Wakkagagerak 20:2 - Ala Wone Peenok Peebi Mbanak

² O Nggerat nogome wonage logonet, at Abarakam nen akwe Tara abok mbangge logonet, “Kwe yi an nawuluk o,” yereegerak me, at aap o Nggerat endagembogut Abimelek nogo nen konembunuk, “Kwe Tara ti, wo'niri wa'nip o,” yorage mbareegi, kwe nogo wogori wogogwaarak.

Wakkagagerak 20:2 ပူးပေါင်းရင်းမြစ်များ

Wakkagagerak 12:15

Ndi, at aap endagembogut Metit mendek inom yabu eeko menggaarak nogo nen kwe Tarayi nogo amuni mbanak kigirikwe inigen kogo nogogwaarik, “Kwe kigirikwe yogop kogoorak o,” yinuk, aap inowe endagembogut nogo yori nogo mbareegwa, “Wa nanip o,” yorage mbareegi, kwe nogo wonok at awi o nggwok abe wurik me pi nogogwaarak.

Wakkagagerak 20:12

Yoge nagagerik, “At kwe yi, an nawuluk abet aret o. Ninogoba ambit aret kwe, ninagalomini perak, alitak me, waganeegirak o.

Wakkagagerak 21:22

Ne ambi paga at aap Abimelek inom, at awuri yigin unde inowe endage Pikon inom, imbirak nen Abarakam wonage me wogo nogogwaarik, yogo logonet, “Kat Ala kimbirak logonet, yi eekak ndi eekak eerit nage menggendak keego ogoorik o.

Wakkagagerak 26:1

Ne ambi paga o nogome mbi noogelo o maan at Abarakam wonage kagak eereegerak nogo ndak-ndak aret agagerak. Age mbareegi, at Itak nogo aap Pilitin inowe endagembogut Abimelek unde menggim o Nggerat nogome nagagerak.

Wakkagagerak 26:16

Ti eeko mbareegwa, at Abimelek nen Itak yoge logonet, “Kat komaawi ambik wonage togoti nit ndak-ndak lek me, ninom lambunik logorak lek mbo pinaninuk, o alik me nak o.”

Wakkagagerak 26:7

Time wonage me, it aap o Nggerat mendek nen at Itak yogo logonet, “Kwe kimbirak wagandak ti ta o?” Yogo mbareegwa, akwe Iribaka nogo abu obeelom kigirikwe lombok me, “Eebe ndinggo logonet, an nookwi iyo,” mba'nuk, agabiti nen, “An nakwe o,” yuulik, ata, “Yi nawuluk o,” yoragagerak o.

2 Mbinineegwaarak 19:2

aap abinggaanggo kaga Kanani aput Yeku nogo nen at Yotapat nogo ka wundi nage nagagerik, at yoge logonet, “It aap maluk lombok eekwi nogo yeenggwaarage, ndi, it Aliku ALA ineebi mbakwi nogo kiniki kunik aganake, eeke menggendak ti, op aret mbaken? Ti eekendak paga Aliku ALA anini koba aret wonage o.

2 Mbinineegwaarak 20:37

aap o Mareta mendek Ndorawa aput Eliyetet nen Yotapat owagam wage nagagerik, Ala yoge kagak wone yoge logonet, “Kat nen aap Akatiya kimbirak kiniki ambit eeppunuk, koonggotak me, ogobakkigirogo pogotak nogo Aliku ALA nen mondok yigirogo pigin o,” yinuk, yoreegerak. Ndi, wone yoreegerak nogo ndak-ndak yi yiiro ndi yiiro ogobakkigirik nogo, yi mendek ndi mendek wonok nega'lek kagak, taati aret mi-mi wambit nagagerak.

2 Mbinineegwaarak 32:31

o nggween time iya tit agagerak nogo kin wakkaawak nduk, it aap Mbaben mendek inoweewi inendagembogut nen inawuri nappiya wogogwaarak ti eyom paga perak, at Ala nen abut mbangge logonet, iniki mbake nogo abok aret eenu aruwak nduk, mbo pereegerak.

Kini Wuppiige 24:16

Aap iniki abe koonak nogo ne 7 kuli maluk oba aremenggerak kwe, obaane'me op age kagak, It aap maluk mendek perak, aaninggin inoba aremenggerak nogo obeelom aga'lek itok aret wonage menggerak.

Kini Wuppiige 29:25

Aakumi paga inagabiti mbarit nugwi ti, keele pugu kwak inenggaanok nggerenggologo menggaarak kwe, Iniki Aliku ALA oba panggombugwi nogo perak, tu kuuri'me aret nugu menggaarak.

Kini Wuppiige 6:29

Aap ambi aap alik ambi akwe imbirak nogo yege ti, Ti ndak-ndak aret o. Aap ambi nen aap alik akwe nogo pigagangge kenok, At aaninggin oba arigin lek ti lek, oba arigin aret o.

Wone Alom Kibingga 7:20

O nggween paga yime aakumi maluk eeka'lek iniki koonak abu obeelom mban eeka wonogolik o.

Epetut 4:25

Togop me noreewi o. Keritut ninom kunik eenggi-iyok kokwak nit aret me, kit-kit aret pilit pugunggo monggotak nogo mbo punuk, kit abok aret wone abet kenok mban yogo logonip o.

Kolote 3:9

Nit niniki ngget ogobakkigika Ala nogo nen, at eeke menggerak kineenu arubagip nduk, at iniki pogom kit kiniki ngget ogobakkigirogo pinagage kagak, kit kinobaabut maan mendek paga maluk eeko nogogutak nogo, nggonenogo mbo punuk, kinobaabut ngget mendek eekkologogutak me, kit-kit aret pilit pugunggwi ti mage o.