Wakkagagerak 23:2 - Ala Wone Peenok Peebi Mbanak

² o Kanan yaga'lelo Kiriyat-Araba, endage ambi Keboron, nogome nen aret kambeegerak. Kangge mbareegi, at Abarakam nogo, “Nakwe kanggerak o,” yinuk, iniki puru agan ale yereegerak.

Wakkagagerak 23:2 ပူးပေါင်းရင်းမြစ်များ

Wakkagagerak 13:18

Yoge mbareegi, at Abaram nogo, o nogome teppunuk, o Keboron eyo teno alome o Mamere koorok nogome ari woraanuk, Aliku ALA alut eeke logonet, ake warogo wogoge logowak nduk, yugum logonogo pereegerak.

Wakkagagerak 23:1

At kwe Tara eenik wonage kagak, tahun seratus dua puluh tujuh eeke nagagerik,

Wakkagagerak 23:19

Wogogo mbareegwa, nggween Kanan o Keboron oonegen wundi wage menggim o Mamere pa'nggwe ndo nendaarak Makepela nogome aret Abarakam nen akwe Tara nogo mambereegerak.

Wakkagagerak 24:67

Mbininogo yoge mbareegi, Itak nen kolaga Iribaka nogo kolage nagagerik, wonok agalo Tara ame wonagagim nogome imbirak unggwogogwaarak. Unggwogo nogogwaarik, “Yi nakwe aret kolagi,” yinuk, iniki kunik eekkolage logonet, agalo kambeegerak paga iniki puru ari nagagerak nogo lek aret agagerak.

Wakkagagerak 27:41

Yoge mbareegi, at ogoba awone awuluk mban kiligereegerak paga, Etawu anini alik negen eeke nagagerik, inikime nen koongge logonet, “An nogoba yi, abu kambuurak aret eekerak me, kangge kenok, abuwa eerogo ale yippunuk nen nawuluk Yakup warikit,” mbareegerak.

Wakkagagerak 35:27

At Yakup nogo ogoba Itak o Kiriyat-Araba koorok ame Mamere time at ombo Abarakam wonagagim nogome wonage me ka wagagerak. O Kiriyat-Araba nogo ti, Keboron aret o.

Wakkagagerak 37:14

Ari mbareegi, at Yakup nen ari logonet, “Kat nage logomenggendik, koweewi ineebe nonggop wonogwe nogo liippiige, ndi, kambin-ndomba kunduk nonggop wonogwe nogo liippege, eeke logomenggendik, wone wonok an yo'niri woraanok nduk, nak o,” yinuk, iname o Keboron kobappaga nogome nen nappege mbareegi, at Yutup nogo o Tikem aret nagagerak.

Wakkagagerak 50:1

Yakup nogo kangge mbareegi, at Yutup nogo ogobak toguk ogoba eebe paga ngginnage nagagerik, agandin eyak mbangge, le ari, eereegerak.

Wakkagagerak 50:10

Wogo nogogwaarik, niyo Yoraran koorok o endage Nggoren-Kaatat taati ari woraanuk, nogome ogoba erabun ndoombunuk, iniki abu maluk a'nuk, yinggu-leenggu yogwe iigak, nogo 7 yereegwaarak.

2 Tamuwen 1:12

Nibinogo patinuk, Tawun aput Yonatan imbirak inom, at Aliku ALA apuri wim eeka inom, aakumi Iterali mendek inom, wooluwak paga inoorogo piyareegwaarak kenok, at Ndawut awuri inom mbi nengga'lek inambe mage negen logonet, leenggu maakwi iigak, oonegen kilu yi nagagerak.

2 Tamuwen 1:17

It Tawun Yonatan imbirak kambeegwaarak paga at Ndawut nen le ndawi endage, “Eegin Le Ari o,” yinuk, ndawi pege nagagerik, it aap Yekura mamuninabit nugu logowak nduk, yoragagerak mbuku Yatat paga liiru mbaneegerak wonage nogo yi o.

2 Tamuwen 2:11

Ndi, at Ndawut nogo o Keboron logonet, aap Yekura mendek inowe endagembogut a'nuk, wone lengganogo yorage kagak, tahun 7 eeppunuk, tut 6 peneneegerak.

