Wakkagagerak 23:6 - Ala Wone Peenok Peebi Mbanak

⁶ “Ninogoba wae. Nit wone ambi yokkugwi niigak, kat konengge logot o. Kat ti, aap kendagembogut ninenggela'me wonage menggendak me, kakwe kanggerak ndoome puurak nogo ti, nit ninando nendaarak ambi abe kenok miiru o. Kat kakwe mambuurak nogo nit ambi nen ninando nendaarak ili yugun abu lek aret o, ninogoba.”

Wakkagagerak 23:6 ပူးပေါင်းရင်းမြစ်များ

Wakkagagerak 13:2

At Abaram nogo at aanggumi kambin-ndomba inom, tapi-keledai inom, mbuti emas inom, mbuti perak inom, amindik-amendek ambik aret me, at eenggi warak lombok aret wonagagerak.

Wakkagagerak 14:14

Ndi, at Abaram nen at awuluk aput Lot nogo kugun wonok nogogwaarak aruk konengge nagagerik, it aap wim nambuka amburu mbanak Abaram inom inenggela'me logonet ndarak ineebe tiga ratus delapan belas nogo kuwak eeppiige nagagerik, it aap inendagembogut 4 nogo inambo'me muguren o endage Ndan time aret panggo yi nogogwaarak.

Wakkagagerak 18:12

wone yoreegerak at Tara nogo konengge nagagerik, inikime nen ari logonet, “An neebe abu kweegelo a'nuk nagabolo abu aret amiironggok ee'nake, ndi, an nogonggelo togon abu anggok age, eekoorak me, nonggop togon ena warak agago ndariyak me nduk yaga o?” yinuk, inikime nen i'ndok kambeegerak.

Wakkagagerak 20:7

Non mbambagage wonagarak me, yogondak kwe ti, ogonggelo unde wogori nak o. At ogonggelo ti, an noone yoge neenok yoraga mendek me, kat kake tamban eerigin kenok, kambumunggun lek o. Ndi, kwe ti, ogonggelo wogorumunggun lek kenok perak, kat inom, kowe-kawot inom, Nit abok aret kambugun aret kagi, mbake logot o,” yoreegerak.

Wakkagagerak 21:22

Ne ambi paga at aap Abimelek inom, at awuri yigin unde inowe endage Pikon inom, imbirak nen Abarakam wonage me wogo nogogwaarik, yogo logonet, “Kat Ala kimbirak logonet, yi eekak ndi eekak eerit nage menggendak keego ogoorik o.

Wakkagagerak 23:5

Yorage mbareegi, it aakumi Ket mendek nen at yogo logonet,

Wakkagagerak 23:7

Ti yogo mbareegwa, at Abarakam nen mi'nage nagagerik, it aakumi Ket mendek o time menggaarak nogo inabu'me tebe yinuk,

Wakkagagerak 24:18

Yoge mbareegi, at kolaga nogo nen mbet-mbet aret niyoowak uum paga nen waganogo wuppi wage nagagerik, “Nogoba namen o,” yinuk, wogoge mbareegi, aret nenggegerak.

Wakkagagerak 24:35

At Aliku ALA nen nogoba Abarakam ale'nggen oba pege logonet, aanggumi tapi-ndomba inom, keledai-unta inom, mbuti wu perak-emas inom, ayeloman mini kumi-aap inom, alik negen ngginu-ngginu eerogo wogoreegerak paga aap nggwok eenggi warak aret agagerak wonage o.”

Wakkagagerak 31:35

apuluk Araken kwi'ndak me kwaarikit nduk, eeke mbareegi, kwe Araken nogo nen ari logonet, “Nogoba o. An yogondak tut kage me, kenggaanom paga mi'nariyak meek kenok, wonage me, mbe'nirugun o,” yoge kagak, ogoba nogo nen kugiwak nogo kwaareegerak kwe, abu lek aret kagagerak.

Wakkagagerak 32:18

kat nen wone onggo yogop aret yorumunggun o. Kambin-ndomba wogoren wage yi ti, kat kayeloman Yakup aanggumi aret me, nogoba Etawu ake, ari nagaarik, leenogo pegerak me, nit nen wogoren wogo ogoorik o. Ndi, at eebe perak, peebi wage agaarik, yo'nu o,” yinuk, yoge,

Wakkagagerak 42:10

Yorage mbareegi, it nen, “Lek o, ninogoba. Nit kat kayeloman mini yi, ninambi onggo kunggolaawok nduk mban aret wogoorak o.

Wakkagagerak 44:5

Niyoowak yogoot kumaakotak ti paga ninogoba nen niyo nengge, tili pagangge, eeke menggerak nogo lek a? Ti eekotak ti, abu maluk aret eekotak, yora nak o,” yinuk, nappereegerak.

Wakkagagerak 44:8

Yogo logonet, “Aa'nduk mbato kuninuk niname o Kanan nogo nogogurik, wu mbato onggo pereegurak nogo ninegarun anewam yonggolak mban mbareegi, Kumaakkolaawi, yuulik aret wonok kira wogoorak me, yogondak nonggop togon kat kogoba ame nen mbuti perak-emas kumaa'nuk wonok wogoorak kero ari agandik?

Wundeegwaarak 32:22

Yoge mbareegi, at Karun nen yoge logonet, “An mbe'nirugun o, nogoba. It aakumi yi, maluk eeriyak inikilom mbako menggaarak nogo kat keenu aret o.

Yetaya 45:14

At Aliku ALA nen yegerak nogo yi aret. “It Metit mendek yabu eeka inom, it Kuti mendek yi mendek ndi mendek kungga inom, It aap yerek-nggorek Tiyeba mendek inom, Iterali inowagam ari wogo logomenggaarik, Ninogobamini o, yinuk, It nogwe me, keele maarak negen inambokan nogwe, It inabu'me tebe yi unggwogwe, Eeppunuk yorogo logonet, At Ala ti, alik ambi lek, at alik mban kinom wonage o. At alik ambi imbirak tabonak wonage mondok lek aret kogo o, yinuk, Yorogo logogun o,” yinuk, yegerak me, yagi o.

Urut 2:13

Yoge mbareegi, at Urut nen at yoge logonet, “An nogo ti, kat kayeloman mini kumi nogo ndak-ndak lek aret wonage neegak kwe, an kayeloman nabuwa lombok nombake logonet, koone yanggorogon yo'nege, niniki eyak wappanege, eekendak me, mondok-mondok togop aret eeppanege logot o, nayinggelo,” yoreegerak.