Wakkagagerak 22:12 - Ala Wone Peenok Peebi Mbanak

¹² Yoge mbareegi, at Ala yonggo malayikat nogo nen, “Wulaga ti warugun o. Kaput ambolom ambit aret kwe, ili yuulik an nake mondok nggaruk togon aret wo'negendak ti paga kat abet aret Ala kagabiti mbake keegirak me, kaput ti, oba andi-pandi eeppugun o,” yinuk, yoreegerak.

Wakkagagerak 22:12 ပူးပေါင်းရင်းမြစ်များ

Wakkagagerak 20:11

Yoge mbareegi, at Abarakam nen, “An niniki mbake logonet, It aakumi yime Ala inagabiti mbaka'lek me, an nooko logonet, nakwe ndinogo wagun ilik? mba'nuk, yagarak o.”

Wakkagagerak 22:13

Yoge mbareegi, at Abarakam nogo ena logurogon pe'nage nagagerik, ndomba ngguunok ambi eyoongga ku'mbanak me, eyak yili-mali aago wonage kage nagagerik, wa nanuk, aput obaane'me Ala ake warogo kani kuneegerak.

Wakkagagerak 22:16

“At Aliku ALA nen, At Abarakam apuluk ambolom ambit ndarak iniki kunik aret kwe, ili yuulik mondok nggaruk togon wo'negerak me,

Wakkagagerak 22:2

Yoge mbareegi, at Ala nen, “Kat kapuluk ambolom ambit ndakendak kiniki kunik Itak nogo, wonok o Moriya time namenggendak me, puut ambi an nen yokkege neenok, nake warogo kani kunggo mengga kwak, puut ti paga at eebe warogo an nake pi nanu o,” yoreegerak.

Wakkagagerak 42:18

Nogome keele maarogo mambiyareegerak nogo mbere yippunuk, ko'lu paga at Yutup nen it nogo yorage logonet, “An togon Ala nagabiti mbake minggirak me, kineenik op logorak nduk, yogop ee'nip o.

Nekemiya 5:15

an o unde mippanega'lek kagak inaa'nduk o unde wonogogwaarak nogo nen it aakumi aaninggin-paaninggin inoba piigo logonet, “Mbi inom, anggur amburu toolak inom, wo'nira wogo logonet, wu mbuti perak aaninggin oolo wakkagak inom wo'nira wogo logonip o,” yinuk, yorogwe, ndi, inawuri kunduk, inoone omaawi paga yorogo logonet, tebenogo piigwi, eeko nogogwaarak kwe, an perak, Ala nagabiti mbake minggirak me, togop eeke logolik.

Ayup 1:1

Aap ambi endage Ayup o Ut wonagagerak. Aap ti, iniki abu koonak me, aakumi inoone at oba pega'lek aret wonagagerak. At Ala ayuk wuke, maluk kenok, “Neebi o,” yinuk, mbo pege, eeke nagagerak.

Ayup 28:28

Aakumi yorage logonet, Kiniki warak ti, kinogoba Ala kinagabiti mbakwi, Yi wone ndi wone yelok kaga nogo ti, maluk kenok ogole nen mbaganggwi, Eeriyak ti aret o, Yinuk, yereegerak o,” yoragagerak.

Ayup 5:19

Aaninggin ne 6 kuli nggwik togon koba pagage kwe, at nen kagap ndake, Ndi, ne 7 kuli koba ariyak nduk eeke kwe, non mbanogo pagage,

Ndawi 1:6

It aap iniki abe koonak nen eerit nogwe nogo, Aliku ALA nen enegen wogonake menggerak kwe, It aap maluk eeka nen eerit nogwe nogo, Lek eerogo piige menggim time aret nogo menggaarak o.

Ndawi 111:10

Aap iniki warak mamunggolaawok nduk eekwi nogo ti, Aliku ALA inagabiti mbakwi ti aret. Ndi, aap abok aret at wone lengganogo yorage nogo, Mugurok nogwe iinok, Yi wone ndi wone abok ineenu eeppiige menggerak. Togop me, ninoone puk aga'lek mondok-mondok at tiyappogo logowok o.

Ndawi 147:11

It aap at inagabiti ombakwi kenok perak, Aliku ALA nen inikilom mbake, Iniki kunik eeginabit wundi wage nogo Yi aap ndi aap iniki ti paga lunik wonogwe iinok, Ale'nggen inombake, Eeke menggerak o.

