Wakkagagerak 21:20 - Ala Wone Peenok Peebi Mbanak

²⁰ Ndi, at wulaga nogo tawe age kagak, Ala arum aret wonagagerak. Wonage kagak at eebe o Paran karume nogome logonet, yigin paga nambuko menggaarak abu liippereegerak.

Wakkagagerak 21:20 ပူးပေါင်းရင်းမြစ်များ

Wakkagagerak 10:9

At nen Aliku ALA agabiti mbaka'lek anini wulo aakumi inooka wonagagerak me, aap ambi anini ambik kenok, aakumi nen yogo logonet, “Aliku ALA agabiti mbaka'lek anini wulo aakumi inooka aap Nimorot kokwak eeke yi,” yinuk, yogo nogogwaarak.

Wakkagagerak 16:12

At obaabut ti, Keledai enegen mbolok kwi menggi kwak, At ndak-ndak aret logogin o. At nen aakumi eekwi nogo ineebi inombake, It aakumi nen at eeke kenok ineebi ombakwi, Eeko logonet, Inanini nen oreewi inom ogoorak aret logogun o,” yoreegerak.

Wakkagagerak 17:20

Ndi, at Itamayen nogo perak, kat eeriyak yagandak nogo ti, muk naruk konenggirak me, at togon an mbo pigin lek o. Nale'nggen at oba pege logonet, ombowologwe nggwok aret wiganogo piige, aap inendagembogut ineebe 12 aret ndaganake, at anebunu nggwok aret wiganogo pege, eerigin kwe,

Wakkagagerak 25:27

It wologwe nogo imbirak abu aret tawe ogo nogogwaarik, at Etawu nogo kulinik-kalinik eyonggaame mban nege logonet, towe-pagi eenggi tobo mban wake nagagerak kwe, at Yakup nogo perak, iniki kwi'ndak oome yabu mban eeke wonagagerak.

Wakkagagerak 27:3

kangga'lek awo neenik wonage logonet, nawone kilirogo koba pagarak me, an noorak ninikilom mbake ndak-ndak keenggi amburu ndik-ndik larogo wo'niri woraanok nduk, kat towe-pagi wake menggendak keegin-komaale yogondak li'luk eekko'nok, eyonggaame an nake ambi mbet wari nak o,” yoreegerak.

Wakkagagerak 28:15

Kat o ambime, Na, yinuk, nage kenok, an nen enaani aret ndegenggeren nage, karum liirogon aret wonage, eeke logominggirik, ti'nuk, wokkeren o yime aret pagi woraagin o. Ndi, an nen, Yogop eerigin o, yinuk, wone abuk nggaruk togon yokkiragarak nogo abok aret a'me lik yaga'lek kagak, an teppagagin lek mondok yeenggwa kege logogin aret o,” yinuk, yoreegerak.

Wakkagagerak 39:21

Mambereegerak wonage kwe, at Aliku ALA nogo Yutup imbirak aret wonagagerak. Imbirak logonet, abuwa mbake, ndi, aakumi keele maarogo mambiigaatak inarum menggaarak inowe nogo nen iniki ale'nggen Yutup oba puwak nduk, eeppege, eereegerak me,

Lukat 1:80

Ndi, wulaga nogo tawe age logonet, iniki mondok kole agagerak. At nen aakumi Iterali inigen kaawak nduk, naga'lek logonet, karume aakumi lek me time nege nagagerak.

Lukat 2:40

Ndi, wulaga nogo tawe age, yi wone ndi wone eenu age, eeke logonet, iniki warak lombok agagerak. Ndi, Ala ale'nggen at oba aret wonagagerak.

Owak Loongga 6:12

Kwi'nage nagagerik, Aliku ALA ayonggo malayikat nogo at kaawak nduk kin a'nuk, Nggireyon yoge logonet, “Kat aap wim nambuka wakaa'ngget lombok aret me, at Aliku ALA kimbirak wonage o.”