2 Tamuwen 5:3

It Iterali inoweewi abok aret aap endagembogut Ndawut o Keboron wonage me, wone ti, yogo mbareegwa, at Ndawut nen o Keboron time Aliku ALA enggaanom paga it inom wone amburu nggaruk togon mbambunuk, it Iterali abok aret inowe endagembogut logowak nduk, at Ndawut amburu eerogo mippereegwaarak.

1 Mbinineegwaarak 6:57

Togop me, it Karun paga wiganak wogorogogwaarak nogo ti, aap ambi wappunuk, wakwi iyo, agap ndakko'nok unggwage logowam kota Keboron inom, Libana inom, Yatit inom, Etemowa inom,

2 Mbinineegwaarak 35:25

Ale yogo nogogwaarik, ti'nuk, aap Yeremiya nen lendawi paga Yotiya anep pereegerak me, it kumi-aap ndawi waka nogo nen Yotiya anep pugu nogo abeppegak o yogondak kuli ndawi ti wakwi wonogwe aret. Ndi, at Yotiya lendawi anep pugu nogo Iterali wonogwe me inandogon aret agagerak me, Lendawi Pugu liiru mbanak nogo paga inom mbanak wonage o.

Nekemiya 11:25

It inawi kota-kota ineyabu eeko menggam nogo ti, it Yekura mendek ando o Kiriyat-Araba enaagan-ambokan yaga'lelo lombok inom, o kota Ndibon enaagan-ambokan yaga'lelo lombok inom, o kota Yekabeten enaagan-ambokan yaga'lelo lombok inom,

Yeremiya 22:10

Kit aap Yekura mendek yi wae. At Aliku ALA nen ari logonet, “Aap ogoba obaane'me o Yekura inowe endagembogut logowak nduk, mippereegwaarak kwe, o yi mbo punuk, wonok pi nogogwaarak Yotiya aput Talum eeriyak nogo ti, at iyokan wage, o yi enegen ambinom kage, eerigin lek keele maarogo pi nawam time aret kambigin,” yegerak me, Aap endagembogut kanggerak ti, ale yogwe, Ninowe endagembogut nogo kanggi o, yinuk, tabun ndoombunuk, aleenggu maakwi, Eerugwaarik o. Ata, at aput keele maa'nuk namenggaarak nogo time nen iyokan wage, Ndi, at awi alom paga enegen kage, Eerigin lek me, Kiniki wakkologo logonet, ale yogo logomunggup o, yinuk, yokkiragi o.

Yeremiya 22:18

Togop me, Aliku ALA nen it Yekura inowe endagembogut aap Yotiya aput Yoyakin eeriyak yegerak nogo yi aret. “At kangge kenok, it aakumi nen, Ai, noweeluk o. Ai, nawuluk o, yinuk, ale yogwe, Ndi, Ai, nogoba o. Ai, nowe kendagembogut o, yinuk, aleenggu maakwi, Eeko logogun lek o.

Linggineegwaarak 13:22

o Kanan o ame yime pa'nggwe karume unggwagak, nok o Keboron kuli aap Enak ombowologwe wiganak Akiman inom, Tetayi inom, Talamayi inom, wonogo menggam nogome unggwi nogogwaarik. Unggwi nogo nogogwaarik, inigen yomboonit o Etokon kobappaga nogome unggwi nanuk, anggur eno'mbak ambit paga anggen luurik-maarak yugu nogo mbanogo eewurogo waganggo logonet, eyo delima anggen inom, eyo wuli anggen inom, mbanogo inom wonok iniyokan wogogwaarak. O nogome inigen yomboonit nugwi iigak, nogo 40 yereegwaarak. O Etokon ti, aap Iterali nen eyo anggur anggen mbaneegwaarak me, o nogo endage, Etokon Kobappaga o, yinuk, yogo nogogwaarak. Ndi, nit ninoone paga ti, Anggen Luurik Yugu Me Mbaneegwam o. Ndi, o Keboron time wurik tahun 7 wonage kagak, o Metit nggween Towan taganak paga o wurik lek we aret wonagagerak.

Linggineegwaarak 20:29

Ndi, it aakumi Iterali mendek nen Karun nogo puut Kot paga kambeegerak ineenu ogo nogogwaarik, erabun ndoombunuk leenggu maakwi aret iigak, nogo 30 yereegwaarak.

