Wakkagagerak 21:17 - Ala Wone Peenok Peebi Mbanak

¹⁷ At wulaga Itamayen oone ari nogo Ala nen aruk konengge nagagerik, yonggo nappiya wage menggerak malayikat ambi agi mbogut paga nen kwe Agat nogo yoge logonet, “Kwe Agat yi wae. Kat nano paga kiniki piirik agandik o? Kat kaagaluk punuk waganom oone ari nogo, muk Ala aruk konenggerak me, kagabiti mbarugun o.

Wakkagagerak 21:17 ပူးပေါင်းရင်းမြစ်များ

Wakkagagerak 15:1

Ti'nuk, ne ambi paga at Aliku ALA nen abinggaanggo paga Abaram yoge logonet, “Abaram wae. Kat kanggeemu pogom inom, eerit nage onggo wokkiriyak nogo inom, ti an neebe aret me, kagabiti mbarugun o.”

Wakkagagerak 16:11

Yoge nagagerik, Aliku ALA ayonggo malayikat nogo nen yoge logonet, “Kabila agandak nogo ti, Wulaga ambi aret ndarumunggun o. Ndake logomenggendik, Koba aaninggin kenok le yagandak nogo ti, Aliku ALA muk aruk konenggerak me, Kaagaluk endage ti, Itamayen aret toonumunggun o.

Wakkagagerak 16:7

Kole mbaganit niyo eneeri wungge menggim o Tut nogo menggam tu paga karume time ari wagagerak wonage me, at Aliku ALA ayonggo malayikat ka wage nagagerik,

Wakkagagerak 16:8

yoge logonet, “Tarayi ayeloman kwe Agat yi, wae. Kat ngga nen wagandak o? Ndi, nggeeme naakit nduk nage agandik?” Yoge mbareegi, at Agat nen ari logonet, “Lek o. Nagalo Tarayi nimbirak wonagarak kwe, mbo punuk kole nage agarik o.”

Wakkagagerak 16:9

Yoge mbareegi, at Aliku ALA ayonggo malayikat nogo nen at kwe Agat yoge logonet, “Kiyokan yungguninuk kagalo ka nage logomenggendik, oone andiigwi yokkege kagak at ayeloman abu'me tebenak aret logomunggun o.”

Wakkagagerak 22:11

at Aliku ALA yonggo malayikat mbogut paga nen oone ari logonet, “Abarakam wae. Abarakam wae,” Yoge mbareegi, at Abarakam nen, “Yu o, nogoba,”

Wakkagagerak 24:7

At an nawi alom paga nowe-nawot inenggela'me nen wo'niren o yime pani wage nagagerik, yo'nege logonet, Kat ndaganabemenggendak nogo nggween yi wogoraagin o, yinuk, abuk nggaruk togon yo'nereegerak me at Aliku Mbogut Unde Menggerak Ala nen an napuluk akwe time kwaarenok nduk, nage keegak, Ala yonggo malayikat ambi aa'nduk koonogo pege a nawak nduk, nappigin o.

Wakkagagerak 26:24

Nage nagagerik, oonikiya nogo yege me, at Aliku ALA at owagam wage nagagerik, yoge logonet, “Kat kogoba Abarakam ogoba Ala an aret o. An mondok-mondok karum wonage, ndi, nale'nggen koba pagage logonet, nayeloman Abarakam wone abuk nggaruk togon yoreegirak nogo ndak-ndak kat kapuri-kombowologwe ambik aret wiganogo piige, eerigin me, kagabiti mbarugun o.”

Wakkagagerak 46:3

Yoge mbareegi, Ala nen, “Kat kogoba ogoba Ala nogo an aret o. Kat o Metit namenggendak time keegak, kapuri wokkiriminggirak paga kanebunu nggwok aret wiganugun me, kat nen o Metit noorak kagabiti mbarugun o.

2 Endagembogut 13:23

aap Abarakam inom, Itak inom, Yakup inom, inom wone nggaruk togon koonogo pereegerak paga Aliku ALA nen it Iterali, “Nonggop wonogwe o,” yinuk, enegen wogonake logonet, inabuwa nggwok mba'nuk, iniki kunik aganake nagagerak me, it Iterali mendek lek eerogo piige, kobak eerogo mbo piige, eeriyak, “Neebi,” mbareegerak nogo, o yogondak togop mbake wonage aret o.

2 Endagembogut 13:4

Piyareegerak kwe, it aakumi Aram mendek nen Iterali aaninggin mondok alik negen inoba pugwi nogo, at Aliku ALA enegen iyareegerak me, at Yowakat nogo nen, “Aliku ALA ninabuwa mba'nuk yeenggwa niraawak o,” yinuk, nggino yoge mbareegi, Aliku ALA aruk koneneegerak.

