Wakkagagerak 21:16 - Ala Wone Peenok Peebi Mbanak

¹⁶ Teppege nagagerik, “An naagaluk nenegen neegak kambuurak ti neebi o,” mba'nuk, tayorogon maale namburik wobok yi nage menggim ndak-ndak kwi'nari nagagerak. Kwi'nage nagagerik, le nggwok yereegerak.

Wakkagagerak 21:16 ပူးပေါင်းရင်းမြစ်များ

Wakkagagerak 21:15

Nugwi me, niyo ndomba agabolo paga toolak nogo aret lek age mbareegi, kwe Agat nogo aagaluk eyoongga mbuuluk logonak me time teppereegerak.

Wakkagagerak 27:38

Yoreegerak kwe, at Etawu nogo nen ogoba yoge logonet, “Kat kawone ambit ti aret me, at mban kilirege nagandik, ari agandik ya? An togon ambiriluk ambi kili'niru ubi, nogoba!” yinuk, le nggwok yereegerak.

Wakkagagerak 29:11

Wogorage nagagerik, “An ti, kat kogoba awuluk Iribaka nogo aagaluk an aret o,” yinuk, ale'nggen nen Araken agandin eyak mbangge logonet, oone nggwok paga leenggu maareegerak. Leenggu maake mbareegi, at kolaga Araken nogo ame nggare agan ogoba yori nagagerak.

Wakkagagerak 44:34

At wulaga yi, ninom lek ninalik mban ninogoba wonage me nonggop togon noorak? An nogoba aaninggin-paaninggin alik negen oba age nogo nenegen koorak neebi o,” yinuk, yoreegerak.

1 Endagembogut 17:12

Yoge mbareegi, at kwe togwe nogo nen onggo yoge, “At Aliku kogoba Ala eenik menggerak endage paga abet aret yokkiri o. An nambi oroti abu lek me, tepung we ne ambit woorak iluk togolowa'na yonggolak inom, wam amburu togolowa'na o'lu iluk inom, ti mban wonage me, kani aretop anebenggo'nok name nage logominggirik, kani yi paga oroti worarogo naagaluk nimbirak nenok kambuwok nduk, eeke agarik o.”

1 Endagembogut 3:26

Yorage mbareegi, kwe aagaluk eenik wonage nogo nen aagaluk abuwa nggwok lombok mbake nagagerik, aap endagembogut Talomo yoge logonet, “Ai, nogoba. Elege eenik wonage ti, wariyak mondok mage o. Ata, kwe ti aret wogoru o.” Yoreegerak kwe, kwe ore nogo nen, “Op aret yegerak me, poorogo puwak aret. Poorogo pege kenok, kat inom, an inom, nimbirak terak togon ninaagalogwe lek aret logowok o.”

Yetaya 49:15

Ari kenok, at Ala nen ari logonet, “Kwe ambi aagaluk awo elak nengge kagak ami age, Ndi, at lombok nen ndareegerak nogo abuwa mbaka'lek mbo pege, Eeriyak op mbaken? At aagaluk mari eerogo pemenggerak kwe, an perak, kat o Tiyon nogo koba mari eerogo pagagin lek o.

Yeremiya 6:26

Nawuri yi wae. Ninooriyak nduk yini-panip ninoba kwi'narigin me, aap ambi apuluk ambolom ndarak kangge kenok, ale yimbegeelik-mbambegeelik ari menggi kwak, Kinayum nibinik maluk mendek yikkologwe, Wun paga lagak-mbagak yogwe, Kiniki puru yinuk, kinale yikkologwe, Eeko logonip o.

Amot 8:10

Inale'nggen nen laago lako logomenggaarak nogo obaane'me inayum maluk nibinik mendek yippunuk, iniki wakkologwe, Ndawi piyanggo logomenggaarak nogo obaane'me leenggu maakwi, Inayum nibinik maluk yippunuk nugwi, Ineeruwak inanobak puluk ko eerogo pakwi, Aap ambi aput ambolom kangge kenok, leenggu maake kwak maakwi, Eeko logowak nduk, Eerogo piyaagin o. Ti eeriminggirak paga ne ti eyom ariyak age yubuni nage kagak, iniki abu alik negen wakko'net unggwogo logogun,” yinuk, at Aliku Itok Menggerak Ala nen yegerak o.

Takariya 12:10

“An nen at Ndawut paga wiganak inom, it Yerutalem wonogwe inom, aakumi inabuwa mbakwi, inake tamban eekwi, eeko logowak nduk, inikime mambiige neenok, it an ndanuk togon nooremenggaarak nogo nen inigen neego logomenggaarik, aap ambi apuluk ambolom ndarak kangge kenok, abuwa nen aleenggu maake menggi kwak an nale yogwe, aap aput manggu ndarak kangge kenok, iniki wakkolage menggi kwak, an paga iniki wakkologwe, eerugun o.

Lukat 15:20

Mbake nagagerik, o time mbo punuk, ogoba ka wagagerak. Ka wage nagagerik, awo wok yi wage me, ogoba nogo enegen nakkage nagagerik, abuwa nen nggare agan nanuk, linggik-kambuk eeppunuk, aleenggu maareegerak.

Owak Loongga 2:4

At Aliku ALA ayonggo nogo nen wone abok aret yorage mbareegi, it Iterali mendek nogo nen leenggu nggwok maareegwaarak.

1 Tamuwen 24:16

At Ndawut nen wone nogo abok aret Tawun yoge mbareegi, at Tawun nen, “Kat naput Ndawut koone aret a?” Ari nagagerik, le oone nggwok paga yereegerak.