Wakkagagerak 23:13 - Ala Wone Peenok Peebi Mbanak

¹³ inaruk konenggwi iigak, aap Eporon nogo yoge logonet, “Nore o. Wo'niriyak mbakendak kenok, an wone ambi yokkege me, karuk konenu o. Nggween onggo punuk nen nakwe kanggerak ndoome mambuurak mbakirak me, onggo wokkege yi wamen o.”

Wakkagagerak 23:13 ပူးပေါင်းရင်းမြစ်များ

Wakkagagerak 23:12

Yoge mbareegi, at Abarakam nen it aakumi o time menggaarak kuwak eereegwaarak nogo inabu'me tebe yinuk, keyage waganake nagagerik,

Wakkagagerak 23:14

Yoge mbareegi, at Eporon nen Abarakam yoge logonet,

Wakkagagerak 33:19

Nggween ooliya wureegim nogo ti, aap Tikem aput Kenot apurilogwe inanggween me, inoona onggo wu mbuti perak 100 paga kungge nagagerik,

2 Tamuwen 24:24

Yoreegerak kwe, aap endagembogut nen aap Arawuna nogo yoge, “Togop yagandak kwe, lek o. At Aliku nogoba Ala ake warogo kani kuniyak ti, onggo pega'lek neegak, warogo wogoriyak neebi me, onggo kat koona kuniyak uugwe mbake agarik o.” Yoge nagagerik, wu syikal 50 paga anggen mbelangge menggim nggween inom, tapi inom, kuneegerak.

Nappiigak 20:35

At ninogoba Yetut nen ari logonet, Kologwe paga inale'nggen mbuuluk kogwe, ndi, wogorogwe paga perak, inale'nggen ambik kogwe, eeko menggaarak o, yereegerak nogo, abeke logonet, an abok aret eeke nagagirak nogo ti, yabu ta'liila eeppunuk, it yabu eeko logorak meek mendek yeenggwaarogo logorak, kogo o, yinuk, mbarumunggup nduk, eeke nagagirak o,” yoragagerak.

Oroma 13:8

Aakumi inamendek nomat woorak mage o. Nomat mbanak teenggo logorak kwak ti, niniki-kiniki kunik aganabit nogo logorak ti aret o. Niniki-kiniki kunik aganakwi kiinok, Ala nen Muta yoreegerak wone nogo, “A'me aret nggelok ari,” mbaruwok o.

Kolote 4:5

It aakumi abet mbaka'lek mendek kinom eerit nogo logonet, “Ala abet mbaruwak nduk, wone yoroorak nanonggwan aga o,” yinuk, kiniki mondok kwippunuk, eerit nogo logonip o.

Iberani 13:5

At Ala nen ari logonet, “An teppinagage, eraanggi mbo pinagage, eerigin lek o,” yinuk, yereegerak me, wu mban uugwe-uugwe mbarit nugwi paga wu ti, ayeloman eekkinabukwak, liippogo logonip o. Kinamendek nano mendek ambi wonage kenok, “Yi abu aret wonage o,” yinuk, kiniki tayenak logonet, ale'nggen paga nugu logomunggup o. Ala nen, “An mbo pinagagin lek o,” yinuk, yereegerak wone ti paga niniki panggombunuk, “Ninogoba nen yeenggwaanirage menggerak me, aakumi nen an eeppanugwi nogo, an nagabiti mbarigin lek o,” yinuk, yogo logorak ti op aret o.