Wakkagagerak 21:14 - Ala Wone Peenok Peebi Mbanak

¹⁴ Yoge mbareegi, ko'lu kuubondendok at Abarakam nen mbi inom, niyo ndomba agabolo paga toolak inom, nenet nege logowak nduk, at Agat omba pege nagagerik, wulaga nogo imbirak, “Nanip o,” yinuk, wumbiyareegerak o Mberetiyeba karume time yelok-nggolok nugu nogogwaarak.

Wakkagagerak 21:14 ပူးပေါင်းရင်းမြစ်များ

Wakkagagerak 16:7

Kole mbaganit niyo eneeri wungge menggim o Tut nogo menggam tu paga karume time ari wagagerak wonage me, at Aliku ALA ayonggo malayikat ka wage nagagerik,

Wakkagagerak 19:27

Ko'lu o weege kagak Abarakam nogo nen Aliku ALA imbirak wone mbangge nagagim taa'nogo ari nanuk,

Wakkagagerak 21:13

Yoge nagagerik, “At kayeloman aagaluk wulaga nogo ti, kat kaput aret me, at togon anebunu nggwok aret wiganuwak nduk, ombowologwe ambik agago piyaagin o,” yoreegerak.

Wakkagagerak 21:15

Nugwi me, niyo ndomba agabolo paga toolak nogo aret lek age mbareegi, kwe Agat nogo aagaluk eyoongga mbuuluk logonak me time teppereegerak.

Wakkagagerak 21:31

Ndi, wone mbanggo nogogwam nogo ti, imbirak wone togop kumbuk mbaneegwaarak me, o ti endage Mberetiyeba aret o, yinuk, yogo nogogwaarak.

Wakkagagerak 21:33

Ndi, at Abarakam nogo o Mberetiyeba nogome eyo endage tamarika awi yappunuk logonet, “Kaliku Kitok Mondok Menggendak Ala o,” yinuk, endage alut eeke nagagerak.

Wakkagagerak 22:19

Wone nogo yoge mbareegi, at Abarakam aput imbirak iniyokan ayeloman piinok laganeegwam nogome wambi wogo nogogwaarik, iname o Mberetiyeba wogogwaarak. Wogo nogogwaarik, at Abarakam nogo o Mberetiyeba time aret wonagagerak.

Wakkagagerak 22:3

Yoge mbareegi, ko'lu kuubondendok at Abarakam nogo eenik age nagagerik, Ala ake warogo kani kuniyak nduk, kani nggaganogo nggerembunuk, keledai paga pege nagagerik, aput Itak wagangge, aap ayeloman mbere'ndak, “Woraanip o,” yorage, eeke nagagerik, inom o Ala nen yoreegim nogome aret nogogwaarak.

Wakkagagerak 24:54

Yi mendek ndi mendek abu aret wogorage nagagerik, at awuri nogo inom mbi niyo wogorogogwaarak nogo nenok, inom aret nogo yereegwaarak. Inom nogo yogo nogogwaarik, ko'lu kuubondendok Abarakam ayeloman nen yorage logonet, “Nogoba wonage me, yogondak noorak me, E, yo'ninip o.”

Wakkagagerak 25:6

at kangga'lek awo eenik logonet, it kumi ando wogonabeegerak inaagalogwe aap kenok, inabuwa nen amendek ambitak tumburirage nagagerik, Itak inom lambunik wonogwe iyo nduk, o Kanan oonegen wundi wage menggim pa'nggwe o nda time nappiyareegerak.

Wakkagagerak 26:31

inom nogo yinuk, ko'lu kuubondendok nen, “Yogop aret eeko logogun o,” yinuk, it abok nen kumbuk mbambogo nogogwaarik, at Itak nen, “Noreewi, kiname nanip o,” yorage mbareegi, keyage warogo punuk, iniki abe paga aret iname nogogwaarak.

Wakkagagerak 26:33

at Itak nen niyo nggween kabunik endage Tiyeba aret tooneegerak. Ti eereegwaarak kenok, o yaga'lelo nogo endage, “Mberetiyeba,” yinuk, yogwe wonogwe o.

