Wakkagagerak 20:3 - Ala Wone Peenok Peebi Mbanak

³ Wogori wogogwaarak wonage me, ne ambi paga at Abimelek nogo yege me, abi paga Ala nen yoge logonet, “Kwe ti, aap akwe kagak aret waganggendak me, kambumunggun o,” yoreegerak.

Wakkagagerak 20:3 ပူးပေါင်းရင်းမြစ်များ

Wakkagagerak 12:17

At aap endagembogut nogo nen Abaram akwe Tarayi nogo koloorak mbareegerak paga at Aliku ALA nen andi etenggen alitik-alitak mondok iya inagabiti warak mendek aap endagembogut nogo oba inom, awuri at ame wonogwe nogo inoba inom, nappi wagagerak.

Wakkagagerak 12:18

Nappi wagagerak andi eeginabit nage mbareegi, at aap endagembogut nogo nen Abaram wiireegerak wage mbareegi, yoge logonet, “Kat nen, Nakweeluk, yagambok, Nawuluk, yagandak paga, An kolaakit, mba'nuk, name pi wagarak me, kat nonggop nduk, An nakwe aret o, yuulik eekendak ti paga an maluk eeppanegendak o. Kat kakwe aret me, ko'nok nak o.”

Wakkagagerak 20:7

Non mbambagage wonagarak me, yogondak kwe ti, ogonggelo unde wogori nak o. At ogonggelo ti, an noone yoge neenok yoraga mendek me, kat kake tamban eerigin kenok, kambumunggun lek o. Ndi, kwe ti, ogonggelo wogorumunggun lek kenok perak, kat inom, kowe-kawot inom, Nit abok aret kambugun aret kagi, mbake logot o,” yoreegerak.

Wakkagagerak 28:12

Winna'nuk nogo yege me, oonikiya abi kage logonet, ya'na ambi nggorek abo ogu nggween paga nen nok, irip agi mbogut imbirak kunik wurik wonage me, Ala ayonggo malayikat mendek ya'na wurik ti paga laganggwi-wanggwi eekwi enegen iyareegerak.

Wakkagagerak 31:24

Panggo yi woraanuk, oonikiya nogo yugwi me, Ala nen aap Aram mendek Laban nogo abi paga yoge logonet, “Kat Yakup kimbirak lambumbunuk, agabiti mbaruwak nduk koone maluk ambiriluk ambi yoge keyo liippu o.”

Wakkagagerak 37:5

Togop eekwi wonogwe iigak, ne ambi paga at Yutup nogo abi kage nagagerik, oweewi mbininogo yorage logonet, “Noweewi o. An nabi kagarak wone yokkiraakit nen kinaruk logonip o. Nit abok aret nineyabu yarak me ninombato keele maarogo pit nogo mbako, an nombato keele maarak nogo abera'lek me oolo tiyak ari kagak, kit kinombato keele maarak nogo an nombato keele maarak abu'me yuwo-yuwo wangge kagarak o,” yinuk, yorage nogo oweewi konenggo nogogwaarik, abunuk ineebi lombok ombako logonet,

Wakkagagerak 37:9

Ti'nuk, ne ambi paga at Yutup nogo abi alik ambi kage nagagerik, oweewi mbininogo yorage logonet, “Nabi alik ambi kagarak me, yokkiraakit nen kinaruk logonip o.” Ari nagagerik, “Oonegen inom, tut inom, laaluguragan ineebe 11 inom, an nabu'me tebe yinuk, nayuk wukwi iigirak o,” yinuk, yoragagerak.

Wakkagagerak 40:5

Punogo pereegerak inarum wonage kagak, aap endagembogut Metit mendek awuri mbere, ambi, amburu tooka inowe nogo inom, ambi, oroti woraka inowe nogo inom, imbirak keele maarak wonogwe nogo nen ne ambit oonikiya paga imbirak inabi kogogwaarak. Inabi kogogwaarak nogo ti, eebe inom, alom inom, alitak aret kogogwaarak.

Wakkagagerak 40:8

Yorage mbareegi, it nen at yogo logonet, “Nimbirak ninabi kogoorak kwe, Alom togop kogotak o, yinuk, aap wone mbininogo ari menggerak lek kenok ogoorik o.” Yogo mbareegwa, at Yutup nen yorage logonet, “At Ala nen wone eebe yorage menggerak lek mbakop? Kinabi kogotak ti, mbininogo yo'ninip o.”

Wakkagagerak 46:2

Ala alut eeke mbareegi, at Ala nen oonikiya abinggaanggo paga Iterali yoge logonet, “Yakup wae. Yakup wae.” Yoge mbareegi, at Yakup nen, “Yu o, nogoba.”

1 Mbinineegwaarak 16:21

Aakumi nen tebenogo piyoorak eekwi iinok, At Aliku ALA nen non mbanogo piige, It paga yi aap ndi aap inendagembogut nogo, Inagabiti mbaruwak nduk, yorage logonet,

Ayup 33:15

Ne ambi abi paga yorage, Ne ambi paga oonikiya nogo yogo menggam nogo nggaruk togon yugwi me, Inabinggaanggo paga yorage, Eeke menggerak me,

Ndawi 105:14

Eerit nugwi iigak, aakumi nen tebenogo piigwi iyo, Aliku ALA nen, “Mage,” yorage, Iterali inili nen it aap inendagembogut mberirage logonet,

Yunut 3:4

Yunut nogo, o kota time unggwi nage nagagerik, nage kagak nogo ambit yegak nage nagagerik, wone yorage logonet, “Nogo 40 yinuk, o kota Niniwe yi, mondok lek eerogo pigin o,” yinuk, yoragagerak.

Linggineegwaarak 22:9

Nogo yugwi wonogwe me, at Ala nen Mbileyam ka wage nagagerik, yoge logonet, “It aap kat keya wagaarak kinom wonage ti, taani o?”

Matiyut 1:20

“Mbo pi ilik, lek a?” yinuk, iniki awo koongge nogo yege me, abi paga Ala yonggo nappiya wage menggerak malayikat mendek ambi at owagam wage nagagerik, yoge logonet, “Kat Yutup Ndawut ombooluk yi wae. Kwe Mariya abila agaarak nogo ti, Aberiniki paga aret abila agaarak me, keebi mbarugun o. Kat kakwe ti aret kolet o.

Matiyut 27:19

Yorage nagagerik, owak looninake menggim taati kwi'na'nuk, wonage me, aap ambi wage nagagerik, Pilatut yoge logonet, “Pilatut wae. Kat kakwe nogo, oonikiya yi paga abi kage logonet, Aap ti iniki abu koonak kagak maluk eeppugwi, kage nagarik, niniki aaninggin ambik agaarak me, nore nen maluk eeppege kero, yori nak o, yo'nege mbaki, yokkiri wagi o,” yoreegerak.