Wakkagagerak 21:31 - Ala Wone Peenok Peebi Mbanak

³¹ Ndi, wone mbanggo nogogwam nogo ti, imbirak wone togop kumbuk mbaneegwaarak me, o ti endage Mberetiyeba aret o, yinuk, yogo nogogwaarak.

Wakkagagerak 21:31 ပူးပေါင်းရင်းမြစ်များ

Wakkagagerak 21:14

Yoge mbareegi, ko'lu kuubondendok at Abarakam nen mbi inom, niyo ndomba agabolo paga toolak inom, nenet nege logowak nduk, at Agat omba pege nagagerik, wulaga nogo imbirak, “Nanip o,” yinuk, wumbiyareegerak o Mberetiyeba karume time yelok-nggolok nugu nogogwaarak.

Wakkagagerak 21:32

It imbirak o Mberetiyeba nogome wone abu aret abuk nggaruk togon mbambogo nogogwaarik, at Abimelek at awuri yigin unde inowe aap Pikon nogo imbirak aap Pilitin iname time iniyokan nogogwaarak.

Wakkagagerak 26:23

Ti'nuk peebi nen, o nogome teppunuk, o Mberetiyeba aret nagagerak.

Wakkagagerak 26:31

inom nogo yinuk, ko'lu kuubondendok nen, “Yogop aret eeko logogun o,” yinuk, it abok nen kumbuk mbambogo nogogwaarik, at Itak nen, “Noreewi, kiname nanip o,” yorage mbareegi, keyage warogo punuk, iniki abe paga aret iname nogogwaarak.

Wakkagagerak 26:33

at Itak nen niyo nggween kabunik endage Tiyeba aret tooneegerak. Ti eereegwaarak kenok, o yaga'lelo nogo endage, “Mberetiyeba,” yinuk, yogwe wonogwe o.

Wakkagagerak 46:1

At Iterali nogo amindik-amendek abok aret ko'nok, o Metit naakit nduk tu paga o Mberetiyeba ari nanuk, at ogoba Itak ogoba Ala nogo ake ndomba warogo kani kungge logonet, alut eereegerak.

2 Tamuwen 17:11

Togop aret me, kat eeriyak yokkiri o. It aakumi Iterali o Ndan kuli nen nok, o Mberetiyeba kuli, mbini niyo aa'nggi paga menggi kwak menggaarak abok aret kuwak eeppiige logomenggendik, kat nen aret wogoren Ndawut kinom wim namburi nanu o.

2 Tamuwen 24:7

Time nen yugum pak tiyarogon wurik me o Tirut inom, yi kota ndi kota aakumi Kewi menggam inom, aakumi Kanan wonogwe me inom, linggininabit irip paga o ame pa'nggwe karume nggwok it aakumi Yekura wonogwe me, o Mberetiyeba ari wogogwaarak.

1 Endagembogut 19:3

Wone nogo eerogo nappereegerak yoge mbareegi, at Eliya nogo agabiti nen agap ndakko'nok ayeloman wulaga nogo imbirak kole mbaganit aakumi Yekura iname o Mberetiyeba time nogo nogogwaarik, wulaga nogo time kagak,

1 Endagembogut 4:25

Abolok lek obeelom aret wonagagerak me, at Talomo kangga'lek eenik wonage kagak, it aakumi Yekura mendek inom, it Iterali mendek inom, o Ndan nen nok, o Mberetiyeba kuli, eyo anggur inom, eyo wuli inom, inalitik-inalitak unde wonogo logonet, iniki tayenak inale'nggen paga aret wonogogwaarak.

Nekemiya 11:27

Katat-Tuwan inom, Mberetiyeba enaagan-ambokan yaga'lelo lombok inom,

Amot 5:5

It Nggilagan wonogwe nogo abet aret kugun wogoren mbo piya nogwe, O Mbeten nogo pup eerogo pugwi, Eerugun me, O Mbeten nawi o, yinuk, nogwe, O Nggilagan nogwe, Niyo mbaninuk o Mberetiyeba wunda nogwe, Eerugwaarik,” yegerak o.

Yotuwa 15:28

Katat-Tuwan, Mberetiyeba enaagan-ambokan yaga'lelo mbuulogwe inom wogorage,

Owak Loongga 20:1

Wone mbanggo nogogwaarik, aakumi Iterali nogo apit aret inanebunu Ndan wonogwe me kuli nen nugwa, o Mberetiyeba inom, o Nggileyat mendek inom, aap wim nambuka inawooluwak li'luk aago ineebe empat ratus ribu ambugwi aret at Aliku ALA enggaanom paga o Mitapa aret kuwak eeri wogo logonet, Ala apuri kuwak eerak inanebunu lombok inoweewi inom aret kuwak eereegwaarak.