Ndawi 2:11

Aliku ALA ayuk wuko logonet amugurok nogwe, Kinaganak wake logonet, kinale'nggen yogwe, Eeko logonip o.

Ndawi 25:12

Aap ta nen Kaliku ALA agabiti kombake menggerak? It aap inagabiti kombakwi iinok, It eeko logorak koonogo piigendak nogo liirogon mamunirage logomunggun o.

Ndawi 25:14

Kaliku ALA nen wone kote koonogo pege ti, It aap inagabiti kombakwi nogo aret yorage, Kinom wone nggaruk togon koonogo piyareegindak nogo, aret ineenu eeppiige, Eeke menggendak.

Wundeegwaarak 20:20

Yoreegwaarak kwe, Muta nen it yorage logonet, “At Ala nen, An inagabiti nombako logonet, maluk eerugun lek, mba'nuk, kinabut mbaniyak nduk kiya wagaarak me, kinagabiti mbarugup o.”

Kini Wuppiige 1:7

It aap iniki warak mamunggolaawok nduk eekwi ti, Aliku ALA inagabiti mbakwi ti aret kwe, Aap iniki lek wi nen perak, iniki warak ogwe, inaruk wakwi, eekwi ti, miyuk-meya eerogo pogo menggaarak o.

Wone Alom Kibingga 12:13

Yi mendek ndi mendek eereegwaarak abe inom, maluk inom, kumaarak wonage nogo abok aret, Ala nen wonok inowak loonigin me, wone agan wagarak nogo abok aret liippunuk, irip paga ambit eeko logorak nogo ti, Ala ninagabiti mbakwi, Ndi, “Yogop ee'nu, ndogop ee'nu,” wone yugu nogo porogo logonet, eerit nogwe, Eeko logorak ti aret! Wone yi ti, it aakumi abok nen eeko logorak ti aret o.

Yeremiya 19:5

ndi, puut-puut paga kugi Mba'an awi wuppunuk, inapuri inoorogo kugi Mba'an ake kani kunggwi ti, Ndogop eeko logonip o, yinuk, wone lengganogo yorage, noone paga nen, Ee'nip, yorage, Ndogop eerugun, ninikime mbake, eerulik kwe kagak eekwi, eeko menggaarak,” yegerak o.

Yeremiya 32:40

Eeko logorak wone ninom mondok-mondok koonogo pigin nogo ti, an nen obeelom eeppiige nogo lek arigin lek mondok-mondok aret eeppiinet wundi wage, it an mbo paninuk nomo agan naga'lek an paga mondok-mondok inagabiti mbako logowak nduk, eeppiige,

Maleyaki 4:2

It an nendage tiyappogo logonet, nayuk wuko menggaarak iinok perak, oonegen wundi wage logonet, aakumi inagabolo mbiganogo piige menggi kwak, at obeelom eeppiinet nega nogo, wundi wa'nuk, towe kwak wiga agan it obeelom eeppiinet nage logogin o. Tapi aagaluk anggenogona wonage me, wumbugwi iinok, ale'nggen paga kunu wonet nege menggi kwak, it inale'nggen nen togop aret agan nugu logogun o.

Matiyut 16:24

Yoge nagagerik, Yetut nen it at oone waganggwi nogo yorage logonet, “Kit an ninom nugu logorak mbakwi kenok, yi eekak ndi eekak eeriyak mbakwi nogo mbo punuk, eyo karo-karo paga nabembinagarak nogo ko'nok, ninom aret nugu logowok o.

Matiyut 19:29

An nendage nggwok aruwak nduk, kinagalo-kinogoba inom, kinowe-kinawot inom, kinaaganapuri inom, kinawi wurik inom, kineyabu aago inom, mbo pugwi kiinok, obaane'me kalo logonogo wokkirage logomenggerik, mondok-mondok kineenik logobagip nduk, eekkinabigin o.

Matiyut 5:16

It aakumi nen kit obeelom eekwi inigen kiigo logomenggaarik, kinogoba mbogut paga mendek wogoppuwak nduk, kit nen togop aret aakumi inenggaanom paga ndi pogom eya aago logonip o,” yinuk, yoragagerak.

