Wakkagagerak 24:21 - Ala Wone Peenok Peebi Mbanak

²¹ Nunggwi iigak, at Abarakam ayeloman nogo nen, “An eerikit nduk wagarak nogo at Aliku ALA nen abet aret koonogo panigi ilik, lek a?” yinuk, oone yaga'lek kolaga eerit nage nogo mban maloppege nagagerak.

Wakkagagerak 24:21 ပူးပေါင်းရင်းမြစ်များ

Wakkagagerak 24:12

Ti eeke nagagerik, at Abarakam ayeloman nogo nen tamban eeke logonet, “Kaliku nogoba Abarakam ogoba Ala wae. An eerikit nduk, wagarak nogo nogoba Abarakam abuwa mbake logonet, yogondak aret a'me nggelok yuwak nduk, koonogo panu o.

Wakkagagerak 24:20

Ari nagagerik, niyo toolak o'lu wonage nogo aanggumi niyo nonggo menggam nogome mbet-mbet kilirogo pereegerak nunggwi iigak, aanggumi unta nogo abok aret ndak nawak nduk, “Ambinom tooli na o,” yinuk, nggare agan niyo tooko menggam nen toologo ira wagagerak.

Wakkagagerak 24:27

Alut eeke logonet, “An nogoba Abarakam ogoba Ala wa! Kat nogoba Abarakam abuwa mbake logonet, iniki mbakerak nogo ndak-ndak aret lik togon eeke keegi o,” ari nagagerik, “An kunduk, Kaliku ALA nen aret nogoba owe-awot wonogwe me a'me lik togon wo'neren wagandak o,” yinuk, tamban eereegerak.

Wakkagagerak 24:56

Yogo mbareegwa, at Abarakam ayeloman nen, “Noweewi o. An yilunogo yime panogo logorak negen yogwe ti mage o. An yime wagarak nogo ti, Aliku nogoba ALA nen ndak-ndak aret eeppanegerak me, an nogoba wonage me, Nak aret, yo'ninip o.”

Ndawi 107:1

At Aliku ALA ti, obeelom mban wonage me, “Wa,” yogo logonip o. Aakumi inabuwa nen iniki kunik aganake nogo ti, Lek aga'lek mondok aret wonage menggerak.

Ndawi 107:15

At Aliku ALA nen Tungga mbuti tembaga paga aago ti, yigirogo nggimbege, Tu unggwogo menggam pak ambe mbuti paga aago nogo, Kalenak-pugunik eerogo pege, Eeke menggerak me, Aliku ALA it inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga Aliku ALA, “Wa,” yogo logowak o.

Ndawi 107:43

Aap ambi iniki warak wonage kenok, wone yi abok aret liippege, Aliku ALA aakumi inabuwa nen Iniki kunik lombok aganake menggerak nogo, Liirogon porogo wonage, Eeke logowak o.

Ndawi 107:8

At Aliku ALA nen it niyo abu kenok, ndonggorogon nawak nduk wogorage, Inambi abu kenok, yi mendek ndi mendek abe mban kalo logonogo wogorage, Eeke menggerak me, Aliku ALA it inabuwa nen iniki kunik mban aganake, Aakumi aret iigak kwe, iya tit eeppiinet wage, Eeke ti paga At apuri ti nen Aliku ALA, “Wa,” yogo logowak o.

Lukat 2:19

Pi wareegwaarak kwe, at Mariya perak, wone agan nugwi nogo abok aret iniki kundugu eekkolage logonet, iniki koongge nagagerak.

Lukat 2:51

Ti'nuk, at inom o Nataret nogo nogogwaarik, at agalo-ogoba inabu'me logonet, inoone liirogon konengge kagak, at agalo nogo nen perak, it aakumi agan nugwi nogo inikime liippake nagagerak.