Wakkagagerak 21:8 - Ala Wone Peenok Peebi Mbanak

⁸ Wulaga nogo tawe age mbareegi, yilak mbaneegerak. Ndi, yilak mbaneegerak nogo eyom paga Abarakam nen nggelak nggwok lareegerak.

Wakkagagerak 21:8 ပူးပေါင်းရင်းမြစ်များ

Wakkagagerak 19:3

Yoreegwaarak kwe, at Lot nogo, oone nimi-nomoorak mban yorage mbareegi, ame inom unggwi nogo nogogwaarik, wonogo logonet, inabugo oroti piika'lek mendek we worarogo nunggugwaarak.

Wakkagagerak 21:7

Ari nagagerik, at Tara nen ambinom ari logonet, “An nabila aga'lek neegak, Tara elege ndappunuk elak kunigin o, yinuk, ta nen Abarakam togop yoriyak op mbakop? Togop yuurak meek tit kagak kwe, an nore abu anggok agaarak kagak obaane'me wulaga aret ndaki o,” yinuk, yereegerak.

Wakkagagerak 21:9

Ne ambi paga at Tara nen kwe Agat awi Metit mendek aagaluk Abarakam obaane'me wulaga Itamayen ndareegerak nogo nen at aagaluk wulaga Itak nogo meek eerogo pegak mban eeke enegen kage nagagerik,

Wakkagagerak 26:30

Yogo nogogwaarik, at Itak nen inabugo lareegerak niyo inom, mbi inom, nonggo nogogwaarik,

Wakkagagerak 29:22

Yoge mbareegi, at Laban nogo aakumi ambik aret o nogome mendek inayonggo pereegerak kuwak ari wogo mbareegwa, laago nggwok lareegerak.

Wakkagagerak 40:20

Wone nogo yo'nuk, ne kenagan wonogogwaarik, aap endagembogut Pirawun nogo nda'nagagim ndak-ndak ari wage mbareegi, awuri inom eyabu eeko menggaarak nogo mendek inake laago nggwok lake logonet, anggur amburu tooka inowe nogo inom, oroti woraka inowe nogo inom, imbirak at awuri abok inenggaanom paga mippiya wage nagagerik,

1 Endagembogut 3:15

Yoge mbareegi, at Talomo nogo eenik age nagagerik, “Yi Ala nen aret nabi paga yo'negerak kagi,” mbake nagagerik, iyokan o Yerutalem woraanuk, Aliku ALA aloobut mbanak wone yugu yonggolak wonage me enaame taati mi'ndak logonet, Ala ake warogo wogogwi nogo mendek warogo kani kungge, Ala inom lambunik logorak ake warogo wogoge, eeke nagagerik, at awuri inom yabu eeko menggaarak nogo inake laago nggwok lareegerak.

Etet 1:3

Wone lengganogo yorage kagak, tahun mbere eeppunuk, ambi age paga it o Peritiya o Meriya mendek ineegin warak inoweewi inom, it aap inendage warak nagawan-nagawan inom, at abu'me o unde menggaarak inom, inake laago nggwok lake me, ne ti eyom paga kuwak eeri wogogwaarak.

Ndawi 131:2

Ata, elege ambi elak mbanak agalo imbirak ugun wonage menggi kwak, An niniki komo yilak mbanak aret wonage, An niniki ti, elege ambi elak mbanak me Ugun menggi kwak wonage, Eeke agarik o.

Oteya 1:8

At kwe Nggomet nogo kolaga endage, Abuwa Lek, nogo yilak mbanogo punuk, peebi abila age nagagerik, aagaluk aap aret ndareegerak.

Owak Loongga 14:10

Ti'nuk, at Timoton ogoba nogo kwe tawe nogo pekka nage mbareegi, aap tawe nen kumi kologo logonet, laago lako menggaarak me, at Timoton nogo nen akwe koloorak nduk, laago lake me,

Owak Loongga 14:12

Wogogo mbareegwa, Timoton nen wone it yorage logonet, “An wone ambi eegu larogo negen yokkira o. Laago yi lako logonet, ne 7 eerugun me, ne 7 age yoboni naga'lek kagak wone yokkiraminggirak nogo, Alom ndogop nduk yagandak o, yo'nugwi kiinok, an nen yum nggorek yawenak amuni mbanak penggaarak 30 inom, ndi, yum agi-ogu yirika 30 inom, wokkiraagin o.

1 Tamuwen 1:22

at Kana nogo nen ogonggelo Elakana yoge, “Peebi Tamuwen yilak mbambunuk, at Ala alut eeko menggam awooliya wurik me time mondok-mondok logowak nduk, an nen Aliku ALA ake leenogo pi noorak me, yogondak ninom nagin lek o.”

1 Tamuwen 1:24

At Tamuwen nogo yilak mbambunuk, agalo kwe Kana nogo nen tapi ngguunok ndarak kagak tahun 3 eerak ambi wagangge, gandum anggen yigirik aaninggin 10 wakkagak wagangge, ndi, yiiwak ndomba agabolo ogobakkigirik paga anggur amburu toolak wagangge, eeke nagagerik, Tamuwen nogo eebe awo mbuuluk kagak wonok Aliku ALA alut eeko menggam awooliya wurik me o Tilo woraanuk,

1 Tamuwen 25:36

Yoge mbareegi, kwe Abigayin nogo iyokan ame nage nagagerik, at Naban nogo aap endagembogut logonet, laago nggwok lako mengga kwak lappunuk, anggur amburu toolak nenok, kumili kuneegerak wiganinuk nege me, kwe nogo ka nage nagagerik, wone ambiriluk ambi at Naban yoga'lek kagak o aret weereegerak.