Wakkagagerak 22:23 - Ala Wone Peenok Peebi Mbanak

²³ Ndi, at Mbetuwen nogo nen apuluk kolaga Iribaka aret ndareegerak. It wologwe ineebe 8 yi ti, kwe Milaka nen aret at ogonggelo Abarakam owe Nakot nogo obaane'me ndarogo piyareegerak.

Wakkagagerak 22:23 ပူးပေါင်းရင်းမြစ်များ

Wakkagagerak 11:29

At Abaram Nakot imbirak kumi wogonabeegwaarak nogo ti, at Abaram nen kwe Tarayi wagangge, ndi, at Nakot nen kwe Milaka aap Karan apuluk nogo wagangge, eereegwaarak. At Karan nogo nen apuri Milaka Yitaka imbirak ndaganabeegerak.

Wakkagagerak 22:22

Ti nen, Ketet, Kato, Pilarati, Yiralat, Mbetuwen, aret ndaganabeegerak o,” yinuk, yogwe at Abarakam aruk koneneegerak.

Wakkagagerak 22:24

Ndi, Nakot kwe ayeloman mendek wogo endage Erewuma nogo nen kunduk aagalogwe inendage Teba, Nggakam, Takati, Maaka, aret ndaganabeegerak.

Wakkagagerak 24:15

Tamban awo eeke me, kolaga tawe abu iya kigirikwe aap awo kigin waka'lek Abarakam awot Nakot akwe Milaka aagaluk aap Mbetuwen apuluk kolaga endage Iribaka nogo, niyoowak uum paga piyaninuk niyo tooko menggam wambi nage nagagerik, niyo too'nuk ame naakit nduk lagi wage me,

Wakkagagerak 24:24

Kin wagangge mbareegi, at kolaga nogo nen ari logonet, “Kwe Milaka nen ogonggelo Nakot obaane'me aput ndareegerak endage Mbetuwen apuluk nogo an aret o,” yinuk,

Wakkagagerak 24:47

Nonggo mbaka, an nen kin wakkage logonet, Kat kogoba ta o? Yoge mbaki, at nogo nen, Lek o. Kwe Milaka nen ogonggelo Nakot obaane'me apuluk ndareegerak aap endage Mbetuwen apuluk nogo an aret o. Yo'nege mbaki, an nen mbuti emas ogobakkigirik ambi ogobak unggut me pugunogo pege, mberaarenggen obaak peenok-peenok yippege, eeke nagarik,

Wakkagagerak 24:51

At Aliku ALA nen yegerak ndak-ndak kolaga Iribaka yi, kogoba aput nen waawak nduk, kimbirak aret namunggun o,” yinuk, yoreegwaarak.

Wakkagagerak 24:60

at kolaga iriwi nogo nen inale'nggen oba pogo logonet, “Niriluk o. Kat keebe ambit nen aret kwe, Yi aakumi ndi aakumi apit aret kat paga nen wigannarit wundi nogo logogun o. Kat kaagalogwe ndaganabemenggendak wiganak nen, Yi aakumi ndi aakumi inom ogoorak menggaarak inabu'me tebenogo piinok inawi time aret logogun o.”

Wakkagagerak 24:67

Mbininogo yoge mbareegi, Itak nen kolaga Iribaka nogo kolage nagagerik, wonok agalo Tara ame wonagagim nogome imbirak unggwogogwaarak. Unggwogo nogogwaarik, “Yi nakwe aret kolagi,” yinuk, iniki kunik eekkolage logonet, agalo kambeegerak paga iniki puru ari nagagerak nogo lek aret agagerak.

Wakkagagerak 25:20

At Itak nogo ndarak kagak tahun 40 age nagagerik, aap Aram awi Paran-Aram mendek endage Mbetuwen apuluk Laban awuluk kwe Iribaka nogo aret waganeegerak.

Wakkagagerak 28:2

“Kat kamindik-kamendek pipuk ee'nuk, o Paran-Aram kat kagalo ogoba kombo Mbetuwen ame time nage logomenggendik, kagalo iriluk kami Laban apurilogwe mendek kenok ambi kolanu o.

Wakkagagerak 28:5

aruk wappege nagagerik, at Yakup nogo o Paran-Aram oweeluk Etawu imbirak inagalo Iribaka oweeluk Laban ogoba Mbetuwen aap Aram mendek ame nogome aret nappereegerak.

Oroma 9:10

Nogo ti mban lek o. Ata, kwe Iribeka inom yoreegerak. Kwe Iribeka aagalogwe kulu'mbere ndaganabeegerak nogo ti, inogoba ambit ninombo Itak nogo aret.