Wakkagagerak 23:19 - Ala Wone Peenok Peebi Mbanak

¹⁹ Wogogo mbareegwa, nggween Kanan o Keboron oonegen wundi wage menggim o Mamere pa'nggwe ndo nendaarak Makepela nogome aret Abarakam nen akwe Tara nogo mambereegerak.

Wakkagagerak 23:19 ပူးပေါင်းရင်းမြစ်များ

Wakkagagerak 23:18

at Abarakam unde logowak nduk, it aakumi Ket mendek wone mbanggo menggam kuwak eereegwaarak nogo inenggaanom paga onggo pege mbareegi, nggween nogo apit aret wogoreegwaarak.

Wakkagagerak 23:20

It aakumi Ket mendek nogo nen yabu yarak inom, ndo nendaarak irip paga wonage nogo inom, Abarakam wogogo mbareegwa, aakumi at mendek kanggwi iinok, piigo logorak nduk, Abarakam unde eekkolagagerak wone nogo ti aret.

Wakkagagerak 3:19

Ndi, yabu ligak wuundamo eeppunuk kambi-mbiingga nengge logonet aret kangge logomunggun o. Kat keebe nggween mendek paga aret wakkagak agago ogobakkigikkakirak me, kangge logomenggendik, kiyokan nggween aret age logomunggun o,” yinuk, yoreegerak.

Wakkagagerak 37:14

Ari mbareegi, at Yakup nen ari logonet, “Kat nage logomenggendik, koweewi ineebe nonggop wonogwe nogo liippiige, ndi, kambin-ndomba kunduk nonggop wonogwe nogo liippege, eeke logomenggendik, wone wonok an yo'niri woraanok nduk, nak o,” yinuk, iname o Keboron kobappaga nogome nen nappege mbareegi, at Yutup nogo o Tikem aret nagagerak.

Wakkagagerak 47:30

Ata, o Metit yime nen wokkeren kombomini-kogobamini nggween taambiyareegwam time aret taambagi nagin, yo'niru o.” Yoge mbareegi, at Yutup nen, “Yagandak nogo ndak-ndak aret eerigin o.”

Wakkagagerak 50:13

Yakup eebe wonok o Kanan wogo nogogwaarik, at Abarakam nen at mendek kanggwi iinok, ndoome mambiigo logorak nduk, o Mamere koorok time aap Ket mendek endage Eporon anggween eyabu yarak ndo endage Makepela inom onggo mbaneegim nogome mambereegwaarak.

Wakkagagerak 50:25

Yorage nagagerik, ambinom yorage logonet, “An kangge neenok, Ala nen liirogon aret wokkiren wundi nagin me, wokkiren nage ti eyom paga an nowak nenenak kit Iterali apuri yi, abet aret wonok noorak mbarikit nduk, kumbuk mbanogo yo'ninip o.” Yorage mbareegi, “Wonok nagun aret o,” yinuk, kumbuk mbaneegwaarak.

Ayup 30:23

Kambunuk nogo menggam nappaniyak eeke, Ineenik logonuk kuwak eeri nogo menggam nappanege, Eeke nogo ti, neenu aret o.

Wone Alom Kibingga 12:5

Tu tiyarogon nugu logorak inagabiti mbariyak eyom aga'lek kagak, Tu nggwok paga noorak inagabiti mbariyak eyom aga'lek kagak, Eyo mbogombi ambit-mbit wariyak eyom aga'lek kagak, Wurin nabuk-kabuk noorak eyom aga'lek kagak, Iniki aganggen aganake lek ariyak eyom aga'lek kagak, Kame mondok-mondok logowam noorak eyom aga'lek kagak, Kerabun ndooniyak eyom awo ari naga'lek kagak, At ogobakkigirogo pagareegerak nogo abeke logot o.

Wone Alom Kibingga 12:7

Ndi, kat keebe liirubu paga eerak me, kiyokan nggween ari nage, Kiniki at nen wokkereegerak iyokan Ala wonageme ari nage, Eeka'lek kagak, At ogobakkigirogo pagareegerak Ala nogo abeke logot o

Wone Alom Kibingga 6:3

Aap ambi nda'nagagerak nggorek lombok logonet, apuri 100 ndappiinok, eebe obeelom logomenggerak kwe, iniki ale'nggen mbaka'lek logonet kangge kenok, “Aap nogo aret kanggi o,” yaga'lek logonet, nggween abe taambega'lek ugun-ugun taanogo pugun me, an nen mbake logonet, “Aap ndarak nggorek logorak ti meek kwe, elege warak nda'nariyak perak op aret o,” mbake minggirak.