Wakkagagerak 24:15 - Ala Wone Peenok Peebi Mbanak

^15-16 Tamban awo eeke me, kolaga tawe abu iya kigirikwe aap awo kigin waka'lek Abarakam awot Nakot akwe Milaka aagaluk aap Mbetuwen apuluk kolaga endage Iribaka nogo, niyoowak uum paga piyaninuk niyo tooko menggam wambi nage nagagerik, niyo too'nuk ame naakit nduk lagi wage me,

Wakkagagerak 24:15 ပူးပေါင်းရင်းမြစ်များ

Wakkagagerak 11:27

At Tera apuri wigannogogwaarak inendage yi o. At Tera nen apuri Abaram inom, Nakot inom, Karan inom, ndaganabeegerak. At Karan nogo nen apuluk Lot aret ndareegerak.

Wakkagagerak 11:29

At Abaram Nakot imbirak kumi wogonabeegwaarak nogo ti, at Abaram nen kwe Tarayi wagangge, ndi, at Nakot nen kwe Milaka aap Karan apuluk nogo wagangge, eereegwaarak. At Karan nogo nen apuri Milaka Yitaka imbirak ndaganabeegerak.

Wakkagagerak 21:14

Yoge mbareegi, ko'lu kuubondendok at Abarakam nen mbi inom, niyo ndomba agabolo paga toolak inom, nenet nege logowak nduk, at Agat omba pege nagagerik, wulaga nogo imbirak, “Nanip o,” yinuk, wumbiyareegerak o Mberetiyeba karume time yelok-nggolok nugu nogogwaarak.

Wakkagagerak 24:14

ndi, wogwe iinok, an nen kolaga ambi yoge logonet, Kat kaniyoowa'na time niyo ambi too'niru o, yoge neenok, kolaga ti nen niyo toologo, Namen o, yinuk, an wo'nege logomenggerik, Kaanggumi inom niyo toologo wogoraakit o, yinuk, toologo wogorage kenok, Kayeloman Itak akwe wogoriyak nogo yi aret kagi, mbarikit nen lik togon eeru o, nogoba. Togop eeke kenok, At Ala nen nogoba Abarakam abuwa mbake nagaarik, eeke kagi, mbarigin o,” yinuk, tamban eereegerak.

Wakkagagerak 24:24

Kin wagangge mbareegi, at kolaga nogo nen ari logonet, “Kwe Milaka nen ogonggelo Nakot obaane'me aput ndareegerak endage Mbetuwen apuluk nogo an aret o,” yinuk,

Wakkagagerak 24:45

Yinuk, tamban awo eeke me, at kolaga Iribaka nogo aret niyo tookkolaakit nduk aniyoowak uum paga wonok niyo tooko menggam wambi nage nagaarik, niyo too'nuk lagi wage me, an nen, Kolaga yi wae. Niyo ambi too'niru o.

Wakkagagerak 25:20

At Itak nogo ndarak kagak tahun 40 age nagagerik, aap Aram awi Paran-Aram mendek endage Mbetuwen apuluk Laban awuluk kwe Iribaka nogo aret waganeegerak.

Wakkagagerak 29:5

Yogo mbareegwa, at Yakup nen kin wogiige logonet, “Aap Nakot ombooluk Laban nogo kineenu ilik, lek a?” Yorage mbareegi, it nen, “E o. Ninom monggoorak nineenu aret o.”

Wakkagagerak 29:9

At Yakup it inom wone awo mbangge wonage me, kolaga Araken nogo ogoba aanggumi wogoren nege menggerak me, niyo nawak nduk, wogoren wagagerak.

Ndawi 34:15

Aap iniki abe koonak menggaarak nogo Aliku ALA enegen wogoren nege, Iniki puru yogo logonet yogwi iinok, at aruk liirogon konengge, Eeke menggerak kwe,

Ndawi 65:2

Nit tamban eekwi karuk konengge menggendak me, Yi aap ndi aap abok aret kowagam kuwak ari woraagun o.

Wundeegwaarak 2:16

Aap Ala unde ambi Miriyan mendek apurilogwe komologwe ineebe 7 wonogogwaarak. It komologwe nogo nen inogoba aanggumi kambin-ndomba inagi toologo eyo nenaarak paga kilirogo wogoroorak nduk, niyo tooko menggam nogome wogoren wogogwaarak me,

Kini Wuppiige 31:27

At ogonggelo-aagalogwe eerit nugwi abok aret liirogon enegen wogonake, It aap ineenggi tanep nen larak-worarak mban nunggo mengga kwak, at togop noorak eebi mbake, Eeke menggerak.

Yetaya 58:9

Ti eeko logonet, Naliku ALA yo'nugwi iinok, an nen wone onggo yorage, Yeenggwa niret o, yo'nugwi iinok, an nen, An yime agarik o, yinuk, yorage, Eeke logogin o. Tapi eyo aaninggin inuut paga pogo mengga kwak it inoreewi aaninggin inoba piigwi, Inoreewi inenggali wappiigwi, Meek eerogo piigo logonet, inoone lok togon yorogwe, Eekwi ti, mbo punuk,

Yetaya 65:24

It awo nggino yo'nega'lek iigak, yo'niriyak mbakwi nogo onggo muk yorage, Ndi, awo tamban eekwi iigak, an muk aret naruk konengge, Eeke logogin o.

Urut 2:17

Kwe Urut nogo yabu yarak me anebenggolage tit kagak, o kiyoma aret age mbareegi, anebenggolagagerak nogo menenogo togolowak eno korok togon 22 liter negen aret yonggokkolagagerak.

Urut 2:2

Kwe Mowap mendek Urut nogo nen Nawomi yoge logonet, “Aakumi waabuk negen jelai anggen mbanit nogo logonet, inambokan wambemenggerak nogo nabuwa nen, Anebenggolet, yo'niruwak nduk, yabume na o.” Ari mbareegi, Nawomi nen at yoge logonet, “E o. Nak o, neenggelo.”