Wakkagagerak 28:18

Ko'lu kuubondendok at Yakup nogo nen abi kagagerak nogo kobak age kero, yugum anep mbanak nogo waganogo mippege nagagerik, eyo tayitun amburu yugum nogo paga kilirogo pege logonet,

Wakkagagerak 37:15

At Yutup nogo o Tikem unggwi nage nagagerik, ineebe lek iinok, agi nagak ogu nagak agan nege me, aap ambi nen kage nagagerik, Yutup yoge logonet, “Wulaga. Kat ta kwaarit nege agandik o?”

Wakkagagerak 46:1

At Iterali nogo amindik-amendek abok aret ko'nok, o Metit naakit nduk tu paga o Mberetiyeba ari nanuk, at ogoba Itak ogoba Ala nogo ake ndomba warogo kani kungge logonet, alut eereegerak.

1 Endagembogut 19:3

Wone nogo eerogo nappereegerak yoge mbareegi, at Eliya nogo agabiti nen agap ndakko'nok ayeloman wulaga nogo imbirak kole mbaganit aakumi Yekura iname o Mberetiyeba time nogo nogogwaarik, wulaga nogo time kagak,

2 Mbinineegwaarak 29:20

Yogo mbareegwa, ko'lu kuubondendok at endagembogut Kitikiya nen it o kota wonogwe inoweewi kuwak eeppiinok, it abok aret Aliku ALA awi wurik me nogo logonet,

Ndawi 107:4

It ando nen kota ambi ye mbambatinuk logorak kobak aret me, O karume ya agak nda agak nugwi,

Ndawi 119:60

Koone, “Yogop ee'nu ndogop ee'nu,” yugu nogo An elaambirik lek mbet-mbet aret eerit nage logokit, mbake agarik o.

Kini Wuppiige 27:14

Aap ambi nen o kuubondendok oone nggwok paga at ore, “Wa,” yoge kenok, “Yi kugi pulunogo panigi ilik?” mbake menggerak.

Kini Wuppiige 27:8

Aap ambi ame nen wundi nanuk, ambime agak nege nogo ti, Towe awi mbanak me nen wundi nanuk wiganinuk nege menggi kwak aret wonage menggerak.

Wone Alom Kibingga 9:10

Kambunuk namenggenom time nen yabu eekwi, eeriyak koonogo pugwi, yi wone ndi wone ineenu arit nogwe, iniki warak eekkologwe, eekulik me, yi mendek ndi mendek abok aret eeriyak kage kenok, keenggi mondok omaawi paga eerit nage logot o.

Yetaya 16:8

O Ketibon ineyabu anggur yarak nogo mbuk age, Eyo anggur Tibama wonage nogo kunduk, teebat eerogo pege, Eekerak o. Aa'nduk nen eyo anggur abu abe yarak wigannarit o kota Yawet kuli ari nage, Karume time ton agan nage, Agarip ndarogo niyo kole yenggenak laut paga nagabit nage, Eeke menggerak nogo Aakumi inanebunu lombok inoweewi inendagembogut nen aan lebenogo pit nagaarak me, Ao, mba'nuk iniki wakkologo agaarik o.

Yaya 8:35

Aap ambi ayeloman nogo ogoba imbirak mondok-mondok wonageelik o. At lombok aput kenok perak, ogoba imbirak mondok-mondok menggerak.

Yotuwa 3:1

Yogo mbareegwa, Yotuwa aakumi Iterali mendek abok aret inom o Titim nogo yinuk, ko'lu kuubondendok niyo Yoraran aa'nggi paga ari wogo nogogwaarik, awo wunda woraawok nduk, inawooliya wuppatinuk, wonogogwaarak.

1 Tamuwen 15:12

Ko'lu o kuubondendok at Tamuwen nogo Tawun imbirak lambuniyak nduk, pekka nage mbareegi, aap ambi nen at yoge logonet, “At Tawun nogo o Karemen time at eekerak endage ki logowak nen yugum logonogo patiyak nduk, nage nagaarik, logonogo patinuk, yogondak o Nggilagan nagaarak o,” yoreegerak.