Wakkagagerak 22:1 - Ala Wone Peenok Peebi Mbanak

¹ Ti'nuk, ne ambi paga at Ala nen Abarakam iniki abut mbanikit nduk, yoge logonet, “Abarakam wae,” yoge mbareegi, at Abarakam nen, “Yu o, nogoba.”

Wakkagagerak 22:1 ပူးပေါင်းရင်းမြစ်များ

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Wakkagagerak 21:11

Wone togop yoge mbareegi, at Abarakam nen, “Itamayen togon an naput aret me, kwe yi, wone nonggop togon yo'nigi ubi?” yinuk, iniki abu piirik eeke mbareegi,

Wakkagagerak 22:11

at Aliku ALA yonggo malayikat mbogut paga nen oone ari logonet, “Abarakam wae. Abarakam wae,” Yoge mbareegi, at Abarakam nen, “Yu o, nogoba,”

Wakkagagerak 22:7

Imbirak nogo logonet, at Itak nen Abarakam yoge logonet, “Koba wae.” Yoge mbareegi, at Abarakam nen, “Nano o, napuluk?” Yoge mbareegi, at Itak nen, “Kani wurik inom, kani kunik inom, ti abok aret wonok nogwe yi kwe, ndomba warogo kani kuniyak nogo perak, eebe nggeeme wonage o?”

Wakkagagerak 37:13

at Iterali nen Yutup yoge logonet, “Kat koweewi kambin-ndomba o Tikem koorok nogome ndegeninakwi wonogwe nogo lek a? Kenegen pegiya nak o.” Yoge mbareegi, at Yutup nen, “E o. Naakit o.”

Wakkagagerak 46:2

Ala alut eeke mbareegi, at Ala nen oonikiya abinggaanggo paga Iterali yoge logonet, “Yakup wae. Yakup wae.” Yoge mbareegi, at Yakup nen, “Yu o, nogoba.”

2 Tamuwen 24:1

At Aliku ALA anini nggwok togon ne ambinom aakumi Iterali mendek inoba piyaakit mbake nagagerik, aakumi Iterali ineebi mbaruwak nduk, Ndawut inikime manake logonet, “It aakumi Iterali mendek inom, Yekura mendek inom, keenggi linggininabi nak o.”

2 Mbinineegwaarak 32:31

o nggween time iya tit agagerak nogo kin wakkaawak nduk, it aap Mbaben mendek inoweewi inendagembogut nen inawuri nappiya wogogwaarak ti eyom paga perak, at Ala nen abut mbangge logonet, iniki mbake nogo abok aret eenu aruwak nduk, mbo pereegerak.

Ndawi 11:5

Aliku ALA nen aap iniki abe koonak iinok, Inabut mbangge menggerak kwe, It aap maluk eeka inom, inanini paga eeppiyoorak inikilom mbaka inom, Eebi lombok inombake menggerak.

Wundeegwaarak 16:4

Yorogo mbareegwa, at Aliku ALA nen Muta yoge, “It aakumi Iterali yi, Yogop ee'nu ndogop ee'nu, yorage neenok, liirogon mugurok nogwe iyaamun ilik, lek a? Inabut mbanikit nduk, mbi oroti mbogut paga nen o mayu wage menggi kwak wuppinagi woraagin me, kit aakumi apit aret wundi nogo logomonggotik, kinalitik-kinalitak o ambit weege paga noorak kinikilom mbakwi mban anebenggolaamunggup o.

Wundeegwaarak 3:4

At Muta nogo enegen pekkaakit nduk panggo yi nage nogo Aliku ALA kage nagagerik, eyo ku'mbanak enggela'me nen oone yoge logonet, “Muta, Muta.” Yoge mbareegi, Muta nen, “An yime wonage me, yo'niru o.”

Kini Wuppiige 17:3

Kani eyak paga mbuti perak abut mbanggwi, Kani aganggen paga mbuti emas abut mbanggwi, Eeko menggaarak kwe, Aliku ALA nen perak, Aakumi iniki abut mbangge menggerak.

Yetaya 6:8

Yo'nege kage nagarik, ti'nuk, nogoba Ala nen ari konengge logonet, “An ari minggirik wone wonok nawak nduk, ta nappigin mbakop? Ndi, nit nookwak wone ti, taani nen wonok yora noorak mbako agaarik o?” Ari konengge nagarik, “Yi an aret me, an aret nappanu o.”

