Wakkagagerak 22:16 - Ala Wone Peenok Peebi Mbanak

¹⁶ “At Aliku ALA nen, At Abarakam apuluk ambolom ambit ndarak iniki kunik aret kwe, ili yuulik mondok nggaruk togon wo'negerak me,

Wakkagagerak 22:16 ပူးပေါင်းရင်းမြစ်များ

Wakkagagerak 12:2

Time namenggendak me, Nale'nggen koba pagage logonet, Kat paga nen kanebunu nggwok wigak yuwak nduk eeppagage, Kendage nggwok aruwak nduk tiyappagage, Eeriminggirak paga Aakumi ambik obeelom eeppiige logomunggun o.

Wakkagagerak 22:12

Yoge mbareegi, at Ala yonggo malayikat nogo nen, “Wulaga ti warugun o. Kaput ambolom ambit aret kwe, ili yuulik an nake mondok nggaruk togon aret wo'negendak ti paga kat abet aret Ala kagabiti mbake keegirak me, kaput ti, oba andi-pandi eeppugun o,” yinuk, yoreegerak.

Wakkagagerak 22:15

Ti'nuk, Aliku ALA yonggo malayikat mbogut paga nen Abarakam ambinom yoge logonet,

Wakkagagerak 22:2

Yoge mbareegi, at Ala nen, “Kat kapuluk ambolom ambit ndakendak kiniki kunik Itak nogo, wonok o Moriya time namenggendak me, puut ambi an nen yokkege neenok, nake warogo kani kunggo mengga kwak, puut ti paga at eebe warogo an nake pi nanu o,” yoreegerak.

Wakkagagerak 26:3

Nggween yi abok aret wokkirigin o, yinuk, kumbuk mbanogo kogoba Abarakam yoreegirak nogo a'me lik yuwak nduk, kat kapuri ndaganabemenggendak kinom wokkiraagin me, kat aap nggiru negen yime aret logot o. Wonage keegak, an nimbirak aret logonet, nale'nggen koba pagage logogin o.

Wundeegwaarak 2:24

Ndi, inoone inabuwa nggo-nggo yogwi nogo Ala aruk konengge nagagerik, aap Abarakam inom, Itak inom, Yakup inom, wone abuk nggaruk togon inom mbaneegwaarak nogo abereegerak.

Wundeegwaarak 32:13

It kayeloman mini Abarakam inom, Itak inom, Yakup inom, kat kendage kumbatinuk, yorage logonet, Kinombowologwe laaluguragan mbogut paga ambik wonage ti kwak wokkirage, ndi, nggween ti nogo kinombowologwe mondok-mondok unde eeppunuk, logowak nduk, wogorage, eerigin o, yinuk, wone abuk nggaruk togon yoragagindak nogo aberu o.”

Yetaya 45:23

An nalik nendage kumbatinuk yorage, Wone abet aret eerigin, mba'nuk yorage, Eereegirak me, Wone yoragagirak nogo lek arigin lek a'me aret arigin me, It aakumi abok aret nabu'me inendobanggun yindu yi wogwe, It abok aret nabok paganggo logonet, a'me nggelok eeppinanege, Omaawi paga eerit nage, Eeke ti, Aliku ALA mban aret o, yinuk, kumbuk mbanugun o,” yinuk, yegerak me, yagi o. It aakumi abok aret at eebe paga inanini ombakwi nogo at owagam wogwe iinok, inenggali arugun kwe,

Yeremiya 22:5

Aliku ALA nen ari logonet, An nen, Yi eeruwak ndi eeruwak, yorage yi, liirogon aret eeka'lek iinok perak, aap endagembogut o awi nggwok abe wurik yi, mi-mi wambigin, abet mbaruwak nduk, nendage kumbatinuk, kumbuk mbanggi o, yinuk, yora nak,” yegerak me, yokkira wagi o.

Yeremiya 44:26

kit aap Yakuri mendek o Metit wonogwe abok aret, at Aliku ALA nen yegerak yi, kinaruk konenggo logonip o. At Aliku ALA nen ari logonet, It aakumi Yekura mendek o Metit yi awi ndi awi wonogwe abok aret nen, Ndogop eerigin o, yinuk, an nendage kunggwi, At mondok eenik Aliku Itok Menggerak ALA owak o, yinuk, kumbuk mbanggwi, eekwi nogo ambinom eeko logogun lek o.

Yeremiya 49:13

O kota Mbotara yigirogo piyamenggaarak paga, aakumi nen, Inamineeri ne agan noorak mendek aago yi o, yinuk, yogwe, mbelaappugwi, at endage kumbunuk pulunogo piigwi, eeko logogun o. Ndi, at enaagan-ambokan kota-kota abok aret kunduk yigirik-noonom aago aret mondok-mondok wonage logogin o, yinuk, nendage kumbatinuk, yagi o,” yinuk, Aliku ALA nen aret yegerak me, yokkiragi o.

Yeremiya 51:14

Yibila kombogonak nogwe kwak, aakumi o Mbaben yagabit ari ungguwak nduk nappiya woraminggirak tebenogo punuk, Abu tebenogo pogo o, yinuk, keekok piyanggaagun o, yinuk, Nomaawi Lombok Minggirak Naliku ALA nendage kumbatinuk kumbuk mbanggi o,” yinuk, yegerak me, yokkiragi o.

Yetikiyen 16:8

Ti'nuk, peebi an tu ti paga nage logonet, eebe nenegen kage nagagirik, at abu tawe aap miikkoloorak aret agagerak kenok, nayum nggorek irip paga at agabolo kin wonage nogo lenggenogo pereegirak. Pege nagagirik, at nimbirak wone abuk nggaruk togon koonogo punuk, Nore kat aret o, yinuk, Naliku Nitok Minggirak an ALA nen kumbuk mbangge mbareegi, at an nore aret agagerak.

Amot 6:8

At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.

Mika 7:20

O maan iyaalok togon kat nen ninombomini kinom wone abuk nggaruk togon koonogo punuk, kumbuk mbaneegindak nogo ndak-ndak, Kat nen Yakup yoreegindak nogo liirogon eeppege, Abarakam yoreegindak nogo abuwa mba'nuk, ndak-ndak eeppege, Eerumunggun o.