Yaya 3:16

At Ala nen yi aap ndi aap abok inabuwa nggwok lombok mbareegerak me, at aput ambolom ndarak an aret nappani wogoragagerak. Togop me, it aakumi iniki noba panggombunuk, abet nombakwi iinok, lek eerogo piyaagin lek ineenik mondok-mondok aret logogun o.

Nappiigak 9:31

Nappogo nogogwaarik, nogome logonet, it Ala apuri o Yureya kuwak eerit nogwe inom, o Nggalileya kuwak eerit nogwe inom, o Tamariya kuwak eerit nogwe inom, ale-pale eeginabit naga'lek iinok, inikiigun logonet, iniki kole ogwe, Aberiniki nen yeenggwaarage kagak inogoba Ala inagabiti mbako logonet, ineebe ambik wigannogwe, eereegwaarak.

Oroma 5:8

at Ala nen perak, nit maluk eekwi niigak, Keritut ninake kambeegerak ti paga Ala nen ninabuwa nggwok togon mbake menggerak kogo ogoorik o.

Oroma 8:32

At Ala aput ambolom aret kwe, ili yuulik nit abok ninake waruwak nduk wuppi wagagerak nogo nen aput wo'niragagerak nogo ndak-ndak, yi mendek ndi mendek ngginu-ngginu eerogo wo'niraagin lek nduk yogo ogotik?

1 Korindut 10:13

Kit kiniki nggagangginake menggerak nogo ti, alik mendek paga lek o. Ata, yi aakumi ndi aakumi iniki nggaganinake menggerak nogo mendek paga mban aret kit kiniki nggagangginake kaamunggup kwe, at Ala nen nit ee'ninake nogo, mondok liippinanege menggerak me, kiniki nggagangginake kagak, kinomaawi lek arit unggwage logonet, maluk eekwi kiyo, Ala nen tu mbininogo pinagagin o.

2 Korindut 8:12

Ninamendek lek me, wogoga'lek kenok ti paga, Ala nen eebi ninombake menggerak lek o. Wonage kagak wogoga'lek kenok perak, eebi ninombake menggerak me, eebe wonage kenok wogogwi, “Wogorikit lak eebe lek me, ao,” mbakwi, ti imbirak wogogwi mban aret me, inikilom mbake menggerak.

Iberani 12:28

Togop me, Ala abu'me piige menggim nit unde logorak mbareegerak nogo ti, nuk-nuk ariilik me, “Ala wa,” yinuk, keyage wako logowok o. Ninogoba Ala ti, kani omoonuk nen iri'ngga mondok pup eerogo nenet nage menggi kwak aret me, ninagabiti nen ayuk wuko logonet, at eeriyak inikilom mbake nogo mban aret eerit nogo logowok o.

Yakobut 2:18

Togop aret kwe, kit ambi nen, “Kat abet mban mbake kwe, an perak, eebe inom aret eeke o,” yinuk, yogwe kiigirak me, wologo wae. Kit abet mbakwi nogo, eebe inom eeka'lek kiinok, “Yi aap abet mbaka'lek aret,” kinombarugun kwe, an perak, abet mba'nuk eebe inom aret eeke me, “Yi aap abet mbake aret,” nombarugun yi kogo ogotik?

Wayu 19:5

Yogwi naruk konengge nagarik, wonage me, wone lengganogo yorage menggim nen oone ambi ari logonet, “Kit Ala ayeloman mini nen at ayuk wuko monggotak kinendage warak inom, kinendage lek inom, abok aret ninogoba Ala mban alut eeko logonip o,” yinuk, ari mbaki,

1 Tamuwen 15:22

Yoge mbareegi, at Tamuwen nen wone onggo yoge logonet, “Kambin-ndomba Aliku ALA ake warogo kani kunggwi inom, We iniki ale'nggen mbaruwak nduk, wogogwi inom, Ti Aliku ALA inikilom nggwok mbake, Ndi, at oone konembunuk eekwi ti, inikilom mbuuluk mbake, Eeke menggerak mbaken? Kambin-ndomba warogo ALA wogogwi ti, op aret kwe, At oone konembunuk ndak-ndak eekwi ti perak, mondok iya lombok o. Ndi, kambin-ndomba ngguunok amok warak ti, obeelom aret kwe, At oone liippunuk, ndak-ndak eekwi ti perak, abu alik mondok iya lombok aret o.