Wakkagagerak 21:6 - Ala Wone Peenok Peebi Mbanak

⁶ Ndake nagagerik, at Tara nen ari logonet, “An niniki ale'nggen paga i'ndok kambikit nduk, Ala nen eeppanegerak ndak-ndak it aakumi ando inaruk konembogo logomenggaarik, an eekirak paga iniki ale'nggen mba'nuk i'ndok kanggo logogun o.”

Wakkagagerak 21:6 ပူးပေါင်းရင်းမြစ်များ

Wakkagagerak 17:17

Yoge mbareegi, at Abarakam nogo enete wanduk nggween paga wambunuk, inikime nen ari logonet, “Aap ambit-ambi tahun 100 eekerak kagak apuluk ndariyak op mbakop? Ndi, at Tara kunduk, ndarak kagak tahun 90 eekerak me, aagaluk ambi ndariyak op mbakop?” yinuk, i'ndok kambeegerak.

Ndawi 113:9

It kumi wubili iname inalik wonogwe me, Inaagalogwe wogoramenggerak inom logonet, inale'nggen kogo logowak nduk eeppiige, Eeke menggerak o. Aliku ALA tiyappogo logowok o.

Ndawi 126:2

Ti eyom paga I'ndok kambuurak mban ninambe paga wonage, Ndawi wariyak mban ee'ninake, Eereegerak me, Aakumi inanebunu lombok i'mban-mban yogo logonet, “At Aliku ALA nen Aakumi ti mondok iya lombok eeppiigerak kogo o,” Yinuk, yogo nogogwaarak.

Yetaya 49:15

Ari kenok, at Ala nen ari logonet, “Kwe ambi aagaluk awo elak nengge kagak ami age, Ndi, at lombok nen ndareegerak nogo abuwa mbaka'lek mbo pege, Eeriyak op mbaken? At aagaluk mari eerogo pemenggerak kwe, an perak, kat o Tiyon nogo koba mari eerogo pagagin lek o.

Yetaya 49:21

Yogwi iinok, inikime mbake logonet, An ndegeninake logokit nduk aap ta nen apuri yi, ndarogo wo'negerak mbakop? Naagalogwe lek ogogwaarak kenok, niniki puru aago wonage, Ambinom ndaganaka'lek wubili wonage, Keele maarogo piya nogogwaarak iigak nalik aret wonage, Eeke nagagirak kwe, Elege-aabologwe yi, ta nen tawe eeginabeegerak mbakop? Mbo paneegwaarak nalik aret wonagagirak kwe, it yi, ngga nen wagaarak wonogo agaarik o? Yinuk, mbake logomunggun o,” yinuk, yoge kagarak o.

Yetaya 54:1

At Aliku ALA nen ari logonet, “Kwe ogonggelo nen mbo pereegerak nogo, aagalogwe ambik lombok wonage, Ndi, kwe ogonggelo warak aagalogwe mbereeluk wonage, Eekwi me, At aagaluk ndaka'lek kwe wubili ti, ndawi wake, Kwe enegen paganak yagan waka'lek ti, ale'nggen inikime nggelok ari logonet ndawi wake, Ale'nggen nen kwirabik-kwirabok ari, Eeke logowak o,” yinuk, yegerak me, yokkigi o.

Yeremiya 20:15

Ndi, Kapuluk kobaane'me nda'nagaarak nogo ti, aap aret o, yinuk, wone wonok nogoba yori wage mbareegi, Nogoba nen ale'nggen nggwok ombareegerak aap ti, pulunik aret logowak o.

Lukat 1:14

Kat kiniki ale'nggen kage logonet, keyage ambik wake logomunggun o. Ndi, at nda'naremenggerak paga aakumi apit aret iniki ale'nggen mbako logogun o.

Lukat 1:58

Ndake mbareegi, at inom menggaarak inom, at owe-awot inom, ninogoba Ala abuwa nen abu obeelom eeppegerak konenggo nogogwaarik, at inom iniki ale'nggen eeko nogogwaarak.

Oroma 12:15

Ale'nggen yogwe iinok, kinom ale'nggen yogwe, it le yogwe iinok, kinom aret le yogwe, eeko logonip o.

Iberani 11:11

At kwe Tara kunduk, abu kweegelo aagaluk ndariyak meek aret kwe, at Abarakam nen, “Ala yegetak ndak-ndak eeke menggerak me, yo'niragaarak nogo abet aret eeppinanigin kagi,” mbareegerak paga Ala nen akwe nogo agabolo ki eeppege mbareegi, Abarakam apuluk aret ndareegerak.

1 Tamuwen 1:26

kwe Kana nogo nen Eli yogo logonet, “Nogoba o. Kwe ambi aa'nduk yime mi'ndak logonet, Aliku ALA yoge kenegen kagagindak nogo ti, keenik keegak aret eeke neyareegindak me, an aret abet nombaru o.