Wakkagagerak 24:23 - Ala Wone Peenok Peebi Mbanak

²³ eeke nagagerik, at ayeloman nen kolaga nogo yoge logonet, “Kat kogoba ta o? Nit ninom nogo yuurak kogoba ame time tenak ambi wonage ilik, lek a? yo'niru o,” yinuk, kin waganeegerak.

Wakkagagerak 24:23 ပူးပေါင်းရင်းမြစ်များ

Wakkagagerak 24:22

Ndi, unta niyo wogoragagerak nogo abu aret nonggo mbareegwa, at Abarakam ayeloman nogo nen mbuti emas paga ogobakkigirik aaninggin mbuuluk we 5 gram negen kwe, onggo nggwok nogo mendek at kolaga nogo ogobak unggut me pugunogo pege, mbuti emas paga ogobakkigirik aaninggin teeluk 100 gram kwe, onggo abu iya nogo mberaarenggen obaak peenok-peenok yippege,

Wakkagagerak 24:24

Kin wagangge mbareegi, at kolaga nogo nen ari logonet, “Kwe Milaka nen ogonggelo Nakot obaane'me aput ndareegerak endage Mbetuwen apuluk nogo an aret o,” yinuk,

Wakkagagerak 24:47

Nonggo mbaka, an nen kin wakkage logonet, Kat kogoba ta o? Yoge mbaki, at nogo nen, Lek o. Kwe Milaka nen ogonggelo Nakot obaane'me apuluk ndareegerak aap endage Mbetuwen apuluk nogo an aret o. Yo'nege mbaki, an nen mbuti emas ogobakkigirik ambi ogobak unggut me pugunogo pege, mberaarenggen obaak peenok-peenok yippege, eeke nagarik,