Wakkagagerak 24:14 - Ala Wone Peenok Peebi Mbanak

¹⁴ ndi, wogwe iinok, an nen kolaga ambi yoge logonet, Kat kaniyoowa'na time niyo ambi too'niru o, yoge neenok, kolaga ti nen niyo toologo, Namen o, yinuk, an wo'nege logomenggerik, Kaanggumi inom niyo toologo wogoraakit o, yinuk, toologo wogorage kenok, Kayeloman Itak akwe wogoriyak nogo yi aret kagi, mbarikit nen lik togon eeru o, nogoba. Togop eeke kenok, At Ala nen nogoba Abarakam abuwa mbake nagaarik, eeke kagi, mbarigin o,” yinuk, tamban eereegerak.

Wakkagagerak 24:14 ပူးပေါင်းရင်းမြစ်များ

Wakkagagerak 15:8

Yoge mbareegi, at Abaram nen Ala yoge logonet, “Nogoba wae. Kaliku Kitok Menggendak kat ALA aret me, an o yi unde ariyak yo'negendak nogo nonggop negen eerogo neenu ariyak?”

Wakkagagerak 24:13

An yogondak niyo tooko menggam yime aret mi'ndak wonage neegak, aakumi o yime mendek inapurilogwe komologwe niyo tookkolaawok nduk woraagun me,

Wakkagagerak 24:15

Tamban awo eeke me, kolaga tawe abu iya kigirikwe aap awo kigin waka'lek Abarakam awot Nakot akwe Milaka aagaluk aap Mbetuwen apuluk kolaga endage Iribaka nogo, niyoowak uum paga piyaninuk niyo tooko menggam wambi nage nagagerik, niyo too'nuk ame naakit nduk lagi wage me,

Wakkagagerak 24:18

Yoge mbareegi, at kolaga nogo nen mbet-mbet aret niyoowak uum paga nen waganogo wuppi wage nagagerik, “Nogoba namen o,” yinuk, wogoge mbareegi, aret nenggegerak.

Wakkagagerak 24:19

Niyo toologo wogoreegerak nogo abu aret nengge mbareegi, at kolaga nogo nen, “Kaanggumi kunduk niyo ndonggorogon nawak nduk, toorira na o.”

Wakkagagerak 24:43

An neebe niyo tooko menggam ya'i wonage me, it komologwe niyo tookkolaawok nduk wogwe nogo, Niyo ambi too'niru o,

Wakkagagerak 24:44

yoge neenok, at nen, Namen o, yinuk, an wo'nege logomenggerik, Kaanggumi unta nogo inom aret toologo wogora, yinuk, toologo wogorage kenok, Nogoba aput akwe Aliku ALA nen leenogo pegerak nogo yi aret kagi, mbarikit nen, Eeru o, nogoba.

2 Tamuwen 20:9

At Amata nogo, “Yowap mbuti ndut eenggim wonage nogo paga noorigin,” mbarulik we ugun wonage kagak, Yowap nen at yoge logonet, “Noreeluk, kat obeelom wonage ilik?” yinuk, agandin eyak mbanikit nduk, amboro eenggi abe paga pippunuk, mbuti ndut eenggim wonage nogo paga Amata aanogum paga ndanuk togon mambereegerak aanagale kiluk togon nggween paga wambeegerak aret kangge mbareegi, ambinom warulik mbo punuk, awuluk Abitayi imbirak aap Mbikiri aput Teba nogo mugurok nogogwaarak.

2 Tamuwen 5:24

eyo tin era'nggup me, aakumi iniyok oone negen yogwe karuk konengge logomenggendik, At Aliku ALA aa'nduk a'nuk, ninawim Pilitin mendek ineegin warak muk inoori nage kagi, mba'nuk, kawuri kinom pilak yogo logonet, mbet-mbet aret inoba kwi'nari wundi woraamunggup o.”

Kini Wuppiige 19:14

O wurik inom, yi mendek ndi mendek inom, ti, inogobamini nen inapuri ineyate wogorogo menggaarak kwe, Kwe iniki penenak nogo aap kolaawak nduk, Aliku ALA nen aret wogorage menggerak.

Yetaya 7:11

“At Aliku kogoba Ala nen ineenu ariyak mendek ambi aakumi kambeegwaarak nggween abu'me teberogon wonogwe me nen eerigin a, agi mbogut irimbaga wonogwe me nen eerigin a? At nen mban yuwak,” yo'negerak me, yokkigi o.

Oroma 1:10

An pekkiya woroorak mbake minggirak me, Ala nen, “Yogondak aret pegiya nawak,” nomba'nuk, tu koonogo panuwak nduk, tamban mban eeke agarik o.

Owak Loongga 18:5

Yorage mbareegi, it nen at yogwi, “Nit o kwaarit wogoorak nogo, ambi kwaarugun ilik, lek a? Kat nen Ala yoru o.”

Owak Loongga 6:17

Yoge mbareegi, at Nggireyon ari logonet, “Kat nen, An op aret eerit noorak, nombakendak kenok, kat nen aret yo'negendak yelok kaakit nduk, neenu agak ambi eeppanu o, nogoba.

Owak Loongga 6:37

An ndomba eeruwak mbanak waganogo gandum anggen agabolo mbelanggo menggam nggween paga ndoombunuk, ko'lu o weege paga nggween nogo woloonak kagak, ndomba eeruwak mbanak nogo mban konaananggen luurogo pemenggerak wonage kenok, yo'negendak nogo ndak-ndak, kat yeenggwa nege keegak, an nen aakumi Iterali inagap ndariyak nogo neenu arigin o,” yinuk, yoreegerak.

1 Tamuwen 20:7

Yoge logomenggendik, at Tawun nen, Op aret o, yokkege kenok, an kayeloman yi, Op aret logogin, nombarumunggun kwe, at nen anini mbet-mbet wungge kenok perak, an maluk eeppaniyak koonggerak nogo abet aret mbarumunggun o.