Wakkagagerak 24:10 - Ala Wone Peenok Peebi Mbanak

¹⁰ Owak mbangge nagagerik, at ayeloman nogo nen at ogoba aanggumi unta ineebe 10 wogonake, at ogoba amindik-amendek etenggen alitak onggo nggwok nogo wagangge, eeke nagagerik, ya nogo yegak o Aram-Metopotamiya o omarip paga pa'nggwe o tini Abarakam awot Nakot menggim nogome aret nagagerak.

Wakkagagerak 24:10 ပူးပေါင်းရင်းမြစ်များ

Wakkagagerak 11:26

Ndi, at Tera tahun 70 eeke nagagerik, aput Abaram inom, Nakot inom, Karan inom, ndaganabeegerak.

Wakkagagerak 11:29

At Abaram Nakot imbirak kumi wogonabeegwaarak nogo ti, at Abaram nen kwe Tarayi wagangge, ndi, at Nakot nen kwe Milaka aap Karan apuluk nogo wagangge, eereegwaarak. At Karan nogo nen apuri Milaka Yitaka imbirak ndaganabeegerak.

Wakkagagerak 11:31

Ne ambi paga at aap Tera nogo nen o Kanan naakit nduk, at aput Abaram wagangge, at ombooluk Karan apuluk Lot nogo wagangge, ayinggelo Abaram akwe Tarayi nogo wagangge, eeke nagagerik, aakumi Katirim iname yaga'lelo Ut nogome mbo punuk, o Karan time aret ari nanuk, nogome mondok puk aret ogogwaarak.

Wakkagagerak 11:32

Nogome wonogo logonet, at Tera nogo ndarak kagak tahun dua ratus lima eeppunuk aret kambeegerak.

Wakkagagerak 22:20

Ti'nuk peebi nen, “Kat koweeluk Nakot akwe Milaka nogo aagalogwe at ogonggelo obaane'me wologwe ndarogo piigerak ti,

Wakkagagerak 24:2

Ne ambi paga at Abarakam nogo nen at ayeloman mini inowe aap iniki warak lombok amindik-amendek abok aret ndegeninake menggerak nogo yoge logonet, “An naput Itak akwe wogoriyak nduk, it aakumi Kanan mendek an ninom wonogwe yi, inapuluk ambi kwaariyak abu mage o. Ata, an wonagagim nawi alom paga nage logomenggendik, noreewi inapurilogwe ambi kero, kwaarenok nduk, kat keenggi nogo'ne'me pi'nake logonet, at mbogut-nggween wakkagagerak Aliku Ala owak o, yinuk, kumbuk mbanu o.”

Wakkagagerak 24:22

Ndi, unta niyo wogoragagerak nogo abu aret nonggo mbareegwa, at Abarakam ayeloman nogo nen mbuti emas paga ogobakkigirik aaninggin mbuuluk we 5 gram negen kwe, onggo nggwok nogo mendek at kolaga nogo ogobak unggut me pugunogo pege, mbuti emas paga ogobakkigirik aaninggin teeluk 100 gram kwe, onggo abu iya nogo mberaarenggen obaak peenok-peenok yippege,

Wakkagagerak 24:53

Alut eeke nagagerik, at ayeloman nen mbogoyum abe mendek inom, obaanggi-obaangge eekkolagak mbuti perak-emas paga ogobakkigirik nogo inom, abok aret kilirogo kolaga nogo wogoreegerak. Wogoge nagagerik, yi mendek ndi mendek onggo nggwok mendek kolaga oweeluk inom, agalo inom, wogoragagerak.

Wakkagagerak 27:43

an yokkege yi aret konembunuk eeru o, naagaluk.” Ari nagagerik, “Kat yogondak aret an noweeluk Laban o Karan wonage me time aret mbet-mbet nak o.

Wakkagagerak 29:1

Nogo abu aret eeppege nagagerik, at Yakup noorak mbareegim it aakumi o Kanan ambo'me oonegen wundi wage menggim pa'nggwe wonogo menggam nogome aret nagagerak.

Wakkagagerak 29:2

Nage nagagerik, enegen na'nage logonet, o karume taati niyo nenggak nggween ambi kabunik abiringga yugum kole naberak kagak, kambin-ndomba kenagan aago niyo toorirogo menggam time eraaninu windak wonogwe iyareegerak.

1 Mbinineegwaarak 19:6

Ndi, it aap Amon mendek nen, “Nit eekoorak paga at Ndawut nen obari maluk kogo mengga kwak ninombake kogo o.” Yogo nogogwaarik, at Kanun inom, it Amon mendek inom, nen nggweendo wim eeka inom, it aap wim eeka kuda paga nega inom, o Aram-Metopotamiya nen, Aram-Maaka nen, Aram-Toba nen, inom a'nuk, wim eeruwak nduk, mbuti perak aaninggin tiga puluh empat ribu nappereegerak.

Nappiigak 2:9

Nit Paratiya mendek inom, Meriya mendek inom, Elam mendek inom, Metopotamiya monggoorak inom, o Yureya nen, Kaparokiya nen, Pondut nen, Atiya nen,