaluk Tem ayeloman aret logowak o.

2 Tamuwen 18:28

Ari kagak, at Akimaat nogo nen oone nggwok paga aap endagembogut yoge logonet, “Nogoba wa!” yinuk, at owagam wage nagagerik, endobanggun yindumbunuk, ena nggween paga wuragik logonet yoge, “Kat nowe kendagembogut kooriyak koonggaarak nogo, at Aliku kogoba Ala nen waganogo keenggime pagi wagaarak me, endage tiyappege logot o!”

Ndawi 68:19

Aaninggin-paaninggin ninoba age nogo, At ninagap ndaka ninogoba Ala nen ko'lu-kii'me wagangge menggerak me, Endage tiyappogo logowok o.

Ndawi 98:3

At apuri Iterali iniki kunik aganabit nage, Yoragaatak liirogon eeppiinet wundi wage, Eeke nagagerak nogo abeke logonet, Ninogoba Ala eegin tiyak yegerak nogo Yi aakumi ndi aakumi o irip-irip wonogwe Abok aret inigen kagaarak o.

Wundeegwaarak 18:10

Iniki ale'nggen mbake logonet, “At Aliku ALA nen at Pirawun awuri Metit mendek inom ineenggime nen inagap ndake, ndi, aakumi Iterali it Metit mendek inabu'me tebembiinok wonogogwaarak nogo wondet eerogo piige, eekerak me, Aliku ALA, Wa! yinuk, alut eeki o.

Wundeegwaarak 2:11

Ti'nuk, peebi nen at Muta nogo tawe age nagagerik, ne ambi paga it aap Metit mendek nen at oreewi yabu liirit-laarit eeruwak nduk yorogwe me nogome enegen pegiya nage nagagerik, aap Metit mendek ambi nen at oreewi Iberani mendek ambi wake kagagerak.

Wundeegwaarak 2:13

Ti'nuk, ko'lu at Muta nogo ambinom wundi nanuk, aap Iberani mendek ambi ore imbirak ndugwi pugwi iige nagagerik, Muta nen aap yawi pigaganeegerak alom nogo yoge logonet, “Kat nonggop nduk kore yawi wake agandik?”

Wundeegwaarak 34:6

peleppegak Muta enaame pa'nggwe ari nage logonet, “Naliku ALA an aret o. Naliku an Ala nen aakumi inabuwa mbake, niniki yanggonak paga inooka'lek teppiige, niniki aanaganggenggwi lek liippunuk koongge, niniki kunik eeginake logonet, yi obeelom ndi obeelom eeppiige, wone eeriyak yorage nogo ndak-ndak aret eeppiige, eeke logonet,

Kini Wuppiige 3:6

Ala nen eeriyak kombake nogo, “Eerikit o,” yinuk, yi eekak ndi eekak eerit nage keenok, At nen eeriyak abok aret karu koonogo pagage logogin o.

Kini Wuppiige 8:20

Abe koonak mban eerit nogo menggam ti paga an nage, A'me nggelok eeko menggam tu ti paga an nage, Eeke logonet,

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.

Lukat 1:68

“Nit aakumi Iterali ninogoba Ala nogo niya wage nagagerik, wondet agago pinaneegerak me, alut eeko logowok o.

Yaya 1:17

Ala nen wone lengganogo yoge kenok, Muta nen yo'niragagerak kwe, Ala iniki kunik nen eeppinanege, “Ala ndogop menggerak o,” yinuk, liirogon paganogo yo'nirage, eereegerak nogo ti, Yetut Keritut aret o.

Epetut 1:3

Ala wonage menggim mbogut paga mendek eeppinaniyak mbake menggerak nogo mendek abok aret, Keritut ninom kumbinaneegerak paga nen eeppinanege me, ninowe Yetut Keritut ogoba Ala mondok alut eeko logowok o.

1 Timotiyut 1:17

Ndi, yogondak, naput o. Yi o ndi o aakumi aa'nduk wonogogwaarak inom, yogondak wonogwe inom, peebi logorak inom, ninogoba endagembogut kanggeelik mondok itok eenik menggerak ninigen kogolik alik menggerak Ala nogo endage mondok-mondok tiyanak ayuk warak logogin o. Amin!

Urut 4:14

Ndake mbareegi, it kumi nen Nawomi yogo logonet, “Aliku ALA nen mbo pagulik aap ambi kawone koonogo keenggelo kimbirak kineebe-kinanggween onggo mbaniyak nduk, koonggerak paga kowooluk ndakerak me, o yogondak Aliku ALA endage tiyappuwok o. Aakumi Iterali inenggela'me nen wulaga ti, endage nggwok aret logowak o.

1 Tamuwen 25:32

Yoge mbareegi, Ndawut nen kwe Abigayin nogo yoge logonet, “O yogondak yi paga at Aliku aakumi Iterali inogoba Ala nen kat nimbirak lambuniyak nduk, nappagi wagaarak me, Aliku ALA wa, yogi o.

1 Tamuwen 25:39

At Naban kambeegerak nogo Ndawut aruk konengge nagagerik, ari logonet, “At Naban nen miyuk-meya eerogo panege mbaki, warikit nduk, eeke neegak, Aliku ALA nen pi'nake nagaarik, naana'le mbangge logonet, at maluk eeppanegerak nogo onggo iniki nen aret wakkolaawak nduk, eeppegerak me, at Aliku ALA endage tiyappege agarik o,” yereegerak. Ari nagagerik, at Ndawut nogo nen kwe Abigayin kolaakit nduk ayeloman mini yonggo nappiyareegerak.