Wakkagagerak 24:1 - Ala Wone Peenok Peebi Mbanak

¹ At Abarakam nogo abu anggok a'nuk, nda'nagagim kuli ari nage mbareegi, at Aliku ALA nen ale'nggen oba pege kagak, yi eekak ndi eekak eerit nage nogo op mban eeke nagagerak.

Wakkagagerak 24:1 ပူးပေါင်းရင်းမြစ်များ

Wakkagagerak 12:2

Time namenggendak me, Nale'nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

Wakkagagerak 13:2

At Abaram nogo at aanggumi kambin-ndomba inom, tapi-keledai inom, mbuti emas inom, mbuti perak inom, amindik-amendek ambik aret me, at eenggi warak lombok aret wonagagerak.

Wakkagagerak 18:11

At Abarakam Tara imbirak ndarak iigak, yi tahun ndi tahun eeko nogogwaarik, abu inanggok a'nuk, at kwe Tara nogo, amiya abu lek agagerak me,

Wakkagagerak 21:5

At Abarakam nogo ndarak kagak tahun 100 eeppunuk aret aput Itak nogo ndareegerak.

Wakkagagerak 24:35

At Aliku ALA nen nogoba Abarakam ale'nggen oba pege logonet, aanggumi tapi-ndomba inom, keledai-unta inom, mbuti wu perak-emas inom, ayeloman mini kumi-aap inom, alik negen ngginu-ngginu eerogo wogoreegerak paga aap nggwok eenggi warak aret agagerak wonage o.”

Wakkagagerak 25:20

At Itak nogo ndarak kagak tahun 40 age nagagerik, aap Aram awi Paran-Aram mendek endage Mbetuwen apuluk Laban awuluk kwe Iribaka nogo aret waganeegerak.

Wakkagagerak 26:12

Ndi, at Itak nogo it inom nogome aret wonage logonet, yi mendek ndi mendek yarit nage logonet, “Ero ambit nen anggen ambiret mbanggolaagin,” mba'nuk, yareegerak kwe, at Aliku ALA ale'nggen oba pege me, ero ambit paga anggen ambik 100 negen aret yege me,

Wakkagagerak 49:25

An kogoba nogoba Ala nen yeenggwa kege, At Omaawi Lombok Menggerak nen ale'nggen koba pege, Eeke logonet, Agi mbogut paga nen wuppagi wage, Ogu nggween abu'na nen obeelom eerogo nippagi wage, Ndi, kakwe ndaganake menggim obeelom eerogo pege, Elak amburu ambik eerogo pege, eeremenggerak paga Kapuri obeelom aret ndarogo wokkege, Eeke logowak o.

1 Endagembogut 1:1

Aap endagembogut Ndawut nogo ndarak kagak tahun ambik aret eeppunuk, abu anggok ari nage nagagerik, togwi agabolo paga age mbareegi, nogo yum tabak lenggembegaatak kwe, togwi agabolo paga ninggirik mban wonage mbareegi,

Kini Wuppiige 10:22

Aliku ALA ale'nggen inoba piige paga it aakumi ineenggi warak ogo menggaarak o. Ndi, eeppiige logonet, aaninggin-paaninggin kaawak nduk, inom eeppiigeelik o.

Yetaya 51:2

Kinombo Abarakam inom, ndakkinabeegerak kwe Tara inom, pegiigwi, Eeko logonip o. At Abarakam alik wonage me wiige, nale'nggen oba pege, At ombowologwe ambik aret wiganogo piige, Eereegirak kwe,

Matiyut 6:33

Kit aa'nduk kinogoba abu'me pinagarak, Ao, mbakwi, ndi, at obeelom lombok eeke logorak mbake nogo, kit ndak-ndak eeko logorak miikwi, eeko logonip o. Togop eekwi kiinok, kit nen, Ti mendek lek me, uugwe mbakwi nogo inom abok aret oba lunogo wokkirage kaamunggup o.

Lukat 1:7

Iniki abe koonak aret wonogogwaarak kwe, kwe Elitabet nogo, wubili aret wonagagerak me, elege abu ndaka'lek kagak imbirak kweegelo-aakelo aret ogogwaarak.

Nggalatiya 3:9

Togop me, at Abarakam abet mbake mbareegi, Ala ale'nggen at oba pereegerak nogo ndak-ndak, nit togon abet mbakwi niinok, Ala nen ale'nggen ninoba pinanigin aret o.

Epetut 1:3

Ala wonage menggim mbogut paga mendek eeppinaniyak mbake menggerak nogo mendek abok aret, Keritut ninom kumbinaneegerak paga nen eeppinanege me, ninowe Yetut Keritut ogoba Ala mondok alut eeko logowok o.

1 Timotiyut 4:8

Nineebe omaawi eeriyak wakkagak eekwi paga nineebe ninomaawi ee'ninake ti, we mbuuluk op ee'ninaburak nduk eeko monggoorak kwe, Ala wone yugu ndak-ndak eeruwok nduk, wakkagak eekwi niinok perak, Ala nen yogondak inom, peebi inom, ee'ninaburak nineenu me, mondok nggwok togon obeelom ee'ninaburak nduk, eeko monggoorak kogo o.