1 Korindut 10:13

Kit kiniki nggagangginake menggerak nogo ti, alik mendek paga lek o. Ata, yi aakumi ndi aakumi iniki nggaganinake menggerak nogo mendek paga mban aret kit kiniki nggagangginake kaamunggup kwe, at Ala nen nit ee'ninake nogo, mondok liippinanege menggerak me, kiniki nggagangginake kagak, kinomaawi lek arit unggwage logonet, maluk eekwi kiyo, Ala nen tu mbininogo pinagagin o.

Pelaareegerak 13:3

it yogwe nogo kit kinaruk koneniyak mage o. At Aliku kinogoba Ala nen, Iniki inom, ineebe inom, abok aret inogoba Ala an mban iniki kunik ee'nakwi iyaamun ilik, lek a, yinuk, it aap agan wogwe nogo paga kinabut mbanikit nduk, eeppinagage me, it yogwe nogo kinaruk koneniyak mage o.

Pelaareegerak 8:16

peebi obeelom mban logobagip nduk, kinabut mbangge, kiniki tebeppatiyak nduk eeppinagage, eerit karume wundi wage logonet, kinombomini ineenggo'lek mendek mbi mana nabagip nduk, wokkiragagerak nogo o.

Pelaareegerak 8:2

At Aliku kinogoba Ala nen tu karume wokkiren wage logonet, It aakumi yi, Yogop ee'nu ndogop ee'nu, an yorage nogo liirogon porogo wonogwe iyaamun ilik, lek a? yinuk, kinikime nano wonage nogo eenu arikit nduk, kinabut mbangge, kiniki tebenak logomunggup nduk eeppinagage, eeke kagak, tahun 40 aret eereegerak nogo kiniki abe'nip o.

Iberani 11:17

Ala nen Abarakam abut mbanikit nduk yoge logonet, “Kaput warogo an nake kani kumbu o,” yoge mbareegi, Abarakam nen, “Kaput Itak paga nen kombowologwe apit wigannarugun o, yinuk, yo'nege mbaki, abet aret mbakirak kwe, Waru o, yo'nege me, nonggop togon wari?” ti mbarulik. Ata, “Ala nen kanggaatak ineenik eerogo mippiige menggerak neenu me, togop aret eenik eerogo mippigin kagi,” yinuk, abet mbake logonet, “Naput ambolom ndarak yi kagak aret warikit,” mbareegerak. Ndi, Ala nen kanggaatak ineenik agago mippiige menggerak abet mbareegerak nogo ndak-ndak, iniki nen abu warikit mbareegerak ti paga abet aret wakerak mba'nuk, Ala nen eenik agago mippereegerak negen aret mbaruwok o.

Yakobut 2:21

Nit ninogoba Abarakam nogo nen Ala ake warogo kani kunggo menggam ogobakkigirogo punuk, at aput Itak Ala ake pereegerak nogo paga Ala nen, “Yi aap abe o,” yinuk, obeelom agago pereegerak nogo lek a?

1 Peterut 1:7

Mbuti emas nogo ti, we luulu lek ariyak mendek kagak, “At mendek ilik, alik mendek a?” yinuk, kani paga abut mbanggo menggaarak nogo ndak-ndak, kit abet mbakwi nogo ti, mbuti emas ndak-ndak lek o. Kit abet mbakwi nogo ti, mondok iya lombok me, at Ala nen, “Nu'lek wonogwe iyaamun ilik, lek a?” yinuk, kinabut mbangge logonet, aaninggin-paaninggin kinoba pinagage me, kiniki ale'nggen mbakwi kiinok, peebi Yetut Keritut eebe tena'me ari wage logonet, “Op eekotak o,” yinuk, ale'nggen kinoba pinagage, kinendage tiyappinagage, wogoppinagage, eeri woraagin o.

Owak Loongga 2:22

Ata, It aakumi Iterali inombomini an Naliku ALA nen wone yoragagirak nogo, nggirik-nggerok porogo logonet, eerit nogo nogogwaarak nogo ndak-ndak, it yogondak togop aret eekwi iyaamun ilik? yinuk, inabut mbanikit nduk teppiyaagin,” yereegerak.

1 Tamuwen 3:4

at Aliku ALA nen Tamuwen wiireegerak. Wiige mbareegi, Tamuwen nen, “An yime agarik o, nogoba,” yinuk,