Yaya 11:31

Ndi, it aap Yakuri mendek kwe Mariya inom oome logonet, iniki eyak wappugwi nogo nen kwe Mariya pilak togon mi'na'nuk, wungge inigen kogo nogogwaarik, “At kanggerak pegam nogome le yi nage,” mba'nuk mugurok nogogwaarak.

Yaya 11:35

Yogo mbareegwa, Yetut le yereegerak.

Nappiigak 8:2

It aap Ala inagabiti mbaka nen Tepanut warak wonok, kanggwi iinok, piya nogo menggam pi nogo nogogwaarik, aleenggu maareegwaarak.

Pelaareegerak 34:8

Kangge mbareegi, it aakumi Iterali nogo nen Muta abuwa wakwi o Mowap kobappaga time tabun ndoombunuk le yogwe ne 30 paga aret wonogogwaarak.

Yotuwa 10:39

o Libana inom, o Keboron inom, it inendagembogut imbirak inom, eerogo piyareegwaarak nogo ndak-ndak, aakumi o Ndebit kota wonogwe inom, aap endagembogut inom, o yaga'lelo koorok wonogwe inom, ambit-ambi teppiyoolik abok aret wooluwak paga kalirubu pup eerogo inooppunuk, o Ndebit tebenggologogwaarak.

Yotuwa 15:13

Aliku ALA nen wone lengganogo yoreegerak ndak-ndak, at Yotuwa nen aap Yepune aput Kalep anebunu Yekura mendek inanggween ando mogonogo wogoragagerak me, mogonogo wogoreegerak nogo ti, o Kiriyat-Araba endage ambi ti, Keboron aret. Aap Enak mendek inogoba endage ti, Araba aret o.

Yotuwa 15:54

Kumata, Kiriyat-Araba ti, kota Keboron aret me, wogorage, kota Tiyot wogorage, eereegerak me, lambuk togon kota 9 wogorage logonet, enaagan-ambokan yaga'lelo mbuulogwe inom wogorage,

Yotuwa 20:7

Yoreegerak nogo at Yotuwa nen Iterali yorage mbareegi, it Iterali nogo nen puut nggelok-nggobok Natali inanggween mbanak Nggalileya paga o endage Kereti aret leenogo pugwi, puut nggelok-nggobok Eparayim inanggween paga o endage Tikem leenogo pugwi, puut nggelok-nggobok Yekura inanggween paga o endage Kiriyat-Araba ti, Keboron aret me, leenogo pugwi, eerogo pereegwaarak.

Yotuwa 21:11

kota Kiriyat-Araba ti, Keboron aret me, wogorogwe, ndi, kota Keboron enaagan-ambokan korok-korok inaanggumi inagari'ngga nenet nogo logorak nggween inom, yaga'lelo-yaga'lelo inom, ti aap Yepune aput Kalep unde eeppatinuk, logowak nduk, muk wogoreegwaarak me, kota Keboron wukka wagak o Yekura puut nggelok-nggobok me, inaanggumi inagari'ngga nenet nogo logorak nggween wogorogwe, eereegwaarak. Aap Enak mendek inombo endage ti, Araba aret.

Owak Loongga 1:10

It inanebunu Yekura nogo nen inoorit nogo logonet, aakumi Kanan mendek o Keboron, aa'nduk endage Kiriyat-Araba toonak nogome, it aakumi Tetayi mendek inom, Akiman mendek inom, Talamayi mendek inom, tebenogo piinet nogogwaarak.

1 Tamuwen 20:31

At Itayi aput eenik wonage kagak, kat kendagembogut age, ndi, kabu'me piige logowam nggwok age, eerigin lek nogo kat keenggo'lek a? Togop aret me, an warikit nduk, eebe wonok niri woraawak nen, aap ambi nappiyet.”

1 Tamuwen 25:1

At Tamuwen nogo kangge mbareegi, it aakumi Iterali mendek abok aret kuwak eeppunuk, aleenggu maako nogogwaarik, eebe wonok at ame Arama time nggween taambi nogogwaarak. Ndi, at Ndawut nogo o Mawon karume time nagagerak.

1 Tamuwen 28:3

At Tamuwen nogo kangge mbareegi, it aakumi Iterali mendek abok aret at ame lombok o kota Arama time aret nggween taambugwi, ndi, at Tawun nen it aakumi tili pagangga inom, aakumi inogoma wiiraga inom, Iterali inenggela'me nen mugogo wumbiige, eereegwaarak kagak,