Ndawi 10:14

Togop yogo menggaarak kwe, Ale-pale eerogo piigwi, Iniki andi eerogo piigwi, Eekwi nogo kat Ala kenegen iige, Onggo eeppiyoorak nduk, koonogo pege, Eeke menggendak o. Elege moono yeenggwaarage menggendak keenok, Aakumi inagap ndakkoloorak meek mendek nogo Kabu'me ari wogo menggaarak o.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

Ndawi 6:8

Togop me, nale ari nogo Aliku ALA aruk konenggerak me, Kit maluk eeko monggotak yi, An wonage me nen mbaganinip o.

Ndawi 65:2

Nit tamban eekwi karuk konengge menggendak me, Yi aap ndi aap abok aret kowagam kuwak ari woraagun o.

Ndawi 91:15

Yeenggwa niru o, yo'nege kenok, yeenggwaage, Maluk eeppugwi iinok, ili ari, Aap ineenggime nen ndinogo wumbege, At endage tiyappege, Eeke logogin o.

Wundeegwaarak 14:13

Yogo mbareegwa, Muta nen it yorage logonet, “At Aliku ALA nen nonggop agago kinagap ndarigin nogo yogondak aret kinigen kaamunggup me, kinagabiti mbaka'lek kiniki kwippunuk logonip o. It aakumi Metit mendek yogondak kinigen iigwi ti, peebi nen kinigen iyaamunggup mondok lek o.

Wundeegwaarak 22:23

Iniki aaninggin eeppiyamenggaarak inoone nggwok paga an yo'nugwi iinok, an abet aret naruk konengge logominggirik,

Wundeegwaarak 3:2

Wage nagagerik, wonage me, at Aliku ALA ayonggo malayikat nogo eyo ku'mbanak me kani wunuk ari kagak enggela'me nogome nen Muta nikka wagagerak. Eyo nogo kani nengga'lek we omoonuk wunuk mban ari enegen kage nagagerik,

Wundeegwaarak 3:7

Nobakkolage mbareegi, at Aliku ALA nen at yoge logonet, “An napuri o Metit wonogwe nogo it aap Metit mendek nen inayeloman eeppiinok, aaninggin-paaninggin inoba piigwi iinok, yagan wako logonet, inoone nggwok paga nggino yo'nugwi nogo, muk naruk konenggirak me, Yeenggwaaraakit, mbake agarik o.

Yetaya 22:1

O endage, Abinggaanggo Kobappaga, eeppuurak abinggaanggo paga Ala nen yoreegerak nogo yi aret o. “It o kota time inawi wurik o kirin ndoonak paga lombok lagit nanuk, wonogo logonet, Inale'nggen nen noone-koone yogwe, Inale'nggen nggelok yegerak paga ugun-ugun eerit nugwi, Eekwi ti, Nonggop agaarak kenok agan nogo agaarik? Inoweewi inookaarak nogo, wooluwak paga inookwi, Wim nambuko logonet kanggwi, Eerulik o.

Yetaya 41:10

An kit ninom wonage me, kinagabiti mbakwi, An kinogoba Ala aret me, kiniki piirik ogwe, Eerugup o. An nen kinomaawi eerogo pinagage, yeenggwa kirage, Aap ambi nen tebenogo pinagukwak, neenggi omaawi abe'nggan paga pikkinake, Eerigin o.

Matiyut 15:32

Ala wogoppogo mbareegwa, Yetut nen at oone waganggwi nogo wiiragagerak wogo mbareegwa, yorage logonet, “Wologwe wae. It aakumi ambik yi, ninom nogo kenagan yogo logonet, inambi abu lek agaarak me, inabuwa mbaki o. Mbi nengga'lek tu paga nogo logonet, inambuluk piyoorak me, mbi abu kagak, an nen iname nappiyoorak meek o.”

Marakut 5:36

Yogwi nogo at Yetut aruk koneneegerak kwe, konengga'lek negen eeppunuk, at aap it Yakuri tamban eeko menggam arum menggerak nogo yoge logonet, “Kagabiti mbarugun o. Kiniki noba panggombunuk, abet nombake logot o.”

Pelaareegerak 26:7

ninoone nggwok paga at Aliku ninogobamini inogoba Ala yogo mbareegu, Aliku ALA nogo aruk konengge, meek lagik-loguk eerogo pinanugwi nogo enegen niige, aaninggin inoba pinanugwi nogo niige, tebembinanogo wonogwe nogo liippinanege, eeke nagagerik,

Owak Loongga 18:23

inoone nggwok paga Ndan mendek nogo yorogo mbareegwa, it Ndan mendek nogo ina yunggunogo na'nari wogo nogogwaarik, at Mika nogo yogwi, “Nano agaarak kenok, aakumi ambik kinom mu'niren wage agandik?”

1 Tamuwen 11:5

Leenggu maakwi me, at Tawun nogo eyabume nen aanggo tapi wonok awo wage nagagerik, “Nonggop agaarak kenok, it aakumi ti, leenggu maako agaarik?” Yorage mbareegi, it aap o Yabeti nen wone wonok yora wogogwaarak nogo mbininogo yoreegwaarak.